اشىق حات: كەدەندىك وداقتان شىعۋىمىز كەرەك!
قازاقستان حالقىنا!
پرەزيدەنت ن.ءا.نازارباەۆقا!
باستاماشىل توپتىڭ قازاقستاندا رەفەرەندۋم وتكىزەتىنى ء بىرشاما ۋاقىتتان بەرى كوپكە ءمالىم بولدى. كۇن تارتىبىندەگى نەگىزگى ماسەلەنىڭ ءبىرى - ەۋروازيالىق وداقتان باس تارتۋ.
رەفەرەندۋم وتكىزۋ جونىندەگى الماتىداعى الدىڭعى اپتادا وتكەن دوڭگەلەك ۇستەل بارىسىندا كەدەندىك وداق (كو), بىرىڭعاي ەكونوميكالىق ايماق (بەا) تاۋەلسىزدىككە تىكەلەي قاۋىپ توندىرەتىنى رەسمي ساندارمەن تاعى دالەلدەنىپ ءوتتى. وسى ورايدا قوعام قايراتكەرى، بەلگىلى ەكونوميست مۇحتار تايجان الدىمەن كەدەندىك وداقتان شىعۋ كەرەك دەگەندى ايتتى.
ءبىز، ءبىر توپ كەرەكۋلىكتەر، رەفەرەندۋمدا كوتەرىلەتىن ماسەلەلەردى، سونىڭ ىشىندە اكىمدەردى حالىقتىڭ سايلاۋىن، ازاماتتاردىڭ بارلىعى بىردەي زاڭ اياسىندا ءومىر ءسۇرۋىن، ت.ب. قولدايتىنىمىزدى بىلدىرە وتىرىپ، ەڭ باستىسى - بىرىڭعاي ەكونوميكالىق ايماققا، كەدەندىك وداققا تۇبەگەيلى قارسىلىعىمىزدى بىلدىرەمىز. كو-شىعۋ كەرەك. ويتكەنى كو، كەلەسى ساتى - بەا ءبىر-بىرىمەن تىكەلەي بايلانىستا. دوڭگەلەك ۇستەل بارىسىندا ايتىلعان رەسمي ساندارعا نازار اۋدارايىقشى: كو قۇرىلعالى بەلارۋستىڭ مۇشە ەكسپورتى 22 پايىزعا، رەسەيدىكى 28 پايىزعا وسكەن. ال قر-دا كەرىسىنشە، 30 پايىزعا كەمىگەن!
قازاقستان حالقىنا!
پرەزيدەنت ن.ءا.نازارباەۆقا!
باستاماشىل توپتىڭ قازاقستاندا رەفەرەندۋم وتكىزەتىنى ء بىرشاما ۋاقىتتان بەرى كوپكە ءمالىم بولدى. كۇن تارتىبىندەگى نەگىزگى ماسەلەنىڭ ءبىرى - ەۋروازيالىق وداقتان باس تارتۋ.
رەفەرەندۋم وتكىزۋ جونىندەگى الماتىداعى الدىڭعى اپتادا وتكەن دوڭگەلەك ۇستەل بارىسىندا كەدەندىك وداق (كو), بىرىڭعاي ەكونوميكالىق ايماق (بەا) تاۋەلسىزدىككە تىكەلەي قاۋىپ توندىرەتىنى رەسمي ساندارمەن تاعى دالەلدەنىپ ءوتتى. وسى ورايدا قوعام قايراتكەرى، بەلگىلى ەكونوميست مۇحتار تايجان الدىمەن كەدەندىك وداقتان شىعۋ كەرەك دەگەندى ايتتى.
ءبىز، ءبىر توپ كەرەكۋلىكتەر، رەفەرەندۋمدا كوتەرىلەتىن ماسەلەلەردى، سونىڭ ىشىندە اكىمدەردى حالىقتىڭ سايلاۋىن، ازاماتتاردىڭ بارلىعى بىردەي زاڭ اياسىندا ءومىر ءسۇرۋىن، ت.ب. قولدايتىنىمىزدى بىلدىرە وتىرىپ، ەڭ باستىسى - بىرىڭعاي ەكونوميكالىق ايماققا، كەدەندىك وداققا تۇبەگەيلى قارسىلىعىمىزدى بىلدىرەمىز. كو-شىعۋ كەرەك. ويتكەنى كو، كەلەسى ساتى - بەا ءبىر-بىرىمەن تىكەلەي بايلانىستا. دوڭگەلەك ۇستەل بارىسىندا ايتىلعان رەسمي ساندارعا نازار اۋدارايىقشى: كو قۇرىلعالى بەلارۋستىڭ مۇشە ەكسپورتى 22 پايىزعا، رەسەيدىكى 28 پايىزعا وسكەن. ال قر-دا كەرىسىنشە، 30 پايىزعا كەمىگەن!
كو-قا دەيىن دە رەسەيمەن ساۋدا اينالىمىندا 0 پايىزدىق كەدەندىك ستاۆكا بولاتىن. كو اياسىندا كەدەندىك تاريف ساياساتى 92 پايىز رەسەيدىكى بولعاندىقتان، شەتەل تاۋارلارىنىڭ باعالارى كۇرت ءوسىپ جاتىر. كەدەندىك سالىقتاردان تۇسكەن قارجىنىڭ 88 پايىزى رەسەي بيۋدجەتىن, 7 پايىزى عانا قازاقستان بيۋدجەتىن تولىقتىرادى.
ال بەا ول - ورتاق ۆاليۋتا، ورتاق تەمىر جول، باسقا دا ورتاق تاريفتەر، ورتاق مۇناي باعالارى، باسقا دا ورتاق باعالار. كو-نىڭ سىرتقى شەكارالارىن دەماركاتسيالاۋ دەگەن ءسوز - ء بىزءدىڭ رەسەيمەن ءبىر شەكارانىڭ ىشىندە, بىرگە بولامىز دەگەن ءسوز. ءبىر سوزبەن ايتقاندا، كو ءبىزدىڭ رەسەيگە جۇتىلىپ جاتقاندىعىمىزدىڭ ايقىن ايعاعى. ال بەا ودان دا قاۋىپتى.
وسىنى كورە بىلۋگە كوپ اقىلدىڭ، ءبىلىمنىڭ قاجەتى جوق. ءبىزدىڭ رەسەي بوداندىعىنا كىرىپ بارا جاتقانىمىزدى بۇكىل الەم مەملەكەتتەرى باقىلاپ وتىر. جوعارىدا كەلتىرىلگەن جايتتەردى جاقسى بىلەتىن وتانداستارىمىز دا، شەت جۇرتتار دا قازاقستان رەسپۋبليكاسى وز تاۋەلسىزدىگىن ءوزى قۇرتىپ وتىر دەپ بىلەدى.
ازاماتتار، حالايىق! ەرتەڭگى ۇرپاققا بوداندىق قامىتىن كيگىزبەيىك! ءبىز مەملەكەت ءۇشىن تاريحي اسا جاۋاپتى كەزەڭدە ءومىر ءسۇرىپ جاتىرمىز. بۇعىپ قالىپ، ماڭگىلىك قۇلدىققا كۇمپ بەرمەيىك، بولاشاق ءوز قولىمىزدا! ەكىنشى بەلوۆەج قايتالانباسىن! ءبىز بارلىق جاعىنان تەڭدىكتى قامتاماسىز ەتەتىن وداقتان ەش قاشپايمىز. ال قازىرگى ينتەگراتسيا - بارلىق جاعىنان وزىنە باسىمدىلىقتى قامتاماسىز ەتىپ وتىرعان رەسەيگە بودان بولۋ ينتەگرتسياسى.
پرەزيدەنت مىرزا! ەرتەڭ ەلىمىز بوداندىق قامىتىن شەشىلمەستەي قايتا كيە مە، ازات بولىپ قالا ما، ۇرپاق، بولاشاق، مەملەكەت قۇردىمعا كەتە مە، جوق پا، ەڭ الدىمەن وسى ساۋالدارعا ءوزىڭىزءدىڭ ەرەكشە جاۋاپتى ەكەنىڭىزدى تۇسىنەسىز دەپ سەنەمىز. حالقىڭىزدىڭ الدىندا دا، اللانىڭ الدىندا دا وسىعان ءسىز جاۋاپتى بولاسىز! «ەشتەن كەش جاقسى»، ءالى دە ءبىزدىڭ كو قامىتىنان قۇتىلۋعا مۇمكىندىگىمىز بار.
ر. بەيسەنباي تەگى، «جەلتوقسان اقيقاتى» رقب پاۆلودار وبل. ءتورايىمى،
ق. نۇرباەۆ، ت.ع.د.، پروفەسسور
ز. اعىمباەۆ، «قازاقستان پاتريوتتار پارتياسىنىڭ» پاۆلودار وبل. فيليالى باسشىسى،
ا.تويشىباي، ءتىلشى،
ق. نابيەۆ، «اتتان» قب باسشىسى، اقسۋ ق.
س. بايبوسىن، جورنالشى
س. نۇرسيلا، اقىن
ا. قانيەۆ، اقىن
ە. الدابەرگەنوۆ، جاستار بەلسەندىسى
ا. توقتاسىن، ۋاقىتشا جۇمىسسىز،
گ. مىرزاعالي ستۋدەنت،
ج. سماعۇلوۆ، فەرمەر،
ن. شاكىباەۆا، كوللەدج مۇعالىمى،
ق. بايازيت، تەمىرجولشى،
ر. عابدىعاليەۆ، وپەراتور،
ي. ساربالاەۆ، تەمىرجولشى،
ت. رامازانۇلى، ءتىل جاناشىرى، قوعام بەلسەندىسى،
ا.قاليەۆا، جۇمىسشى،
س.قاليەۆ، جۇمىسشى،
ج. حاميتوۆا، مۇعالىم،
گ. دۇيسەنبينا، كىتاپحاناشى،
ج. سارسەنباەۆ، جۇرگىزۋشى،
ا. سارسەنباەۆا، ساتۋشى
ە. ساناتۇلى، تاۋەلسىز جورنالشى،
گ.سەيتقاليەۆا،
ر.بەرگەنبەك،
ا.بەرگەنبەك،
ق. قىرىقباي،
ن.سامارحان ت.ب.
رەداكتسيادان: ادەتتە مۇنداي مازمۇنداعى اشىق حاتتارعا ادەبي-مادەني، ساياسي ءام عىلىمي اتاق-دارەجەسى زور قاۋىمنىڭ بەلگىلى ءبىر شوعىرى قول قويىپ، ۇندەۋ ءبىلدىرىپ جاتادى. سوندايعا كوزى ۇيرەنىپ قالعان جۇرت جوعارىداعى ءتىزىمدى وزىنشە قومسىنىپ قالۋى دا مۇمكىن. جوق، ولاي ەمەس! تەگىندە زايىرلى، ءارى اتازاڭىندا ەڭ ماڭىزدى فاكتور - ادام بولىپ تابىلاتىن قوعامدا ءار ازامات ءوزىنىڭ ازاماتتىق داۋىسىن بارشا جۇرتقا ەستىرتۋگە تولىق قاقىلى. ۇلتتىق-ازاماتتىق قوعامداعى ازاماتتاردىڭ بەلسەندىلىگى دەگەنىمىز دە - وسى. اشىق حاتتا ەشكىم ەشكىمدى داۋ-شارعا، مەملەكەتىمىزدىڭ تۇتاستىعىنا قارسى ۇندەپ جاتقان جوق. ەندەشە، كەدەندىك وداق سياقتى مۇشە بولۋعا نەمەسە باس تارتۋعا بولاتىن ۇيىم تۋرالى اركىم ءوزىنىڭ پىكىرىن اشىق بىلدىرۋگە ەرىكتى. «ەسەمىز كەتىپ قالماسىن» دەگەنگە ساياتىن سەرگەك، وياۋ ۇل مەن قىزدىڭ تىلەگى تۇپتەپ كەلگەندە ەل مۇددەسى ءۇشىن پايدالى بولارىن بيلىك تە، بۇقارا حالىق تا بەك ۇقسا، ۇتىلمايمىز.
"Abai.kz"
