ەندى ساۋد ارابياسىندا ايەلدەر شەكاراشى قىزمەتىن اتقارا الادى. بۇل تۋرالى Arab news ارنايى حابار تاراتتى. 

ساۋد ارابياسىنىڭ ىشكى ىستەر مينيسترلىگى 24 ناۋرىزدا قاتارداعى اسكەري شەنى بار شەكاراشى قىزمەتىن اتقارعىسى كەلەتىن ايەلدەردى قابىلداۋ مەن تىركەۋدى اشقانىن حابارلادى. وقۋعا تۇسۋگە وتىنىشتەر 26-31 ناۋرىز ارالىعىندا قابىلدانادى.

بۇعان دەيىن 2021 جىلدىڭ اقپان ايىندا ساۋد ارابياسىنىڭ قورعانىس مينيسترلىگى ايەلدەرگە قارۋلى كۇشتەر قاتارىندا قىزمەت ەتۋگە رۇقسات بەرگەن بولاتىن. ساۋد ارابياسى ارمياسىنىڭ، ساۋد ارابياسىنىڭ كورولدىك اۋە قورعانىس كۇشتەرىنىڭ، ساۋد ارابياسىنىڭ اسكەري-تەڭىز كۇشتەرىنىڭ، ساۋد ارابياسىنىڭ كورولدىك زىمىراندىق كۇشتەرىنىڭ جانە قارۋلى كۇشتەردىڭ مەديتسينالىق قىزمەتىندەگى ايەلدەرگە قاتارداعى جاۋىنگەردەن سەرجانتقا دەيىن اسكەري اتاق بەرۋگە رۇقسات ەتىلدى.

2021 جىلدىڭ قىركۇيەگىندە ساۋد ارابياسىندا ايەلدەردى اسكەري قىزمەتكە الۋ تۋرالى العاشقى جارلىق شىققان ەدى.

Abai.kz