وعان سايكەس، بولگاريا، رۋمىنيا، ۆەنگريا جانە سلوۆاكيادا حالىقارالىق ءتورت اسكەري توپ قۇرىلادى.ناتو قورعانىسقا بيۋدجەتتى كوبەيتپەك. اليانس ۋكرايناعا بيولوگيالىق، حيميالىق، يادرولىق قاۋىپتەن قورعاناتىن قۇرالدار بەرمەك. ناتو قىتايدى رەسەيگە اسكەري جانە سانكتسيالاردى جەڭىلدەتەتىن كومەك بەرمەۋگە شاقىردى.

سامميتتەن كەيىن ءباسپاسوز جيىنىن وتكىزگەن ۇيىمنىڭ باس حاتشىسى يەنس ستولتەنبەرگ ناتو ۋكراينانى قولداۋدى جالعاستىرىپ، قارۋ-جاراق بەرۋ جونىندە شەشىمگە كەلگەنىن مالىمدەدى. جانجالدىڭ كۇشەيىپ كەتۋدىڭ الدىن الۋ ءۇشىن ناتو ۋكراينا ايماعىنا اسكەر كىرگىزبەۋ جونىندە بۇرىنعى ۇستانىمىندا قالعانىن اتاپ ءوتتى.

ۋكراينا پرەزيدەنتى ۆلاديمير زەلەنسكي سامميتتە ۆيدەو بايلانىس ارقىلى ۇندەۋ جاساپ، سولتۇستىك اتلانتيكالىق ۇيىمدى رەسەي اگرەسسياسىمەن كۇرەسىپ جاتقان كيەۆكە قولداۋ كورسەتۋگە شاقىردى. ول ۇيىمداعى تانكتەر مەن ۇشاقتاردىڭ جوق دەگەندە 1% بولسا دا كيەۆكە بەرۋىن ءوتىنىپ، ۋكراين اۋە كەڭىستىگىن جابۋدى سۇرادى.

ناتو اليانستىڭ باس حاتشىسى يەنس ستولتەنبەرگتىڭ وكىلەتى 2023 جىلدىڭ 30 قىركۇيەگىنە دەيىن ۇزارتىلدى.

Abai.kz