2014 جىلعى الەم چەمپيوناتىنىڭ ىرىكتەۋ تۋرنيرىندە قازاقستان قۇراماسى اۆستريادان 4:0 ەسەبىمەن ويسىراي ۇتىلدى. 12 قازاندا استانادا وتكەن ويىندا ازەر دەگەندە تەڭ ويناعانبىز. ەندى كەلەسى جىلدىڭ 22 ناۋرىزىندا ءبىزدىڭ قۇراما نەمىستەرمەن وينايدى. وسىندا. استانادا. 26 ناۋرىزدا گەرمانياعا بارادى. گەرمانيا 10 ۇپايمەن كوش باستاپ كەلەدى. قازاقستاندا بار بولعانى 1 ۇپاي. شۆەتسيا، يرلانديا، اۆستريا قۇرامالارىنىڭ ارتىندا سالپاقتاپ كەلە جاتقان ءبىزدىڭ فۋتبولشىلارىمىزدىڭ نەمىستەرگە قارسى قاۋقار كورسەتە قويۋى قيىن-اۋ. ايتايىن دەگەنىمىز بۇل ەمەس.
وتاندىق پرەمەر-ليگادا «شاحتەر»، «جەتىسۋ»، «سۇڭقار»، «قايسار»، «استانا» سياقتى فۋتبول كوماندالارى بار. ولاردىڭ ويىندارى الەمدىك فۋتبول كوماندالارىنا قاراپ وتىرساڭىز، بالانىڭ ويىنى سەكىلدى. قازاقستان قۇراماسى دا سولاي.
وسى فۋتبول سالاسىنا قانشا قارجى بولىنەدى. ەسەپسىز. وسى قارجىنىڭ قايتارىمى قانشالىقتى؟ ويلاندىراتىن سۇراق.

2014 جىلعى الەم چەمپيوناتىنىڭ ىرىكتەۋ تۋرنيرىندە قازاقستان قۇراماسى اۆستريادان 4:0 ەسەبىمەن ويسىراي ۇتىلدى. 12 قازاندا استانادا وتكەن ويىندا ازەر دەگەندە تەڭ ويناعانبىز. ەندى كەلەسى جىلدىڭ 22 ناۋرىزىندا ءبىزدىڭ قۇراما نەمىستەرمەن وينايدى. وسىندا. استانادا. 26 ناۋرىزدا گەرمانياعا بارادى. گەرمانيا 10 ۇپايمەن كوش باستاپ كەلەدى. قازاقستاندا بار بولعانى 1 ۇپاي. شۆەتسيا، يرلانديا، اۆستريا قۇرامالارىنىڭ ارتىندا سالپاقتاپ كەلە جاتقان ءبىزدىڭ فۋتبولشىلارىمىزدىڭ نەمىستەرگە قارسى قاۋقار كورسەتە قويۋى قيىن-اۋ. ايتايىن دەگەنىمىز بۇل ەمەس.
وتاندىق پرەمەر-ليگادا «شاحتەر»، «جەتىسۋ»، «سۇڭقار»، «قايسار»، «استانا» سياقتى فۋتبول كوماندالارى بار. ولاردىڭ ويىندارى الەمدىك فۋتبول كوماندالارىنا قاراپ وتىرساڭىز، بالانىڭ ويىنى سەكىلدى. قازاقستان قۇراماسى دا سولاي.
وسى فۋتبول سالاسىنا قانشا قارجى بولىنەدى. ەسەپسىز. وسى قارجىنىڭ قايتارىمى قانشالىقتى؟ ويلاندىراتىن سۇراق.
قانشا قارجى قۇيعانمەن قازاقستان فۋتبولى قازاقستاندىقتاردى قۋانتا الماي وتىر. الداعى ۋاقىتتا دا سولاي بولا بەرەتىن ءتارىزدى. پرەزيدەنت كەڭەسشىسى ەرمۇحامەت ەرتىسباەۆتىڭ «قازاقستان 2056 جىلى الەم چەمپيونى بولادى» دەگەن بولجامىندا كەلىستى كەكەسىن بار. 2056 جىلعا دەيىن بوسقا سالاقتاعانشا، قىرۋار قارجىنى جەلگە شاشقانشا، قازاقستان وسى فۋتبول دەگەندى قويسا قايتەدى؟ ونىڭ ورنىنا وليمپيادالىق وزگە ويىندارعا، ناتيجە بەرەتىن، قازاقستاننىڭ مەرەيىن ۇستەم ەتەتىن سپورت سالالارىنا ماقساتتى تۇردە قارجى ءبولۋدى ويلاستىرعان ءجون سەكىلدى. ودان دا بوكسقا، قازاق كۇرەسىنە، اۋىر جانە جەڭىل اتلەتيكاعا، سۋ سپورتىنا، ايتەۋىر التىن مەن كۇمىس اكەلەتىن سپورت تۇرلەرىنە فۋتبولعا كەتكەن قارجىنى سالساق، جاقسى ناتيجەگە قول جەتكىزەر ەدىك.
ناتيجەسى جوق سالاعا اقشا سالا بەرگەننىڭ قانداي پايداسى بار؟
«ايتەۋىر فۋتبول ويناپ ءجۇرمىز، ءبىز دە قاتاردان قالمايىق» دەگەن نيەت بولسا، قازاقستان فۋتبولى بۇل قارقىنىمەن ۇزاققا بارا المايدى.
قازاقستان بويىنشا بارلىق وبلىستا سپورت باسقارمالارى بار. قاي وبلىستىڭ قاي سپورتقا يكەمى كۇشتى؟ قاي سالانى جەدەل دامىتۋ قاجەت؟ بولىنگەن قارجىنىڭ قايتارىمى قانداي؟ قايتسەك، ناقتى ناتيجەگە قول جەتكىزەمىز؟ - دەگەن سۇراقتارعا جاۋاپ ىزدەۋ كەرەك.
لوندون وليمپياداسىندا اقش تەك قانا سۋ سپورتىنان قانشاما التىن الدى. ءبىر امەريكالىق سپورتشى ءوز ەلىنە قانشاما التىن اپەردى. الەمگە ۇلگى بولىپ وتىرعان ەل - امەريكاڭىز فۋتبولدى سونشاما اسپەتتەپ وتىرعان جوق قوي. ولار دا بىردەڭە بىلەتىن شىعار...
سوندىقتان دوپ قۋىپ بوسقا دالاقتاي بەرگەنشە، قاشان جەڭىلەمىز دەپ الاقتاي بەرگەنشە، وسى فۋتبول دەگەندى قويساق قايتەدى؟!.

ن. نارجان

"ايقىن" گازەتى