بۇگىن - بارشا مۇسىلمان قاۋىمىنىڭ قۇربان ايت مەرەكەسى. كۇللى مۇسىلمان ەلدەرى اللادان نىعمەت ەتىلگەن ۇلكەن مەرەكەگە وتكىزۋ ۇستىندە. جاراتقاننان مەدەت سۇراپ، دۇعا تىلەكتەرىن وقىسا، بەس پارىزدىڭ ءبىرى سانالاتىن قاجىلىقتىڭ دا وتەلەتىن ۋاقىتى. بۇل ادام بالاسىنا دەگەن جاراتۋشى تارتۋ ەتكەن ۇلكەن سىي. دەگەنمەن،  وسى ۇلكەن مەرەكە باستالار الدىندا تالدىقورعاندا قازاق، مۇسىلمان دەسە پەيىلى تارىلىپ، ۇلى ورىستىق شوۆينيزم دەرتىنە شالدىققان سەليۋنين دەگەن جاساندى جۋرناليست-كاسىپكەر شىعاراتىن «تالدىكورگانسكايا جيزن» گازەتىنىڭ اشىقتان-اشىق سايقىمازاعىنا اينالدىق پا دەپ ويلايمىن. وعان تومەندەگى جازعانىم دالەل بولا الادى.

بۇگىن - بارشا مۇسىلمان قاۋىمىنىڭ قۇربان ايت مەرەكەسى. كۇللى مۇسىلمان ەلدەرى اللادان نىعمەت ەتىلگەن ۇلكەن مەرەكەگە وتكىزۋ ۇستىندە. جاراتقاننان مەدەت سۇراپ، دۇعا تىلەكتەرىن وقىسا، بەس پارىزدىڭ ءبىرى سانالاتىن قاجىلىقتىڭ دا وتەلەتىن ۋاقىتى. بۇل ادام بالاسىنا دەگەن جاراتۋشى تارتۋ ەتكەن ۇلكەن سىي. دەگەنمەن،  وسى ۇلكەن مەرەكە باستالار الدىندا تالدىقورعاندا قازاق، مۇسىلمان دەسە پەيىلى تارىلىپ، ۇلى ورىستىق شوۆينيزم دەرتىنە شالدىققان سەليۋنين دەگەن جاساندى جۋرناليست-كاسىپكەر شىعاراتىن «تالدىكورگانسكايا جيزن» گازەتىنىڭ اشىقتان-اشىق سايقىمازاعىنا اينالدىق پا دەپ ويلايمىن. وعان تومەندەگى جازعانىم دالەل بولا الادى.

الماتى وبلىسى، تالدىقورعان قالاسىندا «تالدىكورگانسكايا جيزن» قوعامدىق-جارنامالىق  گازەت بار. مىنە سول گازەتتىڭ بەيسەنبى، 25 قازان كۇنى جارىق كورگەن №12 سانىنىڭ ءبىرىنشى بەتىندە بۇكىل مۇسىلمان قاۋىمعا جاعا ۇستاتار جاريالانىم ورىن تەپتى.  رەسمي تىلدە جازىلعان قۇتتىقتاۋدا ورەسكەل قاتە كەتكەن. انىعىندا قاتە ەمەس، ادەيى جاسالعان  قورلاۋ ما دەپ ويلايسىڭ. سەليۋنين باستاعان جۋرناليستسىماقتار تالدىقورعاندىقتاردى «قۇربان ايت مەرەكەسىمەن قۇتتىقتايمىن» دەپ جەتىسۋلىق مۇسىلمان حالقىن ماسقارالاپتى. گازەتتىڭ ءبىرىنشءى بەتىنە ايشىقتى ەتىلىپ:  «يد مۋبۋراك!» دەپ جازىلىپتى. ەلىمىز كوپ ۇلتتى مەملەكەت بولعاندىقتان باۋىرلاس مۇسىلمان قاۋىمىنىڭ ءسوزى بولار دەپ، ءوز تاراپىمىزدان بىرەر ەلدىڭ سوزدىگىن، ءدىني كىتاپتاردى  سارالادىق. الايدا ءدال وسى مەرەكەمەن قۇتتىقتاۋعا قاتىستى مۇنداي  ءسوزدى تابا المادىق. ءدىنباسىلاردان دا سۇرادىق، ولار دا جاعالارىن ۇستاپ وتىر. سوندا قالاي، بۇل ساۋاتسىزدىق پا، جوق الدە قاساقانا جاسالعان ارانداتۋشىلىق پا؟! وزدەرىڭىز كۇندە ەستىپ جاتىرسىزدار. الەمنىڭ ءار تۇپكىرىندە ساناسىندا ساندىراق بار ارانداتۋشىلار پايعامبارىمىزدى مازاق ەتىپ، قۇراندى ورتەپ، مۇسىلمانداردىڭ ار نامىسىن تاپتاۋدا. ال، وسى داۋدىڭ جالىنى باسىلماي تۇرعاندا كەزەڭدە جوعارىداعىداي سۇمدىقتىڭ وبلىس ورتالىعىندا جارىق كورەتىن جەكەمەنشىك گازەتتە قالايشا جاريالانعانىن جانە نەنى  كوكسەگەنىن تۇسىنبەدىك.  باسپاسوزدە كەتكەن ءارىپ قاتەسى دەسەڭ، كوورەكتوردان باستاپ رەداكتورعا دەيىن قاداعالايتىن ءبىرىنشى بەتتە ۇلكەن شريفتپەن باسىلعاندىعىنان بولا قيسىنعا كەلمەيدى. سونىمەن بۇكىل مۇسىلمان ايت مەرەكەسىن ەمەس، يد مەرەكەسىن تويلايتىنداي كۇي كەشتىك. ايتىپ ايتپاي نە كەرەك...

ءا. سانا

«Abai.kz»