قازاقستاننىڭ قارجى ءمينيسترى ەرۇلان جاماۋباەۆ كاسپي قۇبىر جەلىسى كونسورتسيۋمىنداعى (كقك) اپاتتان 100–150 ملرد تەڭگە (218-327 ميلليون دوللار) شىعىن كەلدى دەپ مالىمدەدى.

"شىعىن 100–150 ملرد تەڭگەگە باعالانىپ وتىر، ەگەر تەز جوندەلسە، ارينە از بولادى. مۇنىڭ ءبارى جوندەۋ مەرزىمىنە جانە رەسەيگە قاتىستى تاعى سانكتسيالار سالىنادى ما، وسىعان دا بايلانىستى",- دەدى جاماۋباەۆ.

وتكەن اپتادا قازاقستاننىڭ ەنەرگەتيكا ءمينيسترى بولات اقشولاقوۆ Bloomberg اگەنتتىگىنە بەرگەن سۇقباتىندا وسى ايدىڭ سوڭىنا قاراي كقك ماگيسترالى جوندەلەدى دەپ كۇتەتىنىن، بىراق باتىستىڭ سانكتسياسىنا بايلانىستى شيكىزاتتى تاسىمالداۋعا بايلانىستى پروبلەما تۋىندايدى ما دەپ الاڭدايتىنىن جەتكىزگەن.

ول بۇل مۇناي قۇبىر جەلىسى قازاقستان ءۇشىن ەۋروپاعا مۇناي تاسىمالدايتىن ەڭ ماڭىزدى جۇيە ەكەنىن ايتقان.

بيىل ناۋرىز ايىندا كقك-ءتىڭ نوۆوروسسيسك ەلدى مەكەنىندەگى قۇبىرى ىستەن شىققان. بۇل قۇبىر جەلىسى بويىنشا مۇنايدىڭ 90 پروتسەنتى قازاقستاننان تاسىمالدانادى. "تەڭىز", "قاشاعان", "قاراشىعاناق" سەكىلدى ءىرى كەنىشتىڭ مۇنايى تاسىمالدانادى. ساراپشىلار بۇل قۇبىر جەلىسىنىڭ ىستەن شىعۋى ەل ەكونوميكاسىنا ايتارلىقتاي اسەرىن تيگىزەتىنىن ەسكەرتىپ جاتىر.

Abai.kz