تۇركيا قازاقستانعا ينۆەستيتسيا قۇيعان جەتەكشى بەس ەلدىڭ ءبىرى
تۇركيا استاناسى انكارا قالاسىندا قازاقستان ەلشىلىگىنىڭ باس بولۋىمەن «قازاقستانداعى قايتا قۇرۋ ءۇردىسى: جاڭارۋ مەن جاڭعىرۋ جول» دەگەن تاقىرىپتا باسقوسۋ بولىپ ءوتتى، – دەپ حابارلايدى Dalanews.kz.
جيىن بارسىندا ءسوز سويلەگەن قازاقستاننىڭ تۇركياداعى ەلشىسى ەركبۇلان ساپيەۆ تاياۋدا عانا پرەزيدەنت قاسىم-جومارت توقاەۆتىڭ تۇركياعا جاساعان جۇمىس ساپارى ەكى ەل اراسىنداعى بايلانىستى بەكەمدەپ، جاڭا كەزەڭگە شىعارعانىن العا تارتتى.
ءوز كەزىگىندە ەلشى «ءبىز ەڭ العاش تاۋەلسىزدىگىمىزگە يە بولعاندا، قازاقستاندى تاۋەلسىز ەل رەتىندە ءبىرىنشى بولىپ تۇركيا تانىعان بولاتىن. بىزدەر تۇرىك اعايىنداردىڭ سول كەزدەگى قولداۋىن ەشقاشان ۇمىتپايمىز» دەدى.
جيىن بارىسىندا ەلشى مەملەكەت باسشىسى قاسىم-جومارت توقاەۆتىڭ تۇركياعا جاساعان جۇمىس ساپارى كەزىندە قۇنى 1,4 ملرد دوللارعا باعالانعان كەلسىم-شارتتارعا قول قويىلعانىن تىلگە تيەك ەتتى.
– بۇگىندە تۇركيا قازاقستانعا ينۆەستيتسيا قۇيىپ وتىرعان توپ 5 ەلدىڭ قاتارىندا. سوڭعى جىلدارى تۇركيادان قازاقستانعا باعىتتالعان تىكەلەي ينۆەستيتسيانىڭ كولەمى جىل وتكەن سايىن ارتىپ كەلەدى. ايتالىق، 2019 جىلى تۇركيانىڭ قازاقستان ەكونوميكاسىنا سالعان ينۆەستيتسياسى 358 ملن دوللار بولسا، 2020 جىلى ول 363 ملن دوللارعا ءوستى. ال 2021 جىلى تۇرىك ينۆەستيتسياسىنىڭ كولەمى 680 ملن دوللارعا جوعارلادى، – دەدى ەلشى ەركەبۇلان ساپيەۆ.
Abai.kz
