قاڭتار وقيعاسىنا قاتىسىپ، جاپپاي تارتىپسىزدىكتەر ۇيىمداستىردى دەپ كۇدىككە ىلىنگەن كاسىپكەر قايرات قۇدايبەرگەن الەۋمەتتىك جەلىگە جازبا جاريالادى. ول «ماعان كەرەگى تەك ادىلدىك»،- دەيدى.

"مەن ومىردە كوپ اۋىر ءسوز ەستىدىم. مۇعالىمىم «بۇل ومىردە ەشتەڭەگە جەتە المايسىڭ»، -دەدى. "سەن جەتكىلىكتى بال جينامادىڭ",- دەدى ۇبت-داعى قابىلداۋ كوميسسياسىنىڭ مۇشەسى، 2008 جىلعى داعدارىستا مەنىڭ بانكيرىم ماعان: "سەن بانكروتسىڭ!", دەدى. دوسىمنىڭ اناسى "دوسىڭ ەندى ارامىزدا جوق", - دەدى.

ومىرىمدە مۇنداي سوزدەردى كوپ ەستىدىم. مەن تۇتقىنعا الىنىپ، 30 كۇن وتكەندە تەرگەۋشى قولىما كىسەن سالىپ الىپ بارا جاتتى. سول كەزدە مەنى 5 جاسار ۇلىم قاسىمحان كوردى. ونىڭ ايتقانى ومىرىمدەگى ەڭ اۋىر ءسوز شىعار. ونىڭ ايتقان ءسوزى قۇلاعىمدا تۇنىپ تۇر. «اكە، مەن ءسىزدىڭ ءتۇرىڭىزدى ۇمىتىپ قالدىم. ءسىزدى كورمەگەنىمە كوپ بولدى…» وسى كەزدە ىشىمدە بىردەڭە جارىلعانداي بولدى، بىراق سول كەزدە ءبىر نارسە كۇشەيە ءتۇستى.

ءبىزدىڭ مەملەكەتىمىزدە بولاتىن ەڭ ۇيات نارسە، ول كىناسىز ادامدى تۇرمەگە جابۋمەن قاتار، قىسىم كورسەتۋ ءۇشىن ونىڭ بالالارى مەن ايەلىمەن كەزدەسۋىنە رۇقسات بەرمەۋ. بىراق بۇل جاقتاعىلاردىڭ ءبارى بىردەي ەمەس، اراسىندا ابىرويىن ويلايتىن ادامدار دا بار. بۇگىن مەنىڭ تالاپ ەتەتىنىم تەك ادىلەتتىلىك!  2 ماۋسىمدا ۇلىم قاسىمحان 6 جاسقا تولادى. الايدا مىنا ادىلەتسىز جۇيەنىڭ كەسىرىنەن ونى كورۋىم دە،  ءتىپتى قۇتتىقتاۋىم دا ەكىتالاي" - دەپ جازدى كاسىپكەر ءوز پاراقشاسىندا .

قايرات قۇدايبەرگەن 21 ساۋىردە الماتىداعى جاپپاي تارتىپسىزدىككە قاتىستى جانە ۇيىمداستىردى دەگەن كۇدىك بويىنشا قاماۋعا الىندى. قازىر الماتى تەرگەۋ سوتى ونى قاماۋدا ۇستاۋ مەرزىمىن 21 ماۋسىمعا دەيىن ۇزارتتى.

Abai.kz