ەرىنىڭ ءجىبىسىن دەسەڭ ەلىڭدە بولسىن
بيىلعى قازان ايىنىڭ سوڭعى كۇندەرىندە ەلباسى باستاماسىمەن قولعا الىنعان «حالىقتىق IPO» باعدارلاماسى ءوزىنىڭ كەزەكتى ساپالىق كەزەڭىنە اياق باستى. ءبىز مۇنداي تۇجىرىمدى اتالعان باعدارلامانىڭ ءمانى مەن ماقساتىن حالىققا ءتۇسىندىرۋ شارالارى مارەگە تاياپ كەلۋىنە بايلانىستى قولدانىپ وتىرمىز. بۇل جۇمىستار مامىر ايىندا باستالعانى بەلگىلى. وسى ۋاقىت ارالىعىندا ورال وڭىرىندە 53 تانىستىرىلىم وتكىزىلىپ، ءۇش قوعامدىق ءدارىس وقىلىپتى. بۇعان ءۇش مىڭنان استام ادام قاتىسقان. وبلىس ورتالىعىنداعى ساۋدا ورىندارىندا، ساياباقتار مەن ۇلكەن الاڭداردا پرومونۇكتەلەر اشىلعان. سونىمەن بىرگە، اقپاراتتىق ناسيحاتپەن اينالىساتىن 49 ادام ارنايى سەمينار ترەنينگكە قاتىسىپ سەرتيفيكات العانى دا ءتۇسىندىرۋ شارالارىنىڭ جان-جاقتىلىعىن كورسەتە الادى.
ۇزاق جىلدار بويعى ءتاجىريبەلەرگە كوز سالساق، ۇگىت-ناسيحات پەن اقپاراتتىق ناۋقاندار بىردەن ناتيجە بەرە قويماعانىن كورەمىز. ال «حالىقتىق IPO-عا» قاتىستى ءىس-شارالار مەن ءتۇسىندىرۋ جۇمىستارىنىڭ ناتيجەسى جونىندە بۇلاي دەي المايمىز. ويتكەنى، بۇل ماسەلەدە ناتيجە كوپ كۇتتىرمەي كەلىپ وتىر. ايتالىق، اقجايىق وڭىرىندە اتالمىش باعدارلاماعا قاتىسۋشى ينۆەستورلار قاتارى تەز تولىعا تۇسۋدە. مۇنى بروكەرلىك شوتتاردىڭ اشىلۋ ديناميكاسىنان دا بايقاۋعا بولادى.
بيىلعى قازان ايىنىڭ سوڭعى كۇندەرىندە ەلباسى باستاماسىمەن قولعا الىنعان «حالىقتىق IPO» باعدارلاماسى ءوزىنىڭ كەزەكتى ساپالىق كەزەڭىنە اياق باستى. ءبىز مۇنداي تۇجىرىمدى اتالعان باعدارلامانىڭ ءمانى مەن ماقساتىن حالىققا ءتۇسىندىرۋ شارالارى مارەگە تاياپ كەلۋىنە بايلانىستى قولدانىپ وتىرمىز. بۇل جۇمىستار مامىر ايىندا باستالعانى بەلگىلى. وسى ۋاقىت ارالىعىندا ورال وڭىرىندە 53 تانىستىرىلىم وتكىزىلىپ، ءۇش قوعامدىق ءدارىس وقىلىپتى. بۇعان ءۇش مىڭنان استام ادام قاتىسقان. وبلىس ورتالىعىنداعى ساۋدا ورىندارىندا، ساياباقتار مەن ۇلكەن الاڭداردا پرومونۇكتەلەر اشىلعان. سونىمەن بىرگە، اقپاراتتىق ناسيحاتپەن اينالىساتىن 49 ادام ارنايى سەمينار ترەنينگكە قاتىسىپ سەرتيفيكات العانى دا ءتۇسىندىرۋ شارالارىنىڭ جان-جاقتىلىعىن كورسەتە الادى.
ۇزاق جىلدار بويعى ءتاجىريبەلەرگە كوز سالساق، ۇگىت-ناسيحات پەن اقپاراتتىق ناۋقاندار بىردەن ناتيجە بەرە قويماعانىن كورەمىز. ال «حالىقتىق IPO-عا» قاتىستى ءىس-شارالار مەن ءتۇسىندىرۋ جۇمىستارىنىڭ ناتيجەسى جونىندە بۇلاي دەي المايمىز. ويتكەنى، بۇل ماسەلەدە ناتيجە كوپ كۇتتىرمەي كەلىپ وتىر. ايتالىق، اقجايىق وڭىرىندە اتالمىش باعدارلاماعا قاتىسۋشى ينۆەستورلار قاتارى تەز تولىعا تۇسۋدە. مۇنى بروكەرلىك شوتتاردىڭ اشىلۋ ديناميكاسىنان دا بايقاۋعا بولادى.
تەاتر كيىم ىلگىشتەن باستالسا، رەسپۋبليكا ازاماتتارىنىڭ «حالىقتىق IPO-عا» قاتىسۋى شوت اشۋدان باستالادى دەسەك قاتەلەسە قويمايتىن شىعارمىز. دەرەككە سۇيەنسەك «اسىل-ينۆەست» كومپانياسىندا قاراشا ايىنا دەيىن 10043 جەكە ينۆەستور شوت اشىپتى. بۇل وتكەن جىلدىڭ وسى مەرزىمىندەگى كورسەتكىشتەن 56 ەسە ارتىق ەكەن. سونداي-اق بۇعان دەيىن شوتتاردىڭ توقسان پايىزىن الماتى قالاسىنىڭ تۇرعىندارى اشىپ كەلگەن بولسا، بۇگىندە جاعداي كۇرت وزگەرىپ 360 گرادۋسقا بۇرىلعانىن كورسەتەدى. ياعني، ءدال قازىرگى كۇنى 68 پايىزدىق كورسەتكشىپەن باتىس قازاقستان وبلىسىنىڭ ينۆەستورلارى سۋىرىلىپ العا شىعىپتى. بۇدان كەيىنگى كەزەڭدە سولتۇستىك قازاقستان وبلىسى تۇر، استانا، جەزقازعان، قاراعاندى ءوڭىرلەرىنىڭ تۇرعىندارى 17, وڭتۇستىك قازاقستان وبلىسى 11 جانە شىعىس قازاقستان وبلىسى 4 پايىزدى قۇراپتى.
«حالىقتىق IPO» باعدارلاماسىن ىسكە اسىرۋعا قاتىستى «كازپوشتا» اق مەن ونىڭ وبلىستارداعى فيليالدارىنىڭ قىزمەتى جاڭا ساپالىق مانگە يە. قازىر مۇنداعى ءىس تۇرعىنداردىڭ اتالعان باعدارلاماعا قاتىسۋىنا جاعداي جاساۋدان، بروكەرلىك قىزمەت كورسەتۋدەن جانە شوت اشۋدان كورىنىس تاۋىپ كەلەدى.
- قازىرگى كۇنى ءبىزدىڭ فيليال ارقىلى 534 شوت اشىلدى. ارينە، مۇنىڭ ءبارى بروكەرلىك شوت دەي المايمىز. ايتسە دە وسى قادامنىڭ ءوزى تۇرعىنداردىڭ باعدارلاماعا قاتىستى كەڭەس الىپ، كەلەشەكتە ينۆەستور بولۋعا تالپىنىسىن بايقاتادى. شوت اشۋشىلاردىڭ دەنى - زەينەتكەرلەر مەن مەكەمە-كاسىپورىن قىزمەتكەرلەرى، - دەيدى «كازپوشتا» اق باتىس قازاقستان وبلىستىق فيليالى ديرەكتورىنىڭ ورىنباسارى گۇلبارشىن دارىشەۆا.
ءيا، بۇگىندە باتىسقازاقستاندىقتار «كازپوشتاعا» «حالىقتىق IPO» جونىندە اقپارات، كەڭەس الۋعا عانا ەمەس، سونىمەن بىرگە، بروكەرلىك قىزمەت جونىندە كەلىسىمشارت جاساۋعا كوپتەپ كەلە باستاعان. مىسالى تەك سوڭعى ايلاردا عانا بروكەرلىك شوت اشقانداردىڭ قاتارى ورال وڭىرىندە ءبىرنەشە ەسەگە ءوسىپتى. ەندىگى جەردە شوت اشقان ازاماتتار باعدارلاما بويىنشا «قازترانسويل» «KEGOK»، «ەير استانا»، «كازترانسگاز»، «سامۇرىق-ەنەرگو»، «قازاقستان تەمىر جولى» سەكىلدى ۇلتتىق كومپانيالاردىڭ اكتسيالارىن ساتىپ الۋعا بەكەم بەل بۋىپ وتىر. سونىمەن بىرگە، ولار قازىرگى نارىقتاعى اكتسيالار مەن پايلاردى ساتىپ الۋ مۇمكىندىگىنە دە يە. ەڭ باستىسى وبلىستاعى اۋىل تۇرعىندارىنىڭ «حالىقتىق IPO» باعدارلاماسىنا قاتىسۋعا ىقىلاستى ەكەندىكتەرى دە ءسۇيسىندىرەدى. بۇل ىستە وبلىستىڭ ءبورلى، جاڭاقالا، سىرىم، قاراتوبە، اقجايىق اۋداندارى تۇرعىندارىنىڭ بەلسەندىلىگى جوعارى دەۋگە بولادى.
سوڭعى كۇندەرى بۇقارالىق اقپارات قۇرالدارى جازىپ حابارلاعانىنداي قازاقستاندىق كومپانيالار اراسىندا ءبىرىنشى بولىپ «قازسترانسويل» كومپانياسى ءوز اكتسيالارىن قۇندى قاعازدار رىنوگىنا شىعارۋدى قولعا الدى. ەلىمىزدە وندىرىلەتىن مۇناي-گازدىڭ 58 پايىزىن تاسىمالدايتىن وتاندىق كومپانيا وتكەن جىلدى 25,9 ميلليارد تەڭگە تازا پايدامەن اياقتاعان ەكەن. وسىنداي تابىسى مول وتاندىق كومپانيانىڭ اكتسياسىن ساتىپ الۋ ارقىلى قاراپايىم تۇرعىندار وسىنداي پايدادان ۇلەسكە يە بولىپ جاتسا، يگىلىك دەگەن سول ەمەس پە؟
«ەلدە بولسا ەرنىڭە تيەدى» دەگەن دانالىق ءسوز بار. حالىقتىق فيلوسوفيانىڭ بۇدان ارتىق تىركەسىن تاۋىپ ايتا الار ما ەكەنبىز؟ حالقىمىزدىڭ دانالىعى مەن بولاشاقتى بولجاعىشتىعى دا وسى ءبىر اۋىز ءسوزدىڭ استارىندا تۇنىپ تۇرعانداي. جوعارىدا ايتىلعانداي «حالىقتىق IPO» باعدارلاماسىنىڭ كەزەكتى ساپالىق كەزەڭىن قازاقستاندىق كومپانيالار اكتسيالارىنىڭ نارىققا شىعۋ ساتىمەن بايلانىستىرا الامىز. حالىق كوپتەن كۇتىپ جۇرگەن سول ءسات، سول كۇن دە بوساعادان اتتادى. ەندەشە، ىسكە ءسات، قورجىن تولسىن، اعايىن دەمەكپىز؟
تەمىر قۇسايىن،
«اباي-اقپارات»
