بۇگىن - ۇلتتىق ۆاليۋتا - تەڭگە كۇنى جانە  قارجى سالاسى قىزمەتكەرلەرىنىڭ كاسىپتىك مەرەكەسى.

مەرەكەگە وراي ءتول ۆاليۋتامىزدىڭ  تاريحىنا كوز جۇگىرتىپ وتەيىك:

بۇگىن - ۇلتتىق ۆاليۋتا - تەڭگە كۇنى جانە  قارجى سالاسى قىزمەتكەرلەرىنىڭ كاسىپتىك مەرەكەسى.

مەرەكەگە وراي ءتول ۆاليۋتامىزدىڭ  تاريحىنا كوز جۇگىرتىپ وتەيىك:

• 1992 جىلدىڭ 27 تامىزى كۇنى ۇلتتىق بانك تەڭگە كۋپيۋراسىنىڭ ۇلگىلەرىن بەكىتتى. ەرتەسىنە قازاق ۆاليۋتاسىن ومىرگە كەلتىرگەن سۋرەتشىلەر تيمۋر سۇلەيمەنوۆ، مەڭدىباي الين، اعىمسالى دۇزەلحانوۆ، قايروللا ابجالەلوۆتەر انگلياعا اتتاندى.
• 1992 جىلى تەڭگە ديزاينىنداعى پورترەتتەر بەكىتىلدى.
• تەڭگە ۇلىبريتانيادا باسىلىپ شىقتى.
• 1993 جىلدىڭ 12 قاراشاسى كۇنى ەلباسى نۇرسۇلتان نازارباەۆ «قازاقستان رەسپۋبليكاسىندا ۇلتتىق ۆاليۋتا ەنگىزۋ تۋرالى» جارلىققا قول قويدى.
• 1993 جىلدىڭ 15 قاراشاسىندا تاۋەلسىز قازاقستان رەسپۋبليكاسىنىڭ تول ۆاليۋتاسى اينالىمعا ەندى.
• ەسكى اقشانى قازاقستاندىق تەڭگەگە ايىرباستاۋ 1993 جىلى 15 قاراشادا ساعات 8.00-دە باستالىپ، 20 قاراشادا ساعات 20.00-دە اياقتالدى.
• ۇلتتىق بانك باستاپقىدا 1 تەڭگەنى سول كەزدەگى مىڭ رۋبلگە باعالاعان بولاتىن. دەگەنمەن، ەلىمىزدىڭ ساياسي، الەۋمەتتىك ماسەلەلەرى جانە مەملەكەتارالىق قاتىناستار ەسكەرىلىپ 1 تەڭگە 500 سومعا بەكىتىلدى.
• تەڭگە ءبىرىنشى اينالىمعا كىرگەن كۇنى 1 دوللار 4,75 تەڭگە بولىپ بەكىتىلدى.
• 1994 جىلى قاعاز تيىنداردىڭ ورنىنا جەزدەن جاسالىنعان 2,5,10, 20 جانە 50 نومينالدى مونەتالار شىقتى.
• ۇلتتىق ۆاليۋتا بانكنوت جانە مونەتا تۇرىندە اينالىسقا ەنگىزىلدى. قازىر بانكنوت -  ۇلتتىق بانكتىڭ الماتى قالاسىنداعى بانكنوت فابريكاسىندا، ال مونەتا - وسكەمەندەگى مونەتا سارايىندا شىعارىلادى.
• ەل پرەزيدەنتىنىڭ جارلىعىمەن 1997 جىلدان بەرى 15 قاراشا ءتول ۆاليۋتامىزدىڭ تۋعان كۇنى ءارى قارجىگەرلەر كۇنى بولىپ بەلگىلەندى.
• 2006 جىلى 15 قاراشادا جاڭا ۇلگىدەگى بانكنوتتار اينالىسقا ەنگىزىلدى.

«شىندىق قىمبات تۇرادى، شىراعىم» (قۇدايبەرگەن سۇلتانباەۆ) دەمەكشى،  تول تەڭگەمىز قولىمىزعا تيگەندە اتالارىمىزدىڭ سۋرەتتەگى بەينەلەرىن كورىپ ءبىر جىرعاپ قالعانىمىز راس. ءبارىمىزدىڭ سولكەبايىمىزدا  «اتالارىمىزدىڭ باسى»  - ساۋدالاسىپ تۇرىپ «ءسۇيىنبايدى»  سۋرىپ بەرە قوياسىڭ، «مىناۋىڭىز ءىرى عوي، اقشا ايىرۋعا مايدام جوق ەدى» دەگەندەردى «قۇرمانعازىمەن» قۋانتىپ، «تاعى بىردەڭە، ىرىلەۋ نارسە المايسىز با» دەگەندەردىڭ اۋزىن «ابايمەن» جاۋىپ، «حان اۋلەتىن» («شوقان»، «ابىلقايىر»، «ابىلاي») قالتاعا باسىپ الىپ الشاڭداپ جۇرگەن كۇندەر بولدى. بىراق قارجى نارىعىنىڭ ىرىقتانباۋى «اتالارىمىزدىڭ باسىن» جۇتىپ تىندى. دوللاردىڭ باعامى تۇراقتى ءوسىپ وتىردى. 1999 جىلى  قازاقستان ەكونوميكاسىندا «الەمدىك داعدارىس»  «رەتسەسسيا» دەگەن تەرميندەر پايدا بولىپ تەڭگە تاعى دا قۇنسىزداندى.  الايدا، قازىر قازاقستاندىقتاردىڭ تەڭگەگە دەگەن سەنىمى ارتتى. تەڭگە قارجى نارىعىندا تۇراقتى اينالىمعا ەنىپ تاۋەلسىز مەملەكەتىمىزدىڭ ءبىر نىشانى بولىپ قالىپتاسىپ قالدى.

«Abai.kz»