2023 جىلى وڭىرلەرگە رەسپۋبليكالىق بيۋدجەت قاراجاتى ەسەبىنەن 6 ترلن تەڭگە بولىنەدى. بۇل تۋرالى ماجىلىستە «2023-2025 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىرعان قر قارجى ۆيتسە-ءمينيسترى تاتيانا ساۆەلەۆا ايتتى، دەپ حابارلايدى قازاقپارات ءتىلشىسى.

«اكىمدەردى ەكونوميكالىق ىنتالاندىرۋ، ولاردىڭ قارجىلىق دەربەستىگى مەن وڭىرلەردىڭ الەۋمەتتىك-ەكونوميكالىق دامۋ ماسەلەلەرىن شەشۋدەگى جاۋاپكەرشىلىگىن كەڭەيتۋ ءۇشىن رەسپۋبليكالىق بيۋدجەتتەن بارلىق اعىمداعى ترانسفەرتتەردى جەرگىلىكتى بيۋدجەتتەر بازاسىنا بەرۋ جۇزەگە اسىرىلدى»، - دەدى ول.

ۆيتسە-ءمينيستردىڭ دەرەگىنشە، ءۇش جىل ىشىندە وڭىرلەرگە 9,5 ترلن تەڭگە، ونىڭ ىشىندە 2023 جىلى 2,8 ترلن تەڭگە كولەمىندە شىعىستار بەرىلەدى.

«ءۇش جىلدىق كەزەڭدە دامۋعا ارنالعان نىسانالى ترانسفەرت تۇرىندەگى شىعىستار 3,3 ترلن تەڭگەنى، ونىڭ ىشىندە 2023 جىلى 1,1 ترلن تەڭگەنى قۇرايدى. جالپى، 2023 جىلى وڭىرلەرگە رەسپۋبليكالىق بيۋدجەت قاراجاتى ەسەبىنەن 6 ترلن تەڭگە بولىنەدى. بۇل بيۋدجەتتىڭ جالپى شىعىستارىنىڭ شامامەن 29 پايىزىن قۇرايدى»، - دەدى تاتيانا ساۆەلەۆا.

Abai.kz