ءۇرجار، اباي، جارما اۋداندارى دا ءتىلسىز جاۋمەن كۇرەسۋدە. بۇل تۋرالى ىشكى ىستەر مينيسترلىگى حابارلادى.

قاتتى جەل مەن اپتاپ ىستىقتان ءورت تەز جايىلىپ، شارۋا قوجالىقتارى زارداپ شەگۋى مۇمكىن. تاۋلى جەر بولعاندىقتان ورتكە ءسوندىرۋ قيىنعا تۇسكەن.

پوليتسەيلەر قۇتقارۋشىلارعا ءورتتى ءسوندىرۋ جانە ءورت ايماعىنان ادامداردى ەۆاكۋاتسيالاۋ كەزىندە كومەك كورسەتەدى.

«ءورت وشاقتارى تىركەلگەن اۋدانداردىڭ پوليتسيا بولىمدەرىنىڭ بارلىق جەكە قۇرامى كۇشەيتىلگەن قىزمەت تۇرىنە اۋىستىرىلدى جانە ءتيىستى قوعامدىق ءتارتىپتى قامتاماسىز ەتۋ ماقساتىندا پاترۋلدىك قىزمەتتەردىڭ ەكيپاجدارى قويىلدى، پوليتسيا قىزمەتكەرلەرى قۇتقارۋ وپەراتسيالارىنا تارتىلدى»، - دەدى ۆەدومستۆو ءباسپاسوز قىزمەتى.

6 قىركۇيەكتە قوستاناي وبلىسىنىڭ اۋليەكول اۋىلىندا ورتتەن زارداپ شەككەن تۇرعىندارعا ارناپ 91 ءۇيدىڭ قۇرىلىسىنا جەر ۋچاسكەسى ءبولىندى.

توتەنشە جاعدايلار مينيسترلىگى قوستاناي وبلىسىنىڭ ەلدى مەكەندەرىندە ءورت قاۋپى جويىلعانىن حابارلادى.

Abai.kz