قىركۇيەكتىڭ 10 كۇنى عالامتوردا وزبەكستان ازاماتتارىن ۋكراين اسكەريلەرى تۇتقىنعا العان ۆيدەو جاريالاندى. بۇل ۆيدەونىڭ قاشان تۇسىرىلگەنى بەلگىسىز.

تۇتقىنعا تۇسكەندەردىڭ ءبىرى وزبەكستاننىڭ سامارقاند وبلىسىنىڭ تۋماسى، ماسكەۋدە وقىعان 22 جاستاعى احمەدوۆ مۋحريددين سوليوعلى. ۆيدەودا ول اقشا تابۋ ءۇشىن جالدامالى بولعانىن ايتادى.

ۆيدەودا تاعى ءبىر وزبەك ازاماتى ماسكەۋدەگى قۇرىلىستا قۇجاتسىز جۇمىس ىستەپ، ۋكرايناعا جىبەرىلگەنىن ايتادى. ۋكراينا قارۋلى كۇشتەرىنىڭ حاركوۆ وبلىسىنا ءساتتى شابۋىلى ناتيجەسىندە كوپتەگەن رەسەيلىك اسكەريلەر تۇتقىنعا الىنعان بولاتىن.

بۇعان دەيىن ماسكەۋدەگى وزبەكستان ەلشىلىگى ازاماتتارعا شەت مەملەكەتتەردىڭ اۋماعىندا ەرىكتىلەر باتالونىن قۇرۋ نەمەسە سوعىس قيمىلدارىنا قاتىسۋ ەل زاڭناماسى بويىنشا قىلمىس ەكەنىن ەسكەرتكەن ەدى. وزبەكستان قىلمىستىق كودەكسىنىڭ 154-بابىنا سايكەس، ەرىكتىلەر باتالوندارىنا جانە شەتەل اۋماقتارىنداعى اسكەري قيمىلدارعا قاتىسۋ «جالدامالىلىق» دەپ تانىلادى. ولاردى ون جىلعا دەيىنگى باس بوستاندىعىنان ايىرۋ جازاسى قارالعان.

Abai.kz