پرەمەر-ءمينيستردىڭ ورىنباسارى، سىرتقى ىستەر ءمينيسترى مۇحتار تىلەۋبەردى ارمەنياعا قازاقستاندىق بىتىمگەرلەردى جىبەرۋ ماسەلەسى قاراستىرىلمايتىنىن ايتتى.

"بۇل ماسەلە سۇراق قويۋعا تۇرارلىقتاي ەمەس. كەشە ۇقشۇ-نىڭ توتەنشە ۇجىمدىق قاۋىپسىزدىك كەڭەسىندە ارمەنيا پرەمەر-ءمينيسترى ۇقشۇ-عا مۇشە مەملەكەتتەردىڭ باسشىلارىن ازەربايجان مەن ارمەنيا شەكاراسىنداعى جاعداي تۋرالى حاباردار ەتتى. بىراق ەكى تاراپ ءارتۇرلى اقپارات تاراتقاندىقتان مەملەكەت باسشىلارى ۇقشۇ-نىڭ باس حاتشىسىن وقيعا ورنىنا بارىپ، جاعدايمەن تولىق تانىسىپ، سودان كەيىن حاباردار ەتۋ كەرەك دەپ شەشتى", - دەدى تىلەۋبەردى الەمدىك جانە ءداستۇرلى دىندەر كوشباسشىلارىنىڭ VII سەزى اياسىندا جۋرناليستەردىڭ ساۋالدارىنا جاۋاپ بەرىپ.

قازاقستان سىرتقى ىستەر مينيسترلىگىنىڭ باسشىسىنا بىتىمگەرشىلىك كۇشتەردى جىبەرۋ ماسەلەسى تالقىلانىپ جاتىر ما دەگەن سۇراق قويىلدى.

"جوق، ازىرگە ونداي ماسەلە كوتەرىلىپ جاتقان جوق", - دەپ جاۋاپ بەردى مۇحتار تىلەۋبەردى.

Abai.kz