ەلوردادا الەمدىك جانە ءداستۇرلى دىندەر كوشباسشىلارىنىڭ VII سەزى ءوتىپ جاتىر. پلەنارلىق وتىرىس «الەمدىك جانە ءداستۇرلى دىندەر ليدەرلەرىنىڭ پاندەميادان كەيىنگى كەزەڭدەگى ادامزاتتىڭ رۋحاني جانە الەۋمەتتىك دامۋىنداعى ءرولى» تاقىرىبىنا ارنالعان.

پرەزيدەنت قاسىم-جومارت توقاەۆ جيىنعا قاتىسۋشى ۆاتيكان مەن كاتوليك شىركەۋىنىڭ باسشىسى ريم پاپاسى فرانتسيسككە، ەڭ كونە ءال-ازھار يسلام ۋنيۆەرسيتەتىنىڭ جوعارعى يمامى شەيح احماد ات-تايەبكە، ورىس پراۆوسلاۆ شىركەۋىنىڭ وكىلدەرىنە، ءيزرايلدىڭ باس اشكەناز ءراۆۆينى داۆيد لاۋعا، ءيزرايلدىڭ باس سەفارد ءراۆۆينى يتسحاك يوسيفكە  جانە فورۋمنىڭ بارلىق قاتىسۋشىسىنا جيىنعا كەلگەندەرى ءۇشىن العىسىن ءبىلدىردى.

قازىرگى ۋاقىتتا قازاقستاندا 18 كونفەسسيانى بىلدىرەتىن 4000-عا جۋىق ءدىني بىرلەستىك بار. ولاردىڭ ءبىر-بىرىمەن بەيبىت قارىم-قاتىناس ورناتىپ، بىرلىكتە جۇمىس ىستەۋى ەلىمىز ءۇشىن ۇلكەن جەتىستىك.

الەمدە ءدىن جولىن تىكەلەي بولماسا دا، جاناما سەبەپ رەتىندە سوعىس جولىنا اينالدىرعان ەلدەر از ەمەس. سولاردىڭ ءبىرشاماسىن قاراپ كورەيىك:

اۋعانستان. بيلىككە ەلدى شاريعات جولىمەن باسقاراتىن «تاليبان» قوزعالىسىنىڭ كەلۋى.

تالىپتەر كەلگەن سوڭ اۋعانستاندا ايەلدەر قۇقىعى شەكتەلدى.

قازىرگى يەمەن. ەلدەگى قاقتىعىس 2004 جىلدان باستالعان.

ءۇندىستان. مۇسىلماندارعا جەككورۋشىلىكتى كورسەتەتىن ولەڭدى ايتىپ كوشەگە شىققان جۇرت.

ءۇندى ءانشىسى پرەم كريشناۆانشي. ۇسندىستانداعى مۇسىلماندارعا قارسى ءاننىڭ اۆتورلارىنىڭ ءبىرى.

يراك. باعدادتىڭ «جاسىل ايماعىندا» سادر جاقتاستارىنىڭ يراك قاۋىپسىزدىك كۇشتەرىمەن قاقتىعىسى.

اس-سادر مۋكتاداسىنىڭ جاقتاستارى جاقىندا يراك پارلامەنتىنە ەكى رەت شابۋىل جاسادى.

دايىنداعان ايجان تەمىرحان

Abai.kz