قازاقستاننىڭ بۇرىنعى پرەزيدەنتى نۇرسۇلتان نازارباەۆ ەلورداعا استانا اۋىن قايتارۋعا قارسى بولمادى. بۇل تۋرالى قازاقستان حالىق پارتياسىنىڭ توراعاسى ەرمۇرات ەرتىسباەۆ مالىمدەدى.

«نۇرسۇلتان نازارباەۆتىڭ ەلوردا اتاۋىن وزگەرتۋگە قارسى بولماعانىنا سەنىمدىمىن. ويتكەنى ول قالانىڭ ارحيتەكتۋراسىنىڭ نەگىزىن سالۋشى جانە وعان استانا اتاۋىن بەرۋ باستاماسىن كوتەرگەن ادام. ول كوپتەگەن ۋاقىت بويى استانا اتاۋىن وزگەرتۋگە قارسى بولدى. ول جايىندا ايتقاندارى YouTube-تە بار، تاۋىپ كورۋگە بولادى. سوندىقتان ول قالاعا بۇرىنعى اتاۋىن بەرۋگە قارسى بولعان جوق دەپ ويلايمىن»، -دەدى ول ەرتىسباەۆ Live YouTube-كانالىندا.

ايتا كەتسەك، 17 قىركۇيەكتە پرەزيدەنت ەلوردا اتاۋىن وزگەرتۋ تۋرالى دەپۋتتاردىڭ باستاماسىن ماقۇلداپ، جەتى جىلدىق پرەزيدەنتتىك مەرزىم مەن استانا اتاۋىن قايتارۋ تۋرالى جارلىققا قول قويعان ەدى.

بۇگىن ەلورداداعى نۇر-سۇلتان دەپ جازىلعان بەلگىلەر شەتىنەن الىنا باستادى.

Abai.kz