يزرايل بيلىگى الداعى ايلاردا ەۆرەي مەملەكەتىنە رەسەي فەدەراتسياسى مەن ۋكراينادان ونداعان مىڭ ورالمان كەلەدى دەپ كۇتۋدە.

يزرايل ۇكىمەتى الداعى ايلاردا ەلگە كەلۋى مۇمكىن ورالمانداردىڭ جاڭا تولقىنىنا دايىندالۋدا. بۇل تۋرالى جەكسەنبى كۇنى يزرايل پرەمەر-ءمينيسترى ياير لاپيد ءوزىنىڭ بەينە ۇندەۋىندە مالىمدەدى.

ء"بىز الداعى ايلاردا ونداعان مىڭ ورالماندى كۇتەمىز. ءبىز بۇعان دايىندالىپ جاتىرمىز جانە ونى قۇپتايمىز", - دەدى پرەمەر-مينيستر. ونىڭ ايتۋىنشا، ۇكىمەت جاڭادان كەلگەندەردى بىرىكتىرۋ جانە بەيىمدەۋ ءۇشىن قوسىمشا اقشا ءبولۋدى كوزدەپ وتىر.

«رەسەي مەن ۋكرايناداعى سوڭعى وقيعالاردان كەيىن قارجى ءمينيسترى اۆيگدور ليبەرمان مەن رەپاترياتسيا جانە ينتەگراتسيا ءمينيسترى پنينا تامانو-شاتو يمميگرانتتاردى بىرىكتىرۋ جانە بەيىمدەۋ ءۇشىن قوسىمشا 90 ميلليون شەكەل ءبولۋ تۋرالى شەشىمدى ۇسىندى»، - دەدى يزرايل پرەمەر-ءمينيسترى.

يزرايلدە ەۆرەيلەردىڭ تاريحي وتانىنا ورالۋى تۋرالى زاڭ بار، ول ەلگە كەلگەن ەۆرەيلەرگە جەڭىلدەتىلگەن ازاماتتىق بەرۋمەن قاتار ماتەريالدىق جانە ۇيىمداستىرۋشىلىق كومەك كورسەتەدى.

Abai.kz