قازاقستاندىقتار بۇل كومپانيانىڭ اكتسياسىن ساتىپ الىپ، توقسان سايىن پايدا تابا الادى. وسىلاي دەپ يندۋستريا جانە ينفراقۇرىلىمدى دامىتۋ ءمينيسترى قايىربەك وسكەنباەۆ مالىمدەدى.
ول پاتەردى جالعا بەرۋ نارىعى جەكە سەكتوردا ەكەنىن، ەشكىم باقىلاۋ جۇرگىزە المايتىنىن ايتتى.
"جەكە كاسىپپەن اينالىسا المايتىن مەملەكەتتىك قىزمەتكەرلەر، دارىگەرلەر، مۇعالىمدەر، زەينەتكەرلەر جىلجىمايتىن مۇلىك قورىنىڭ اكتسياسىن ساتىپ الىپ، سودان پايدا تاپقانىن قالايمىز. بۇل كوپتەگەن تۇرعىندارعا قوسىمشا تابىس كوزى بولۋشى ەدى", - دەدى مينيستر.
باعانىڭ وسۋىنە بايلانىستى قازاقستاننىڭ ءىرى قالالارىندا پاتەرلەردى جالعا بەرۋ قۇنى بىردەن قىمباتتاپ كەتتى. ونىڭ ۇستىنە موبيليزاتسيادان قاشقان رەسەيلىكتەردىڭ اعىلۋى دا پاتەر باعاسىن بىرنەشە ەسەگە كوتەرىپ جىبەردى.
Abai.kz
