سايلاۋعا ۇمىتكەرلەردى تىركەۋ مەرزىمى اياقتالدى. 20 قاراشادا پرەزيدەنتتىك سايلاۋ وتەدى. حالىق "كانديدات از، ءسانديدات كوپ" دەپ ساركازمداتىپ جاتقان ناۋقانعا كىمدەر قاتىسپاق؟

پرەزيدەنت قاسىم-جومارت توقاەۆ بىرىككەن كواليتسيا اتىنان شىعاتىن بولدى. پرەزيدەنتتى ءتۇرلى ۇيىمدارمەن بىرگە، بيلىكتە وتىرعان ءۇش بىردەي پارتيا دا ۇسىندى. وسىلايشا بيلىكتەگى پارتيالار جەكە كانديدات شىعارۋدان باس تارتىپ، كواليتسيا قۇرۋعا كەلىستى.

پارتيالاردىڭ ىشىندە دوداعا كانديدات قوسىپ، سايلانىپ وتىرعاندارى ەكەۋ. ولار "اۋىل" پارتياسى جانە بويكوتشىل "جسدپ". "اۋىل" پارتياسىنىڭ اتىنان جيگۋلي دايراباەۆ تۇسپەك. اتى كوپشىلىك اراسىنا كەڭ جايىلىپ، تالقىعا تۇسكەن كانديدات" اتىما ەمەس، ۇسىناتىن باعدارلاماما ءمان بەرۋ كەرەك" دەيدى. ال جسدپ اتىنان نۇرلان اۋەسباەۆ باق سىناماق. وسىعان دەيىن پارلامەنت جانە پرەزيدەنت سايلاۋىندا بويكوت پوزيتسياسىن ۇستانىپ كەلگەن پارتيا، بيىل كوزقاراسىن وزگەرتىپ، بيلىككە تالاسپاسا جەتە المايتىنىن تۇسىنگەن سياقتى.

پارتيالار وسىمەن ءتامام. ەندى ۇيىمدار مەن قوزعالىستار اتىنان ۇسىنىلعان كانديداتتارعا نازار اۋدارساق. بيىل ءبىر ەمەس، بىردەن ءۇش ايەل كانديدات ۇسىنىلىپ وتىر. ولار قاراقات ابدەن، سالتانات تۇرسىنبەكوۆا، فاتيما بيزاقوۆا. ەسىمى ەلگە تانىس ەمەس ايەل كانديداتتار "ايەل باستاعان كوش وڭبايدى" دەگەنگە ناقتى جاۋاپ وسى بولسا كەرەك دەگەندەي. فاتيما بيزاقوۆا "تاجىريبەلىك پسيحولوگيا" قوعامدىق بىرلەستىگى اتىنان ءتۇسىپ وتىر. ال كاسىبي الەۋمەتتىك قىزمەتكەرلەر ۇلتتىق اليانسىنان پرەزيدەنتتىككە ۇمىتكەر قاراقات ابدەن وسك تالاپتارىنا ساي كەلەتىنى حابارلادى. سالتانات تۇرسىنبەكوۆا "قازاق انالارى – داستۇرگە جول" رەسپۋبليكالىق قوعامدىق بىرلەستىگىنەن پرەزيدەنتتىككە كانديدات بولىپ ۇسىنىلۋدا.

قالعان كانديداتتار كىمدەر؟ "امانات" قازاقستان كاسىپوداقتار دوستاستىعى" رەسپۋبليكالىق بىرلەستىگى پرەزيدەنتتىككە كانديدات رەتىندە "استانا" حالىقارالىق عىلىمي كەشەنى ەكونوميكالىق زەرتتەۋلەر ينستيتۋتىنىڭ باسشىسى مەيرام قاجىكەنءدى ۇسىندى. "مۇقالماس" وبلىستىق قوعامدىق ۇيىمى اتىنان نۇرجان التاەۆ تۇسۋدە. التاەۆ بۇعان دەيىن "ەل تىرەگى" اتتى پارتيا قۇرماق بولعان ەدى. قالعان سايلاۋشىلاردىڭ ەسىم-سويى كوپشىلىككە تانىس ەمەس. دەگەنمەن ەرعاليەۆ تالعات، اليەۆ جۇماتاي، عابجاليلوۆ حايرۋللا، باقىت جاڭاباەۆ تا باق سىناپ، باپ سىناپ كورمەك.

سايلاۋدا قىزۋ تارتىس بولارى ەكىتالاي دەيدى ساراپشىلار. ون ەكى كانديدات ۇسىنىلىپ وتىر، الايدا قۇجاتتارى ساي كەلە مە، سىناقتان وتە الا ما دەگەن سۇراقتىڭ باسى ءالى اشىق تۇر.

Abai.kz