قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قازىرگى كەزدە ۋكراينادا جۇرگەن قازاقستان ازاماتتارى جايىندا اقپارات بەردى.

«قازىرگى جاعدايدا اقپارات جيناۋ وتە قيىن. اسكەري قاقتىعىس ءجۇرىپ جاتقانىن جانە ادامداردىڭ ءبىرازى ۋكراينادان ءوز بەتىنشە كەتىپ جاتقانىن ەسكەرسەك، ءتيىستى ەسەپتەۋلەردى جۇرگىزۋ قيىنعا ءتۇسىپ وتىر. دەگەنمەن، قازاقستان ازاماتتارىنان وتىنىشتەر كەلىپ جاتىر. كونسۋلدىڭ پايىمىنشا، ۋكراينا اۋماعىندا 200-گە جۋىق ازامات بولۋى مۇمكىن»، - دەدى م. تىلەۋبەردى سەناتتا تىلشىلەر ساۋالىنا جاۋاپ بەرە وتىرىپ.

سىرتقى ىستەر ءمينيسترى ادامداردىڭ نەگىزگى بولىگى قازاقستانعا كەلگەنىن ايتتى.

«پولشا مەن مولدوۆاعا ەۆاكۋاتسيالاۋ ءۇشىن شەكارالار اشىق. شەكارادان وتكەندە ءبىزدىڭ ەلشىلىك كومەك كورسەتەدى»، - دەدى م. تىلەۋبەردى.

Abai.kz