بىرىككەن اراب امىرلىكتەرىنىڭ قازاقستانعا قۇيعان ينۆەستيتسياسى 2 ەسەگە ءوستى. بۇل تۋرالى ءسىم ءباسپاسوز قىزمەتى حابارلادى.

قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى بىرىككەن اراب امىرلىكتەرىنە رەسمي ساپارمەن بارىپ، سىرتقى ىستەر جانە حالىقارالىق ىنتىماقتاستىق ءمينيسترى شەيح ابداللا بەن زايد ءال ناحايانمەن كەلىسسوزدەر جۇرگىزدى.

ءبىلىم جانە عىلىم، اۋىل شارۋاشىلىعى، ەنەرگەتيكا جانە جاڭارتىلاتىن ەنەرگيا كوزدەرى، تاۋ-كەن مەتاللۋرگيا كەشەنى، كولىك جانە لوگيستيكا، قۇرىلىس جانە ت.ب. سالالارداعى پەرسپەكتيۆالى بىرلەسكەن جوبالار انىقتالدى.

2022 جىلدىڭ 6 ايىندا ءباا-دەن قر-عا تىكەلەي شەتەلدىك ينۆەستيتسيالار وتكەن جىلدىڭ سايكەس كەزەڭىمەن سالىستىرعاندا 2 ەسەگە ءوسىپ، 128,7 ملن اقش دوللارىن قۇرادى. اعىمداعى جىلدىڭ قاڭتار-تامىز ايلارىندا تاۋار اينالىمىنىڭ كولەمى 550,1 ملن اقش دوللارىن قۇرادى (ەكسپورت – 514,6 ملن دوللار، يمپورت – 35,5 ملن دوللار).

Abai.kz