قازاقستانعا شەتەلگە زاڭسىز كەتكەن اكتيۆتەر قايتارىلىپ جاتىر. بۇل تۋرالى قر باس پروكۋرورى بەرىك اسىلوۆ حابارلادى.

«اكتيۆتەردى قايتارۋ جونىندەگى كوميسسيا مەملەكەتكە 630 ملرد تەڭگەدەن استام سوماعا اقشا مەن مۇلىكتى قايتاردى. پروكۋرورلاردىڭ اكتىلەرى بويىنشا كەدەن سالاسىندا بيۋدجەت 57 ملرد تەڭگەگە تولىقتى، مەملەكەت مەنشىگىنە 5 ملرد تەڭگەگە 140 مىڭ گا جەر قايتارىلدى”،-دەپ جازدى باس پروكۋرور.

سونداي-اق ونىڭ سوزىنشە، سوتتارعا قۇنى 13,5 ملرد. تەڭگە تۇراتىن مەملەكەتتىك مۇلىكتى قايتارۋ تۋرالى تالاپ-ارىز ەنگىزىلگەن.

«جوعارعى سوت 16 نارازىلىقتى قاناعاتتاندىردى. ولار بويىنشا قازىناعا تاعى 23 ملرد. تەڭگە تۇسەدى دەپ كۇتىلۋدە. جۇمىس جالعاسۋدا»،-دەدى بەرىك اسىلوۆ

Abai.kz