قاراعاندى. 12 تامىز. قازتاگ -  قاراعاندى مەملەكەتتىك ۋنيۆەرسيتەتىنىڭ جانىنداعى سارىارقا ارحەولوگيالىق ينستيتۋتىنىڭ ەكسپەديتسياسى اششىسۋ قورىمىندا قازبا جۇمىستارىن جۇرگىزۋ بارىسىندا ءبىزدىڭ زامانىمىزعا دەيىنگى ەكىنشى مىڭجىلدىقتىڭ العاشقى شيرەگىنە جاتاتىن قولا قۇمىرا تاۋىپ الدى.

ەكسپەديتسيانىڭ جەتەكشىسى تاريح عىلىمدارىنىڭ دوكتورى، ارتەفاكتىنى تاۋىپ العان يگور كۋكۋشكين قازتاگ اگەنتتىگىنە: «بەسىنشى قورعاندا بىرەگەي جۇقا قابىرعالى قۇمىرا تابىلدى. ول ءپىشىنى مەن ورىنداۋ تەحنيكاسى بويىنشا كەراميكالىق ىدىسقا ۇقساس. ول مولانىڭ وڭتۇستىك بۇرىشىندا ۇلكەن تاستاردىڭ استىندا جاتقان جانە جاقسى ساقتالعان. ءبىزدىڭ پىكىرىمىزشە، بۇل  -  ەۋرازيا دالالارىندا مەكەن ەتكەن مال شارۋاشىلىعىمەن اينالىسقان تايپالاردىڭ ىدىستارىنان تابىلعان جالعىز قولا قۇمىرا. ول ساق تايپالارىنىڭ قولا قازاندارىنا دەيىن مىڭ جارىم جىل بۇرىن جانە قىتايلىق قولا قۇيۋ داۋىرىنەن كەم دەگەندە 500 جىل بۇرىن قۇيىلعان»،-دەدى.

قاراعاندى. 12 تامىز. قازتاگ -  قاراعاندى مەملەكەتتىك ۋنيۆەرسيتەتىنىڭ جانىنداعى سارىارقا ارحەولوگيالىق ينستيتۋتىنىڭ ەكسپەديتسياسى اششىسۋ قورىمىندا قازبا جۇمىستارىن جۇرگىزۋ بارىسىندا ءبىزدىڭ زامانىمىزعا دەيىنگى ەكىنشى مىڭجىلدىقتىڭ العاشقى شيرەگىنە جاتاتىن قولا قۇمىرا تاۋىپ الدى.

ەكسپەديتسيانىڭ جەتەكشىسى تاريح عىلىمدارىنىڭ دوكتورى، ارتەفاكتىنى تاۋىپ العان يگور كۋكۋشكين قازتاگ اگەنتتىگىنە: «بەسىنشى قورعاندا بىرەگەي جۇقا قابىرعالى قۇمىرا تابىلدى. ول ءپىشىنى مەن ورىنداۋ تەحنيكاسى بويىنشا كەراميكالىق ىدىسقا ۇقساس. ول مولانىڭ وڭتۇستىك بۇرىشىندا ۇلكەن تاستاردىڭ استىندا جاتقان جانە جاقسى ساقتالعان. ءبىزدىڭ پىكىرىمىزشە، بۇل  -  ەۋرازيا دالالارىندا مەكەن ەتكەن مال شارۋاشىلىعىمەن اينالىسقان تايپالاردىڭ ىدىستارىنان تابىلعان جالعىز قولا قۇمىرا. ول ساق تايپالارىنىڭ قولا قازاندارىنا دەيىن مىڭ جارىم جىل بۇرىن جانە قىتايلىق قولا قۇيۋ داۋىرىنەن كەم دەگەندە 500 جىل بۇرىن قۇيىلعان»،-دەدى.

عالىمنىڭ ايتۋىنشا، تاريحي ولجانىڭ ماڭىزى زور. «ەۋرازيا دالالارىندا ەرتە قولا داۋىرىندە مەكەن ەتكەن ەجەلگى اندروندىقتار قۇيما ءىسىنىڭ جوعاتى تەحنولوگيالارىن مەڭگەرگەن دەپ ايتا الامىز. ولاردا تاۋ-كەن ءوندىرىسى جاقسى دامىعان. وسى زامانعا جاتاتىن قولا بۇيىمدار بۇرىن دا تابىلعان، قازىر دە تابىلىپ جاتىر. الايدا بارلىق جادىگەرلەر قارۋ-سايماندار بولاتىن، جەبە ۇشتارى، قولا تاباقتار، اشەكەيلەر. ىدىس جاساۋ قۇيما ءىسىنىڭ دامىعان تەحنولوگياسىن تالاپ ەتەتىن جانە بۇل تەحنولوگيا ەۋرازيادا ساق زامانىندا پايدا بولدى دەپ ەسەپتەلگەن ەدى. ەندى مۇنىڭ مىڭ جارىم جىل بۇرىن بولعانىنا كوزىمىز جەتىپ وتىر»، - دەدى ول.

بۇل كۇندەرى قاراعاندىلىق عالىمداردى بۇكىل الەم عالىمدارى قۇتتىقتاپ جاتىر.