كونفەرەنتسيامىزدىڭ كەزەكتى قوناعى، تۇركسوي تۇركى مادەنيەتى حالىقارالىق ۇيىمىنىڭ توراعاسى دۇيسەن قاسەيىنوۆ مىرزا وقىرماندار تاراپىنان كەلىپ تۇسكەن ساۋالداردىڭ العاشقى لەگىنە جاۋاپ بەرە كەلىپ: "تۇركسوي ۇيىمىنىڭ اتاۋى ەڭ باسىندا تۇرىك تىلىندە TÜRK Kültür ve Sanat Ortak Yönetimi (تۇرك كۇلتۇر ۆە سانات ورتاك يونەتيمي، قازاقشاسى: تۇركى مادەنيەتى مەن ونەرىنىڭ ورتاق ۇيىمى) تىركەسىنەن قىسقارتىلىپ «TÜRKSOY»  دەگەن اتاۋمەن قالىپتاسقان.  بىراق، بۇل اتاۋ اببرەۆياتۋرا عانا ەمەس، «تۇرىك»(تۇركى) جانە «سوي»(تەك، نەگىز) دەگەن  ەكى سوزدەن قۇرالىپ «تۇركىتەكتەس» دەگەن دە ماعىنا بەرەدى. «سوي» ءسوزى «اتا»، «تەك» ماعىناسىندا ماحامبەت جىرلارىندا دا كەزدەسەدى. 2009 جىلى باكۋ قالاسىندا وتكەن تۇركى رەسپۋبليكالارى مادەنيەت مينيسترلەرىنىڭ تۇراقتى كەڭەسىندە ۇيىمنىڭ تولىق اتاۋى قولدانىسقا ىڭعايلى بولۋ ءۇشىن «تۇركى مادەنيەتىنىڭ حالىقارالىق ۇيىمى»(تۇرىكشە:Uluslar arası Türk Kültürü Teşkilatı، اعىلشىنشا: INTERNATİONAL  ORGANİZATİON  OF  TURKİC CULTURE) بولىپ وزگەرتىلىپ، قىسقاشا ءتۇرى «تۇركسوي» اببرەۆياتۋراسىن ساقتاپ قالدى. تۇركسوي حالىقارالىق ۇيىمى تۋرالى تولىق اقپاراتتى www.turksoy.org ۆەب-سايتىنان  تۇرىك، اعىلشىن، ورىس تىلدەرىندە وقي الاسىز", دەپ وقىرمانعى تۇركسوي ۇيىمى تۋرالى اقپارات بەرەدى.

كونفەرەنتسيامىزدىڭ كەزەكتى قوناعى، تۇركسوي تۇركى مادەنيەتى حالىقارالىق ۇيىمىنىڭ توراعاسى دۇيسەن قاسەيىنوۆ مىرزا وقىرماندار تاراپىنان كەلىپ تۇسكەن ساۋالداردىڭ العاشقى لەگىنە جاۋاپ بەرە كەلىپ: "تۇركسوي ۇيىمىنىڭ اتاۋى ەڭ باسىندا تۇرىك تىلىندە TÜRK Kültür ve Sanat Ortak Yönetimi (تۇرك كۇلتۇر ۆە سانات ورتاك يونەتيمي، قازاقشاسى: تۇركى مادەنيەتى مەن ونەرىنىڭ ورتاق ۇيىمى) تىركەسىنەن قىسقارتىلىپ «TÜRKSOY»  دەگەن اتاۋمەن قالىپتاسقان.  بىراق، بۇل اتاۋ اببرەۆياتۋرا عانا ەمەس، «تۇرىك»(تۇركى) جانە «سوي»(تەك، نەگىز) دەگەن  ەكى سوزدەن قۇرالىپ «تۇركىتەكتەس» دەگەن دە ماعىنا بەرەدى. «سوي» ءسوزى «اتا»، «تەك» ماعىناسىندا ماحامبەت جىرلارىندا دا كەزدەسەدى. 2009 جىلى باكۋ قالاسىندا وتكەن تۇركى رەسپۋبليكالارى مادەنيەت مينيسترلەرىنىڭ تۇراقتى كەڭەسىندە ۇيىمنىڭ تولىق اتاۋى قولدانىسقا ىڭعايلى بولۋ ءۇشىن «تۇركى مادەنيەتىنىڭ حالىقارالىق ۇيىمى»(تۇرىكشە:Uluslar arası Türk Kültürü Teşkilatı، اعىلشىنشا: INTERNATİONAL  ORGANİZATİON  OF  TURKİC CULTURE) بولىپ وزگەرتىلىپ، قىسقاشا ءتۇرى «تۇركسوي» اببرەۆياتۋراسىن ساقتاپ قالدى. تۇركسوي حالىقارالىق ۇيىمى تۋرالى تولىق اقپاراتتى www.turksoy.org ۆەب-سايتىنان  تۇرىك، اعىلشىن، ورىس تىلدەرىندە وقي الاسىز", دەپ وقىرمانعى تۇركسوي ۇيىمى تۋرالى اقپارات بەرەدى.

دۇيسەن قورابايۇلى قاسەيىنوۆ  2003-2004 جىلدار ارالىعىندا قر مادەنيەت ءمينيسترى بولدى. «قۇرمەت» جانە «پاراسات» وردەندەرىنىڭ يەگەرى. 2008 جىلدان بەرى تۇركسوي تۇركى مادەنيەتى حالىقارالىق ۇيىمىندا توراعالىق قىزمەت اتقارىپ كەلەدى.

- دۇيسەن اعانى ينتەرنەت-كونفەرەنتسياعا شاقىرعاندارىڭىز دۇرىس بولعان ەكەن، ابايشىلدار! ەندى اعاعا سۇراق: راسىندا تۇركى الەمىنىڭ ححI عاسىردا تابىسۋى مۇمكىن بە؟

- تاريحي داۋىرلەرگە بولجاۋ ايتۋ - اسا ابىرويلى جۇمىس ەمەس. كەز-كەلگەن تاريحي داۋىرلەر سەكىلدى ءححى  عاسىردىڭ دا ادامزات تاريحىنا ءوز تارتۋىن ۇسىناتىنى انىق. تۇركى الەمىنىڭ تابىسۋى نە بىرىگۋى تۇركى حالىقتارى مەن مەملەكەتتەرىنىڭ  ساياسي-ەكونوميكالىق دامۋىنا، ەڭ باستىسى، مۇددەلەرىنىڭ توعىسۋىنا بايلانىستى. ءححى عاسىردى «تۇركىلەردىڭ عاسىرى»، «مۇسىلمانداردىڭ عاسىرى» بولادى دەگەن بولجامدار وتكەن عاسىردا ايتىلعان. قازىرگى الەمدەگى نەگىزگى كۇرەستىڭ ەنەرگيا ءۇشىن بولىپ جاتقانىن كوزى اشىق وقىرماننىڭ كورىپ وتىرعانى انىق. ولاي بولسا، ەنەرگيا  كوزدەرىنە (مۇناي، گاز، ۋران ت.ب) باي  قازاقستان، وزبەكستان، تۇركمەنستان، ءازىربايجان مەملەكەتتەرىنىڭ مۇددەسى وسى بايلىقتى الەمدىك نارىققا تاسىمالداۋ جولىندا جاتقان تۇركيانىڭ مۇددەسىمەن توعىسۋى ابدەن مۇمكىن دەپ ويلايمىن.

- «تۇركسوي» دەگەندى تاراتىپ ايتىڭىزشى. وسى ۇيىمنىڭ اتۋىن ءالى كۇنگە تۇسىنبەي ءجۇرمىن.

-تۇركسوي ۇيىمىنىڭ اتاۋى ەڭ باسىندا تۇرىك تىلىندە TÜRK Kültür ve Sanat Ortak Yönetimi (تۇرك كۇلتۇر ۆە سانات ورتاك يونەتيمي، قازاقشاسى: تۇركى مادەنيەتى مەن ونەرىنىڭ ورتاق ۇيىمى) تىركەسىنەن قىسقارتىلىپ «TÜRKSOY»  دەگەن اتاۋمەن قالىپتاسقان.  بىراق، بۇل اتاۋ اببرەۆياتۋرا عانا ەمەس، «تۇرىك»(تۇركى) جانە «سوي»(تەك، نەگىز) دەگەن  ەكى سوزدەن قۇرالىپ «تۇركىتەكتەس» دەگەن دە ماعىنا بەرەدى. «سوي» ءسوزى «اتا»، «تەك» ماعىناسىندا ماحامبەت جىرلارىندا دا كەزدەسەدى. 2009 جىلى باكۋ قالاسىندا وتكەن تۇركى رەسپۋبليكالارى مادەنيەت مينيسترلەرىنىڭ تۇراقتى كەڭەسىندە ۇيىمنىڭ تولىق اتاۋى قولدانىسقا ىڭعايلى بولۋ ءۇشىن «تۇركى مادەنيەتىنىڭ حالىقارالىق ۇيىمى»(تۇرىكشە:Uluslar arası Türk Kültürü Teşkilatı, اعىلشىنشا: INTERNATİONAL  ORGANİZATİON  OF  TURKİC CULTURE) بولىپ وزگەرتىلىپ، قىسقاشا ءتۇرى «تۇركسوي» اببرەۆياتۋراسىن ساقتاپ قالدى. تۇركسوي حالىقارالىق ۇيىمى تۋرالى تولىق اقپاراتتى www.turksoy.org ۆەب-سايتىنان  تۇرىك، اعىلشىن، ورىس تىلدەرىندە وقي الاسىز.

- تۇركى حالىقتارىنىڭ عىلىمي جەتىستىكتەرى ونىڭ بولاشاعى تۋرالى نە ايتاسىز؟ تۇركيا اتاتۇرىك باستاپ، ەۋروپالىق وركەنيەتكە جەتۋگە ۇمتىلدى. بىراق ەلىكتەۋشى كۇيىندە قالدى. قازىرگى كەزدە نەوسماندىقتى قايتا جاڭعىرتقىسى كەلەتىنى بايقالادى. تۇركيانىڭ ءوز ىشىندە تەكەتىرەس ءجۇرىپ جاتقان سياقتى. سول سەكىلدى تۇركى حالىقتارىنىڭ بولاشاق بىرلەسۋ مودەلى قانداي بولماق? تۇركى حالىقتارى تىلدىك، دىلدىك (مەنتاليتەت) تۇرعىدان كوپ الشاقتاپ كەتكەن. ەكونوميكالىق دامۋ دەڭگەيلەرى، حالقىنىڭ سانى، جەر بايلىعىنىڭ مۇمكىندىكتەرى ءارتۇرلى. ارقايسىسىنىڭ امبيتسيالارى بار. بۇل بىرلەستىككە قازاقستان كوبىرەك باستاماشى بولىپ جۇرگەن سەكىلدى. ال تۇركيانىڭ مۇددەسى قازاقستانعا كوبىرەك اۋاتىن سياقتى. كۇلشەلى بالا سۇيمەككە جاقسى ەكەنى بەلگىلى ەمەس پە?! ونىڭ ۇستىنە 2050 جىلى تۇرىكتەردىڭ سانى 120-130 ميلليونعا جەتەدى دەگەن بولجام بار. ولار قايدا بارادى? ەۋروپا ماڭايلاتپايدى. باسقا تۇركى حالىقتارىنىڭ جاعدايلارى بەلگىلى. جالعىز-اق مايشەلپەك قازاقستان بار. ءسىز تۇركى حالىقتارىمەن قويان-قولتىق ارالاسىپ جۇرگەن ادام رەتىندە وسى ماسەلەلەرگە تۇجىرىمداپ جاۋاپ بەرىڭىزشى.

قۇرمەتپەن، ەراسىل

- سۇراعىڭىز ءۇشىن كوپ راحمەت، ەراسىل. ءوزىڭىز بايقاعانىڭىزداي، تۇركى حالىقتارىنىڭ بىرلىگىنە قاتىستى كوپتەگەن باستامالارعا قازاقستان پرەزيدەنتى نۇرسۇلتان نازارباەۆ باستاماشى بولىپ ءجۇر. تۇركسوي-دىڭ، تۇركى كەڭەسىنىڭ، تۇركپا-نىڭ، تۇركى اكادەمياسىنىڭ قۇرىلۋىنا، دامۋىنا ۇلكەن ۇلەس قوسقان تۇلعا. بۇل - ءبىزدىڭ ەلىمىزدىڭ كوپۆەكتورلى ساياساتىنىڭ كورىنىسى. قازاقستان - تۇركى الەمىنىڭ ەكونوميكالىق قۋاتى بويىنشا ەكىنشى، حالقىنىڭ سانى بويىنشا ءۇشىنشى تاۋەلسىز مەملەكەتى. سوندىقتان، اتالعان كورسەتكىششتەر بويىنشا ءبىرىنشى ورىندا تۇرعان تۇركيانىڭ قازاقستانمەن ەكونوميكالىق، ساياسي، مادەني تىعىز قارىم- قاتىناستا بولۋى ەكى ەل ءۇشىن دە ءوتى ءتيىمدى. ارينە، «ەسەپتى دوس ايرىلماس» دەگەن قازاق ماقالىن دا ەسكەرە وتىرىپ، اعايىنمەن ارالاسقاندا دا ءوز مۇددەمىزدەن ۇتىلىپ قالماۋىمىز كەرەك.

- دۇيسەن ءىنىم، قازاق پەن وزبەكتى قالت-قۇلت ەتكەن قارتاڭ ديكتاتورلار باسقارىپ وتىرعاندا، تاتار مەن باشقۇرت رەسەيدىڭ بودانى بولىپ وتىرسا، تۇرىك پەن قىرعىز دەموكراتيالىق ەل بولسا، تۇرىكپەن ەلىن مەنمەن ديكتاتور باسقارىپ وتىرعان بولسا، وسىنداي الا-قۇلا ەلدەر قالاي بىرىگە الادى؟ ءار ديكتاتوردىڭ امبيتسياسى باستارىنان اسىپ جاتقان جوق پا؟ اجەربايجان ءوز الدىنا ءبىر پاتشالىق، ۇيعىر حالقى قىتايدىڭ قۇرساۋىندا، قاراقالپاق ەلى يسلام اكانىڭ «وگەي» بالاسى...

ەسەنعالي، قوجا ەلىنەن

- مادەنيەت ۇيىمىن باسقارىپ وتىرعاندىقتان ساياسي سۇراقتارعا جاۋاپ بەرمەسەم دە بولار ەدى، دەگەنمەن، سۇراعىڭىزعا قىسقاشا جاۋابىم تومەندەگىدەي:  الەمدىك دەڭگەيدەگى جاھاندانۋ پروتسەسى كەز-كەلگەن مەملەكەتتى ءتۇپتىڭ-تۇبىندە ايماقتىق، نە جاھاندىق ساياسي، مادەني، ەكونوميكالىق ت.ب. ينتەگراتسياعا الىپ كەلەدى. ال ينتەگراتسيا بىرتە-بىرتە ساياسي جۇيەلەردى دە وزگەرۋگە، بىرىڭعايلانۋعا نەمەسە دەموكراتيالانۋعا ماجبۇرلەيدى. دامۋدى ماقسات ەتكەن كەز-كەلگەن مەملەكەت جابىق قوعامدا العا جىلجي المايدى.

- قۇرمەتتى دۇيسەن قورابايۇلى! ەسىمى تۇركى جۇرتىنا بەلگىلى، كورنەكتى قوعام قايراتكەرى، تاۋەلسىزدىكتىڭ العاشقى جىلدارىندا قازاق-تۇرىك بايلانىسىنا ايتارلىقتاي ۇلەس قوسقان حاسان ورالتايدىڭ بيىل 80 جىلدىق مەرەيتويىنا تۇركسوي تاراپىنان قانداي ءىس شارالار جوسپارلانعان؟ شەتەلدە جۇرسە دە الاش ءۇشىن، قازاق ءۇشىن، بۇكىل تۇركى بىرلىگى ءۇشىن ايانباي ەڭبەك ەتكەن اعامىزدىڭ مۇراسى جيناقتالىپ، كەلەر ۇرپاققا ۇسىنىلسا يگى ءىس بولار ەدى.

قۇرمەتپەن باعيلا تورەبەكقىزى

- حاسان ورالتاي اعامىز - تۇركيا قازاقتارى ىشىنەن شىققان ساناۋلى قوعام قايراتكەرلەرىنىڭ ءبىرى، ءارى ءيسى قازاققا ورتاق تۇلعا. سوندىقتان، ونىڭ 80 جىلدىعىن اتاپ ءوتۋدى ەڭ اۋەلى قازاق مەملەكەتى قولعا الۋى كەرەك. سوڭعى كەزدە ۇلتىمىزعا ورتاق ءىرى تۇلعالاردىڭ مەرەيتويلارىن تۋعان وڭىرلەرىندە عانا وتكىزۋ سەكىلدى جاڭساق ءۇردىستىڭ قالىپتاسۋىنا قارسىمىن. نەگە ماحامبەت تەك قانا اتىراۋدا، قاسىم تەك قانا قاراعاندىدا اتالۋى كەرەك؟ ولاردىڭ مۇراسى قازاققا ورتاق ەمەس پە ەدى؟... تۇركسوي حالىقارالىق ۇيىمى رەتىندە حاسان اعانىڭ  80 جىلدىعىنا قاتىستى تۇركيادا،  ەۆروپادا وتەتىن شارالارىنا قاتىسامىز. ال قازاقستاندا قانداي شارالار وتەتىنى تۋرالى ازىرگە حابارىم جوق.

- تۇركى حالىقتارىن بىرىكتىرەمىز دەگەن ارەكەتتەرىڭىزدى قولدايمىز. ايتكەنمەن، وزبەكستان ءوز الدىنا، قازاقستان رەسەي ىقپالىندا، تۇركيا اقش ىقپالىندا جۇرگەن جوق پا؟ ءتىپتى تۇركىلەردىڭ بىرقاتار ۇلكەن مەملەكەتتەرى رەسەيدىڭ بودانىندا. وسىنىڭ ءبارىن ۇيلەستىرۋگە ەرىك-جىگەر جەتە مە؟
وزبەك

-ءبىزدىڭ ۇيىمنىڭ «تۇركى  حالىقتارىن ساياسي تۇرعىدان بىرىكتىرەمىز» دەگەن ماقساتى جوق. الايدا، تۋىس حالىقتاردىڭ مادەني تۇرعىدان جاقىنداسۋىنا 20 جىل بويى قىزمەت ەتىپ كەلەمىز. ءارتۇرلى مەملەكەتتەردە، ءتۇرلى ساياسي باعىتتا دامىپ جاتساق تا بۇگىنگى تۇركى جۇرتتارى تىلدىك، دىلدىك تۇرعىدان الەمدەگى ءبىر-بىرىنە ەڭ جاقىن حالىقتار. جەكە ۇلت بولىپ قالىپتاسۋلارى بۇدان 1200-1000 جىل بۇرىن باستالسا دا عىلىمدا تۇركىلەر ءالى كۇنگە ءبىرتۇتاس سۋپەرەتنوس بولىپ ەسەپتەلەدى. ءبىزدى بىرىكتىرۋشى مەملەكەتتەر ەمەس، ءبىزدى بىرىكتىرىپ تۇرعان - ورتاق مادەنيەتىمىز. تۇركسوي حالىقارالىق ۇيىمىنىڭ ماقساتى- وسى ورتاق مادەنيەتتى ناسيحاتتاۋ ارقىلى اعايىننىڭ اراسىن جاقىنداستىرۋ، قىسقاشا ايتساق، الىستى جاقىن، ارازدى تاتۋ ەتۋ.

- تۇركى جۇرتىنا كىمدەر جاتادى؟ ءوزىنىڭ ءتۇبىن تۇركى اتايتىن ۇلتتار قانشا؟ ولار قاي جەرلەردە ورنالاسقان؟ وسى ساۋالدارىما ناقتى ءبىر جاۋاپ العىم كەلەدى.

-تۇركىتانۋشى عالىمداردىڭ ايتۋى بويىنشا، قازىرگى كۇندە الەمدە جالپى سانى 230 ميلليوننان اساتىن 40-قا جۋىق تۇركى حالىقتارى بار. جالپى جۇرتقا بەلگىلى تۇرىك، ءازىربايجان، وزبەك، قازاق، قىرعىز، تۇركىمەن، تاتار، ۇيعىر سەكىلدى ءىرى ۇلتتارمەن قاتار، سانى ازايىپ جويىلىپ كەتۋدىڭ الدىندا تۇرعان قىرىمشاق، قارايىم (ۋكراينا), شور، تەلەۋىت، حاكاس (رەسەي), سارىۇيعىر، سالار (قىتاي) سەكىلدى از ۇلتتار دا بار.  سۇراعىڭىزعا تولىق جاۋاپ الۋ ءۇشىن الماتىداعى «قازاق ەنتسيكلوپەدياسى» باسپاسىنان 2004 جىلى شىققان «تيۋركسكيە نارودى» جيناعىن قاراۋىڭىزعا بولادى.

- تۇركسوي 20 جىلدىڭ ىشىندە نە ىستەدى؟ نە تىندىرا الدى؟ الدە كونتسەرت قويىپ، توي تويلاپ بىتپەي جاتىر ما؟ مەنىڭشە سولاي سياقتى. ويتكەنى مەن بۇگىنگى تۇركى جۇرتىنان قاندايدا ءبىر مادەني، رۋحاني تۇتاستىق كورىپ وتىرعان جوقپىن.

شاح-مۇرات

-تۇركسوي تۇركى حالىقتارى مادەنيەتىنىڭ بارلىق سالاسىندا ورتاق جوبالاردى ىسكە اسىرۋدا. ارينە، توي تويلاۋدى دا ۇمىتپايمىز. ماسەلەن، ناۋرىز مەرەكەسىن 2010 جىلى يۋنەسكو شتاب-پاتەرىندە، 2011 جىلى بۇۇ شتاب-پاتەرىندە «تويلادىق». بىزدىكى «تويدان» گورى تۇركى حالىقتارىنىڭ  مادەني ەرەكشەلىكتەرىن ەۆروپا، امەريكا، ازيا حالىقتارىنا تانىتۋ ماقساتىنا ارنالعان. جىل سايىن سۋرەتشىلەردىڭ، مۇسىنشىلەردىڭ، فوتوسۋرەتشىلەردىڭ، اقىنداردىڭ، جازۋشىلاردىڭ، جۋرناليستتەردىڭ، ساۋلەتشىلەردىڭ، مۋزىكاتانۋشىلاردىڭ، فولكلورتانۋشىلاردىڭ ت.ب. كەزدەسۋلەرىن، سيمپوزيۋمدارى مەن كونفەرەنتسيالارىن وتكىزەمىز. تۇراقتى جۋرنال، عىلىمي-تانىمدىق كىتاپتار شىعارىلادى. ۇيىمنىڭ قولداۋىمەن دەرەكتى فيلمدەر تۇسىرىلەدى، بىرنەشە مەملەكەتتە تەاتر فەستيۆالدارى، مۋزىكالىق كونكۋرستار، جارىستار وتكىزىلەدى. انكارادا دينا نۇرپەيىسوۆا اتىنداعى پارك اشىلىپ، اباي قۇنانبايۇلى، ماعجان جۇماباەۆ، مۇحتار اۋەزوۆ ەسكەرتكىشتەرى ورناتىلعان. وسىنىڭ ءبارى ءسىزدىڭ تۇسىنىگىڭىزدە «توي» بولسا، مۇنداي «تويلاردى» ارۋاقىت قولداۋعا ءازىرمىز. ءبىزدىڭ ۇيىمدا جاسالىپ جاتقان جۇمىستارمەن تانىسىپ وتىرۋ ءۇشىن سىزگە دە www.turksoy.org ۆەب-سايتىنان  تۇرىك، اعىلشىن، ورىس تىلدەرىندەگى اقپاراتتاردى وقىپ وتىرۋدى ۇسىنامىن.

- ەلباسىمىز نازارباەۆتىڭ وتكەن كۇزدە تۇركياعا ىسساپارمەن بارىپ ء"بىز قازاق بۇرىن پاتشالى رەسەيدىڭ، سودان كەيىن سابەت وكىمەتىنىڭ بودانىندا بولدىق" دەگەن ءسوزىن ورىس ءباسپاسوزى ءالى كۇنگە كەشىرە الماي ءجۇر. نەگە ولاي دەپ ويلايسىز؟ وسى رەسەيگە ءبىر دوس ەل بولسا، ول قازاق شىعار. وسىنى نەگە بۇگىنگى ورىس قاۋىمى تۇسىنبەيدى. ءسىز نە دەيسىز؟

- ورىس قاۋىمىنىڭ مۇنى ءالى كۇنگە موينداماۋىن مەن دە تۇسىنە المايمىن. تاريحتا بولعان نارسەنى ەشكىم جوققا شىعارا المايدى. بودان بولعانىمىز راس. ەلباسى تاريحي شىندىقتى ايتتى. ونىڭ استارىنان ويىن ىزدەۋشىلەردىڭ ويى ونشا دۇرىس ەمەس-اۋ دەگەن پىكىردەمىن.

- دۇيسەكە، تۇركيادا تۇرعان جاقسى ما؟ مەن دە سول جاققا قونىس اۋداريىن دەپ ەدىم ءبىرجولا باسپانا جاعى قالاي بولىپ تۇر ەكەن. ويتكەنى الماتى مەن استانادان ءۇي ساتىپ الا المايدى ەكەنمىن.

-ءبىز تۇركيادا قىزمەت بابىمەن ۋاقىتشا تۇرىپ جاتىرمىز. تۇرىك حالقى باۋىرمال، قازاقتى جاقسى كورەتىن ءوز اعايىندارىمىز بولعاسىن ءوزىمدى جات جەردە جۇرگەندەي سەزىنگەن ەمەسپىن. تۇراقتى تۇرۋ مەن باسپانا ساتىپ الۋ تۋرالى سۇراعىڭىزعا قازاقستانداعى تۇركيا ەلشىلىگىنەن تولىق جاۋاپ الارسىز دەگەن ويدامىن. سەبەبى، مەن بۇل جاقتان باسپانا ساتىپ العان ەمەسپىن.

(جالعاسى بار)

Abai.kz