ءماجىلىس سپيكەرى، «AMANAT» توراعاسى ەرلان قوشانوۆ پارتيانىڭ رەسپۋبليكالىق قوعامدىق قابىلداۋ الاڭىندا ازاماتتاردى قابىلدادى. تۇرعىندار پارتيا توراعاسىنا سۋ جەلىلەرىن جوندەۋ, ەلدى مەكەندەردى گازداندىرۋ جانە شەكاراماڭىنداعى اۋداندا پوشتا قىزمەتىن جولعا قويۋ سىندى بىرقاتار ماڭىزدى ماسەلەمەن جۇگىندى.

قوعامدىق قابىلداۋعا كەلگەن ۇلىتاۋ وبلىسى جاڭاارقا اۋدانىنىڭ تۇرعىنى بەيبىت قاسەنوۆ سۋ جەلىلەرىن جوندەۋگە رەسپۋبليكالىق بيۋدجەتتەن قاراجات ءبولۋ ماسەلەسىن قوزعادى.

سۋرەت: ءالي عالىم

«اۋدان ورتالىعىنداعى سۋ جەلىلەرىنىڭ جوندەۋ كورمەگەنىنە 30 جىلدىڭ ءجۇزى بولدى. بۇگىندە ينفراقۇرىلىمدىق جۇيەنىڭ 60-70 پايىزى توزىعى جەتىپ تۇر. سونىڭ سالدارىنان تۇرعىنداردى ساپالى اۋىز سۋمەن تۇراقتى قامتاماسىز ەتۋگە قاتىستى كۇردەلى ماسەلە تۋىنداپ وتىر. ال جەرگىلىكتى بيۋدجەتتەن قاراجات بولۋگە مۇمكىندىك جوق»، – دەدى ول.

سۋرەت: ءالي عالىم

ەرلان قوشانوۆ مەملەكەت باسشىسى حالىقتى تازا اۋىز سۋمەن قامتاماسىز ەتۋ ايرىقشا ماڭىزدى مىندەت ەكەنىن اتاپ وتكەنىن جانە سوڭعى جىلدارى وسى باعىتتا ناقتى شارالار قابىلدانعانىن ەسكە سالدى. سونداي-اق پارتيانىڭ «حالىقپەن بىرگە!» سايلاۋالدى باعدارلاماسى اياسىندا بارلىق تۇرمىستىق جانە الەۋمەتتىك ينفراقۇرىلىم اۋىل تۇرعىندارى ءۇشىن قولجەتىمدى بولۋى, اۋىلدار تازا اۋىزسۋمەن قامتاماسىز ەتىلۋى ماقساتىندا اۋقىمدى جۇمىس اتقارىلۋدا. بۇل رەتتە، پارتيا توراعاسى بەيبىت قاسەنوۆتىڭ ءوتىنىشى پارتيانىڭ اۋىل تۇرعىندارىنا جايلى جاعداي جاساۋ باعىتىندا قولعا الىپ جاتقان جۇمىسىندا، زاڭ شىعارۋ ىسىندە جانە وزگە دە قىزمەتىندە ەسكەرىلەتىنىن اتاپ ءوتتى.

سۋرەت: ءالي عالىم

ال استانا قالاسىندا تۇرىپ جاتقان مادي سەيتمانوۆ، ازىرەت مىرزاقاسىم، جانەركە جاسۇزاق جانە سۇلتان باتىربەك ەسىمدى جاس ازاماتتار قوعامدىق تاماقتانۋ ورنىندا جۇمىس ىستەگەندەرىن، الايدا جۇمىس بەرۋشى جالاقىلارىن بەرمەي كەتكەنىن ايتىپ، شاعىمداندى. ەرلان قوشانوۆتىڭ ايتۋىنشا، زاڭناماعا سايكەس، جۇمىس بەرۋشى قىزمەتكەرمەن مىندەتتى تۇردە ەڭبەك شارتىن جاساسۋعا ءتيىس. ودان جالتارۋعا جول بەرۋگە بولمايدى. سوندىقتان پارتيا جاستاردى جۇمىسقا ورنالاستىرۋ ماسەلەسىنە ءجىتى ءمان بەرەدى. ماسەلەن، پارتيانىڭ «جاستار رۋحى» جاستار قاناتى كوللەدج جانە جوعارى وقۋ ورىن تۇلەكتەرىنە ارنالعان اۋقىمدى بوس جۇمىس ورىندارى جارمەڭكەسىن وتكىزىپ كەلەدى.

«مەملەكەت باسشىسى قاسىم-جومارت توقاەۆ ادال ەڭبەك قاشان دا باعالانۋعا, قورعالۋعا جانە لايىقتى قارجىلاندىرىلۋعاءتيىس ەكەنىن ۇنەمى ايتىپ كەلەدى. بۇگىندە ەلىمىز پروگرەسسيۆتى ءارى ادىلەتتى قازاقستاندى قۇرۋ جولىنا ءتۇستى. رەفەرەندۋمدا ازاماتتار كەڭىنەن قولداعان جاڭا كونستيتۋتسياعا سايكەس، ءار ادامنىڭ ەڭبەك ەتۋگە، قىزمەت پەن كاسىپ ءتۇرىن ەركىن تاڭداۋعا قۇقىعى بار. قازاقستان رەسپۋبليكاسى ازاماتتاردىڭ الەۋمەتتiك تۇرعىدا قورعالۋ قۇقىعىنا زاڭعا سايكەس كەپىلدىك بەرەدى. ال ءماجىلىس قابىرعاسىنداعى پارتيامىزدىڭ فراكتسيا دەپۋتاتتارى ازاماتتاردىڭ ەڭبەك قۇقىعىنىڭ قورعالۋىنا قاتىستى زاڭنامالارعا ءتيىستى وزگەرىستەر ەنگىزۋ جۇمىسىن كۇشەيتەدى»، – دەدى ەرلان قوشانوۆ.

استانا قالاسىنىڭ تۇرعىنى گۇلميرا ماجەنوۆا ەسىرتكى اينالىمى ءۇشىن سوتتالعان ادامدارعا قاتىستى قىلمىستىق ساياساتتى جەتىلدىرۋءدى جانە زاڭنامانى ىزگىلەندىرۋدى ۇسىندى. سونىمەن قاتارجامبىل وبلىسى جۋالى اۋدانى جاڭاتالاپ اۋىلىنىڭ تۇرعىنى سەرىك قوجاعۇلوۆ تەلەفون جانە ينتەرنەت بايلانىسى ساپاسىن جاقسارتۋدى سۇرادى. ال باۋىرجان جاۋعاشاروۆ شىعىس قازاقستان وبلىسى مارقاكول اۋدانىندا پوشتا قىزمەتىن جولعا قويۋ ماسەلەسىنە نازار اۋداردى. ەرەكشە قاجەتتىلىگى بار بالالار تاربيەلەپ وتىرعان گۇلباحرام ەرعاليموۆا جەڭىلدىكپەن اۆتوكولىك ساتىپ الۋعا كومەك كورسەتۋدى ءوتىندى. ءوز كەزەگىندە، يۆان ماركشتەدەر ەسىمدى ازامات ەلەكتر قۋاتىن ەسەپكە الۋ قۇرالدارىن ورناتۋ تارتىبىنە قاتىستى ۇسىنىسىن جەتكىزدى.

سونداي-اق ازاماتتار ەرەكشە قاجەتتىلىگى بار بالالاردى وڭالتۋ جانە دامىتۋ ورتالىعىنا قولداۋ كورسەتۋگە، ارنايى ءبىلىم بەرۋ ۇيىمدارى پەداگوگتارىنىڭ جالاقىسىنا، وقۋشىلار سارايىن، تەمىرجول ارقىلى وتەتىن جەرۇستى جاياۋ جۇرگىنشىلەر كوپىرىن سالۋ سالۋعا قاتىستى بىرقاتار ماسەلە كوتەردى. ءوز كەزەگىندە، پارتيا توراعاسى بۇگىن كوتەرىلگەن ماسەلەنىڭ ءبارى جۇيەلى تۇردە شەشىلەتىنىن ايتتى.

ەرلان قوشانوۆ ازاماتتارمەن كەرى بايلانىس ورناتۋدا وسىنداي قابىلداۋلار وتكىزۋدىڭ ماڭىزىنا توقتالىپ, «AMANAT» پارتياسى الداعى ۋاقىتتا دا حالىقتىڭ مۇڭ-مۇقتاجىن شەشۋگە باسا ءمان بەرەتىنىن اتاپ ءوتتى.

«ءبىز ەل-ەلدى كوپ ارالايمىز. حالىقتىڭ جاعدايىن، تالاپ-تىلەگىن جاقسى بىلەمىز. سايلاۋالدى باعدارلامامىزدا ولاردىڭ ءبارى قامتىلعان. بارلىعى كەزەڭ-كەزەڭىمەن ىسكە اسىپ جاتىر. بىراق وڭىرلەردى ارالاۋ ءبىر بولەك، ازاماتتارمەن بەتپە-بەت كەزدەسىپ، مۇڭ-مۇقتاجىن دا تىڭداۋىمىز كەرەك. ءبىز ءۇشىن ءار ادامنىڭ ماسەلەسى ماڭىزدى. ونى شەشۋ – باستى مىندەتىمىز. بىلتىر «AMANAT» پارتياسىنىڭ قوعامدىق قابىلداۋىنا ازاماتتاردان 124 مىڭ  وتىنىش كەلىپ ءتۇستى. ولاردىڭ باسىم بولىگى شەشىلدى. مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسى، حالىق ۇنىنە قۇلاق اساتىن پارتيا دەگەنىمىز وسى», – دەدى پارتيا توراعاسى.

قابىلداۋ قورىتىندىسى بويىنشا ەرلان قوشانوۆ ازاماتتاردى تولعاندىرعان بارلىق ماسەلەنى جەكە باقىلاۋىنا الدى.

«AMANAT» پارتياسىنىڭ ءباسپاسوز قىزمەتى

Abai.kz