پروديۋسەر بايان الاگوزوۆا بەلگىلى جازۋشى ءارى جۋرناليست ساكەن سىبانبايدى سوتقا بەرەتىنىن ءمالىم ەتتى، دەپ حابارلايدى Todayinfo.kz.

بىرنەشە كۇن بۇرىن جازۋشى بايان الاگوزوۆا جايلى جازبا جاريالاعان ەدى.  ول «جۇلدىزدار وتباسى» جۋرنالىندا جۇرگەندەگى ءبىر وقيعانى ەسىنە الادى.

“سونداعى ءبىر اۋىز ءسوزى جەتەدى ماعان. جەك كورۋگە. مى تيحو-ميرنو جيلي ۆ پرەكراسنوم رايونە الماتى. ا پوتوم… پوناەحالي ەتي… مامبەتى، – دەگەن. وسى ءسوزدى كەشىرە المايمىن. ول قازاقتىلدى قازاقتاردى جەك كورەدى. بۇكىل سۇحباتىنان، سوزىنەن، كوزىنەن كورىنىپ تۇرادى. ارينە، كەيىنگى كەزدە جاسىرىڭقىراۋعا تىرىسادى. پالە عوي. بىراق قايداعى… ءبارىبىر بىلىنەدى. «ودان بەرى ون التى جىل ءوتىپتى عوي، باياننىڭ ويى وزگەرگەن شىعار؟» دەيسىز بە؟ حا. رومەن روللان ايتپاقشى، «ادام وزگەرمەيدى، قالاي تۋدى – سولاي ولەدى». سوندىقتان بايان نە ىستەپ جاتىر، «كتو ونا تاكايا» – مەنى قىزىقتىرمايدى. قازاقى قازاقتى جەك كورەتىن ادام – مەن ءۇشىن قازاقتىڭ جاۋى. ورمانداي ورىس اللا پۋگاچەۆانىڭ ءار تىرلىگىن تالقىلاپ جاتسا، اللا – ورىس ونەرى ءۇشىن زور ەڭبەك ءسىڭىردى عوي. تالقىلاۋعا تۇرادى. ال بايان قازاق ونەرى ءۇشىن نە ىستەپتى؟ سىزدەر تالقىلايتىنداي؟ جارايدى، گۇلنازى بار ء(بىر فيلمدە), مايدا-شۇيدە كومەدياداعى رولدەرى بار. سونداي مايدا-شۇيدەنى تۇسىرگەنى دە بار شىعار. بىراق سىزدەر تالقىعا سالاتىنداي نە ىستەدى؟” – دەيدى ول.

وسىلاي دەگەن جازۋشى قازاق قازاقتى تالقىلاسا ەكەن دەپ پىكىر بىلدىرگەن. بايان الاگوزوۆا جازۋشى ساكەن سىبانبايدىڭ جازباسىن وقىعان. پروديۋسەر ەشقاشان مۇنداي ءسوزدى ايتپاعانىن ءمالىم ەتىپ، جازۋشىمەن سوتتا كەزدەسەتىنىن ءمالىم ەتكەن. ونىڭ سوزىنشە، بايان ماقساتقىزى، قازاقتار جايلى جامان ءسوز سويلەمەگەن.

ء“وز قولىنان ەشتەڭ كەلمەيتىن، بىراق مەنىڭ اتىما كىر كەلتىرگىسى كەلەتىندەر – نە دەگەن كوپ ەدىڭدەر؟”، - دەپ رەنجىدى الاگوزوۆا.

Abai.kz