ىسكەرلىك تاجىريبەدەن وتۋگە گەرمانياعا بارعان اقتوبەلىك دەلەگاتتاردىڭ ءبىرى بەرلين قالاسىنىڭ قوعامدىق كولىك ماسەلەسىن شەشىپ بەردى. بيزنەسپەن قاتار اۋەسقوي سۋرەتكە ءتۇسىرۋدى سەرىك ەتكەن اسقار سادۋاقاسوۆتىڭ تۇسىرىلىمدەرىنەن سوڭ، گەرمانيا استاناسىنىڭ باسشىلىعى جارامسىز 144 اۆتوبۋستى الماستىرۋ كەرەك دەپ شەشكەن. اسقار سادۋاقاسوۆ 20 جىلدان بەرى فوتواپپاراتتى سەرىك ەتىپ كەلەدى. نەگىزگى جۇمىسىنان وزگە، بارعان جەرىندە ءاردايىم سۋرەتكە ءتۇسىرۋدى جانى سۇيەدى. الايدا ىسكەرلىك ساپارمەن بەرليندە بولعان ول قالا دەڭگەيىندەگى اۋقىمدى ماسەلەنى شەشىپ بەرەمىن دەپ ويلاماسا كەرەك. بار قارۋى - فوتواپپاراتىمەن، وزدەرى توقتاعان قوناقۇي ماڭىنداعى ورتەنىپ جاتقان قوعامدىق كولىكتى سۋرەتكە تۇسىرە بەرگەن.

- كەشكى ساعات جەتىلەر شاماسى بولاتىن. ءبىز ايالداعان قوناقۇيدىڭ ماڭىندا كىشكەنتاي بالالاردىڭ ايقايلاعان داۋىستارى شىعا باستادى. سويتسەك، بۇلدىرشىندەر مىنگەن اۆتوبۋس ورتكە ورانىپ جاتىر ەكەن. الايدا قۇتقارۋشىلار وزگە ادامداردى جاقىنداتپاي جاتىر. ءورت سوندىرۋشىلەر كەلىپ، ولار دا ءوز تىرلىكتەرىن جاساپ جاتتى. اللا، ءساتىن سالعاندا ادام بالاسى زارداپ شەكپەدى، - دەيدى ول.

كەشقۇرىم جەرگىلىكتى «بەرلينەر تسايتۋنگ» كورپوراتسياسىنا قاراستى باسىلىمنىڭ رەداكتسياسىنا حابارلاسىپ، عالامتور ارقىلى سۋرەتتەرىن جىبەرەدى. ءۇش كۇن قاتارىنان الگى اۆتوبۋس جارىلىسى تۋرالى ماقالالار دا جارىسا جازىلادى. باستىسى، بەرلين مۋنيتسيپاليتەتى جارىلىستىڭ اۆتوبۋستاعى اقاۋدان بولعانىنا كوز جەتكىزەدى.

ىسكەرلىك تاجىريبەدەن وتۋگە گەرمانياعا بارعان اقتوبەلىك دەلەگاتتاردىڭ ءبىرى بەرلين قالاسىنىڭ قوعامدىق كولىك ماسەلەسىن شەشىپ بەردى. بيزنەسپەن قاتار اۋەسقوي سۋرەتكە ءتۇسىرۋدى سەرىك ەتكەن اسقار سادۋاقاسوۆتىڭ تۇسىرىلىمدەرىنەن سوڭ، گەرمانيا استاناسىنىڭ باسشىلىعى جارامسىز 144 اۆتوبۋستى الماستىرۋ كەرەك دەپ شەشكەن. اسقار سادۋاقاسوۆ 20 جىلدان بەرى فوتواپپاراتتى سەرىك ەتىپ كەلەدى. نەگىزگى جۇمىسىنان وزگە، بارعان جەرىندە ءاردايىم سۋرەتكە ءتۇسىرۋدى جانى سۇيەدى. الايدا ىسكەرلىك ساپارمەن بەرليندە بولعان ول قالا دەڭگەيىندەگى اۋقىمدى ماسەلەنى شەشىپ بەرەمىن دەپ ويلاماسا كەرەك. بار قارۋى - فوتواپپاراتىمەن، وزدەرى توقتاعان قوناقۇي ماڭىنداعى ورتەنىپ جاتقان قوعامدىق كولىكتى سۋرەتكە تۇسىرە بەرگەن.

- كەشكى ساعات جەتىلەر شاماسى بولاتىن. ءبىز ايالداعان قوناقۇيدىڭ ماڭىندا كىشكەنتاي بالالاردىڭ ايقايلاعان داۋىستارى شىعا باستادى. سويتسەك، بۇلدىرشىندەر مىنگەن اۆتوبۋس ورتكە ورانىپ جاتىر ەكەن. الايدا قۇتقارۋشىلار وزگە ادامداردى جاقىنداتپاي جاتىر. ءورت سوندىرۋشىلەر كەلىپ، ولار دا ءوز تىرلىكتەرىن جاساپ جاتتى. اللا، ءساتىن سالعاندا ادام بالاسى زارداپ شەكپەدى، - دەيدى ول.

كەشقۇرىم جەرگىلىكتى «بەرلينەر تسايتۋنگ» كورپوراتسياسىنا قاراستى باسىلىمنىڭ رەداكتسياسىنا حابارلاسىپ، عالامتور ارقىلى سۋرەتتەرىن جىبەرەدى. ءۇش كۇن قاتارىنان الگى اۆتوبۋس جارىلىسى تۋرالى ماقالالار دا جارىسا جازىلادى. باستىسى، بەرلين مۋنيتسيپاليتەتى جارىلىستىڭ اۆتوبۋستاعى اقاۋدان بولعانىنا كوز جەتكىزەدى.

اسقار سادۋاقاسوۆتىڭ ايتۋىنشا، مامىر ايىندا دا بەرلين قالاسىندا سىيىمدىلىعى جوعارى ۇلكەن اۆتوبۋس ورتكە ورانىپ، جارىلعان ەكەن. ونىڭ 20-عا تارتا جولاۋشىسى - نەگىزىنەن، زەينەتكەرلەر - اپاتتى جاعداي بارىسىندا جان ءتاسىلىم ەتەدى. اۆتوبۋستى بوساتىپ ۇلگەرمەسە كەرەك. الايدا ماماندار تەحنيكالىق اقاۋدىڭ بولماعانىن ايتىپ، بار كىنا سونبەي قالعان تەمەكىدەن بولعان دەگەن قورىتىندىعا كەلەدى.

- الايدا مەن 70-كە جۋىق كادر ءتۇسىردىم، بەرليندىك باسىلىمنىڭ ءۇش نومىرىنە قاتارىنان مەنىڭ فوتولارىم جارىق كوردى، - دەيدى اسقار، - سودان ساراپشىلار، زەرتتەي كەلە، ءورتتىڭ اۆتوبۋستىڭ دۆيگاتەلىندە تۇتانىپ، سالونعا ەتەك جايعانىنا كوز جەتكىزدى. بۇل جەردە ەشقانداي تەمەكىنى سىلتاۋ ەتۋ مۇمكىن ەمەس بولاتىن. بۇل تۋرالى نەمىس جۋرناليستەرى جارىسا جازدى.

مامىرداعى جولاۋشىلار ءولىمى مەن ماۋسىمدا قايتالانعان ورتتەن سوڭ، «مەرسەدەس» كومپانياسىنان ساتىپ الىنعان «بۋس-سيتارا» ماركالى 144 اۆتوبۋس اۋىستىرىلاتىن بولىپ شەشىلگەن. ءسويتىپ، بەرلين اۆتوپاركىنىڭ جاعدايى رەتتەلدى. سانداردى سويلەتسەك، ءبىر اۆتوبۋستىڭ قۇنى - 300 مىڭ ەۋرو. ال 144 اۆتوبۋستىڭ باعاسى تەڭگەگە شاققاندا 860 ميللياردقا پارا-پار.

ەسەسىنە ونداعان، بالكىم جۇزدەگەن ادامنىڭ قاۋىپسىزدىگىن قاراپايىم اقتوبەلىكتىڭ شەشىپ بەرگەندىگى ايتۋعا تۇرارلىق. جانە ءبىر ەسكەرەرلىگى، ەرلىككە بەرگىسىز ەڭبەگى ەلەنگەن كاسىپكەرگە بەرليننىڭ جەتەكشى باسىلىمى 200 ەۋرو كولەمىندە قالاماقى تاعايىنداپتى. بۇگىندە اسقار «بەرلينەر تسايتۋنگ» كورپوراتسياسىنا قاراستى «بەرلينەر كۋرەر» گازەتىنىڭ شتاتتان تىس ءفوتوتىلشىسى اتانىپ تا كەلدى. ءتىپتى وعان كاسىبي فوتوسۋرەتشىلەردىڭ سايىسىنا قاتىسۋعا ۇسىنىس تۇسكەن. ەلگە ورالعان سوڭ، سەلت ەتكىزەر فوتولارىن جيناقتاپ، سايىسقا جىبەرمەك ويى بار.

«الاش ايناسى» گازەتى، 11.08.2009