«قاڭتار وقيعاسىنا» قاتىستى جۇرگىزىلگەن تەرگەۋلەر اياقتالۋعا جاقىن. مۇنداي مالىمدەمەنى باس پروكۋروردىڭ ءبىرىنشى ورىنباسارى تيمۋر تاشىمباەۆ جەتكىزدى.

«قاڭتار وقيعاسىن» تەرگەۋ اياقتالىپ كەلەدى. بۇگىندە 1249 قاتىسۋشى سوتتالدى. 160 ادام باس بوستاندىعىنان ايىرىلدى. قالعاندارىنا جەڭىل جازا تاعايىندالدى»، -  دەدى تيمۋر تاشىمباەۆ.

سونداي-اق، ول ۇقك-ءنىڭ ەكس-توراعاسىنا قاتىستى قوزعالعان قىلمىستىق ىسكە توقتالدى.

«ءماسىموۆ جانە باسقا دا باسشىلارعا قاتىستى ىستەر سوتقا جىبەرىلدى. ولار بيلىكتى باسىپ الۋعا، مەملەكەتكە وپاسىزدىق جاساۋعا جانە بيلىكتەن اسىپ كەتۋگە تىرىستى دەپ ايىپتالۋدا. بيلىكتى اسىرا پايدالاندى دەگەن ەكس-مينيستر بەكتانوۆتىڭ ءىسى دە سوت قاراۋىندا»، - دەدى ورىنباسار.

تيمۋر تاشىمباەۆتىڭ ايتۋىنشا، مۇرات بەكتانوۆتىڭ دا ءىسى سوتتا قارالىپ جاتىر. وعان دا قىزمەتىن اسىرا پايدالاندى دەگەن ايىپ تاعىلىپ وتىر. «قاڭتار وقيعاسى» كەزىندە 238 ادامنىڭ قازا تاپقانى ايتىلادى. ونىڭ ىشىندە بالالار مەن ايەلدەر دە بار، 19-ى قۇقىق قورعاۋ قىزمەتكەرى.

Abai.kz