بەلگىلى ءانشى گاۋھار الىمبەكوۆانىڭ وزگەلەردەن ەرەكشەلىگى - ايتاتىن اندەرىن ءوزى جازادى. ونىڭ سازگەر رەتىندەگى ءبىراز اندەرى ەلگە كەڭ تاراعان. قازاقتىڭ قوڭىرجاي تىرلىگىن ايتامىن دەپ، تالاي جەردە اۋزى كۇيسە دە، «بەيسەنبىدەگى بەتپە-بەتكە» كەلگەن گاۋھار حانىم حالىقتىڭ قىزى ەكەنىن تاعى دا دالەلدەپ بەردى. «حالىقتىڭ قارىزعا الىپ جاساعان تويى مەن ودان العان ناپاقاما قاراپ، قازاقتىڭ جاعدايىن جاقسىعا بالاي المايمىن» دەگەن ءانشى توزىعى جەتكەن قوعام مەن تۇرلاۋى كەتكەن ونەر جايلى دا سىر شەرتتى.

- گاۋھار حانىم، كەلگەن كوكتەمگى مەرەكەمىز قۇتتى بولسىن!

- راحمەت! سىزگە دە ايەل باقىتىن تىلەيمىن!

- بۇگىنگى قىز-كەلىنشەكتەر 8 ناۋرىزدا عانا ايەل ەكەنىمىزدى سەزىنەتىن بولدىق دەپ ءاجۋالايتىن كورىنەدى. ءسىز نە دەيسىز؟

- ەندى انا اتانۋعا ءتيىس قىزدار ات-كولىككە ءمىنىپ، بالا تۋعاندارى تىرلىك ءۇشىن بازارعا شىعىپ كەتتى عوي. كەيبىر وتباسىندا اكەلەرى بالا باعىپ، ايەلدەرى تابىس تاۋىپ جۇرگەندەرى دە بار. ءبىر الماعايىپ زامانعا تاپ بولدىق قوي...

- ال ءوزىڭىزدى نەگە سيرەك كورەتىن بولدىق؟ قاربالاسقا تولى قوعامدا توي-بيزنەستىڭ قامىمەن ساحنا مەن تەلەديدارعا ۋاقىت تاپپاي ءجۇرسىز بە؟

بەلگىلى ءانشى گاۋھار الىمبەكوۆانىڭ وزگەلەردەن ەرەكشەلىگى - ايتاتىن اندەرىن ءوزى جازادى. ونىڭ سازگەر رەتىندەگى ءبىراز اندەرى ەلگە كەڭ تاراعان. قازاقتىڭ قوڭىرجاي تىرلىگىن ايتامىن دەپ، تالاي جەردە اۋزى كۇيسە دە، «بەيسەنبىدەگى بەتپە-بەتكە» كەلگەن گاۋھار حانىم حالىقتىڭ قىزى ەكەنىن تاعى دا دالەلدەپ بەردى. «حالىقتىڭ قارىزعا الىپ جاساعان تويى مەن ودان العان ناپاقاما قاراپ، قازاقتىڭ جاعدايىن جاقسىعا بالاي المايمىن» دەگەن ءانشى توزىعى جەتكەن قوعام مەن تۇرلاۋى كەتكەن ونەر جايلى دا سىر شەرتتى.

- گاۋھار حانىم، كەلگەن كوكتەمگى مەرەكەمىز قۇتتى بولسىن!

- راحمەت! سىزگە دە ايەل باقىتىن تىلەيمىن!

- بۇگىنگى قىز-كەلىنشەكتەر 8 ناۋرىزدا عانا ايەل ەكەنىمىزدى سەزىنەتىن بولدىق دەپ ءاجۋالايتىن كورىنەدى. ءسىز نە دەيسىز؟

- ەندى انا اتانۋعا ءتيىس قىزدار ات-كولىككە ءمىنىپ، بالا تۋعاندارى تىرلىك ءۇشىن بازارعا شىعىپ كەتتى عوي. كەيبىر وتباسىندا اكەلەرى بالا باعىپ، ايەلدەرى تابىس تاۋىپ جۇرگەندەرى دە بار. ءبىر الماعايىپ زامانعا تاپ بولدىق قوي...

- ال ءوزىڭىزدى نەگە سيرەك كورەتىن بولدىق؟ قاربالاسقا تولى قوعامدا توي-بيزنەستىڭ قامىمەن ساحنا مەن تەلەديدارعا ۋاقىت تاپپاي ءجۇرسىز بە؟

- مەنىڭ شىعارماشىلىقتان قولىم قالت ەتىپ بوساي قالعاندا اۋىلعا تارتىپ كەتەتىن ادەتىم بار. مىناداي اۋمالى-توكپەلى زاماندا شاڭىراعىمىزدىڭ شادىمان تىرشىلىگى ءۇشىن ۇيدەگى شارۋاشىلىققا باس-كوز بولامىن. ال ساحناعا ءساتى تۇسكەندە شىعىپ تۇرامىن. تەلەديدارعا - شاقىرسا عانا بارامىن، شاقىرماسا - ەشكىمگە زار ەمەسپىن. ونىڭ وزىندە شاقىرعان باعدارلاما حالىق كورەتىندەي تۇششىمدى بولسا عانا قاتىسامىن. ايتپەسە، وزگەلەرگە ۇقساپ، وزدىگىمنەن سۇرانىپ بارىپ، قادىرىمدى كەتىرگىم كەلمەيدى. دەگەنمەن بوس جاتىرمىن دەي المايمىن. «ماحاببات ورداسى» اتتى ءان جيناعىمدى شىعاردىم. قىرىققا جۋىق اندەردەن تۇراتىن ءۇنتاسپاما ءبىراز جاڭا اندەرىمدى ەنگىزدىم.

- وزىڭىزگە تۋعان جەرىڭىز شىمكەنتتەگى ءبىر مادەنيەت ۇيىنە باسشىلىق قىزمەت ۇسىنىلىپتى دەگەندى ەستىپ ەدىك...

- جوق، ونداي ۇسىنىس تۇسپەدى. ەگەر سونداي مۇمكىندىك بولعاندا دا، ودان باس تارتقان بولار ەدىم. ويتكەنى باسشى بولۋ مەنىڭ قولىمنان كەلمەيدى. «كوتەرە الماس بەلىمە شوقپار بايلاپ» قايتەيىن؟! ايتپاقشى، ءبىزدىڭ ەلدە ونەر يەلەرىن مادەنيەت وشاقتارىنا باسشى ەتىپ تاعايىنداۋ - قۇردىمعا كەتكەن ءۇردىس. ونەر دەسە ىشكەن اسىن جەرگە قوياتىن جاندار مادەنيەتتىڭ قۇرىعىن ۇستاسا، ءانشى اتاۋلى تويدا تەنتىرەمەس ەدى. اۋىل-ايماقتاعى مادەنيەت ۇيلەرى جابىراڭقى كۇيدە قالماس ەدى. ءبارى تىستەگەننىڭ اۋزىندا، ۇستاعاننىڭ قولىندا كەتتى. وبلىس ورتالىقتارىنا بارساڭ، مادەنيەت ۇيلەرىنىڭ قوجايىندارى قۇدايدىڭ قۇلاعىن ۇستاعانداي بولىپ وتىرادى. كونتسەرت وتكىزۋگە رۇقساتتارىن الۋ ءۇشىن، جوعارىدان ءبىر كوكەڭ ەسكەرتۋ جاساۋعا ءتيىس ەكەن. تەك قىزىلوردا، ورال، سەمەي سياقتى ساناۋلى عانا وڭىرلەر جىلى شىرايمەن قارسى الادى. ال قالعان جەردەگى مادەنيەت باسشىلارى حالىق ارتىستەرىنىڭ وزىنە وسقىرىنا قارايدى.

- سوڭعى بەرگەن «اناعا سالەم» اتتى ءان كەشىڭىز كوپتەن بەرگى ارمانىڭىز ەدى، موينىڭىزدان ءبىر جۇك تۇسكەندەي بولدى ما؟

- سوڭعى كونتسەرتىمنىڭ وتكەنىنە ءتورت جىلدان اسىپتى. ودان بەرى تالاي جاڭا اندەر جازىلدى. ولاردىڭ كەيبىرى تىڭدارمانعا جەتە قويعان جوق. سول اندەرىمدى جيىستىرىپ، بيىل تاعى كونتسەرت بەرسەم دەيمىن. وعان مورالدىق تۇرعىدان دايىنمىن. ماسەلە ماتەريالدىق جاعدايعا تىرەلىپ تۇر.

- قارسى بولماساڭىز، ەندى ءسىز ەكەۋمىز ايەل زاتىنا ءتان سىر شەرتىسىپ كورەيىكشى: ماسەلەن، ءسىزدى جالعىزدىق شارشاتىپ جىبەرگەن جوق پا؟

- مەن ءوزىمدى ەشقاشان جالعىز سەزىنگەن ەمەسپىن. بۇيىرىپ ءدام تارتقان كۇنى ءبىر اۋلەتتىڭ بوساعاسىن اتتايمىن. قۇدايعا ءتاۋبا، ونەردە ءوز ەسىمىمدى قالىپتاستىرىپ، حالىقتىڭ العىسىن الىپ ۇلگەردىم. سوندىقتان كەلىن اتانۋعا ءوزىم دە ىشتەي دايىندالىپ ءجۇرمىن. باقىت جۇماتوۆا دەگەن ەستراسەانس مەنى تۇرمىسقا شىعادى دەپ جورامال جاساپتى. سونى ەستىگەن جۇرت قاشان كەتەتىنىمدى سۇراپ، جۇرگىزبەيتىن بولدى. قۇدايعا سەرىك قوسقانىم ەمەس، الايدا ءوزىم باراتىن ءبىر كورىپكەل كەلىنشەك بار. ول كىسى باسقالار قۇساپ نەبىر بايقاۋلارعا قاتىسىپ، باعىن سىناپ باقپايدى. ءبىر بىلەتىنىم - ايتقانى ايدان انىق كەلەدى. سول كىسى بيىل بوساعا اتتايتىنىمدى مەڭزەگەن ەدى. ءتىپتى وسىدان جيىرما جىل بۇرىن مارقۇم انام الدىنا بارعاندا: «كەنجە قىزىڭىز ءوز جولىن تاپقان حالىقتىڭ قىزى بولادى. سوندىقتان ونى تۇرتپەكتەمەڭىز، قىرىق بىردەن اسقان سوڭ بارىپ تۇرمىس قۇرادى» دەپتى. سول ۋاقىتتىڭ تايانعانىن ءجاميلا كورىپكەل وتكەندە وزىمە دە قايتالادى. ايتسە دە ءبارى ءبىر اللانىڭ قولىندا...

- ءۇيلى-باراندى قۇربىلارىڭىز سىزدەي وتكىر قىزدان كۇيەۋلەرىن قىزعىشتاي قوريتىن شىعار، ءا؟

- كۇيەۋىن قىزعانۋ بىلاي تۇرسىن، قىزداردان دوس تابۋ دا مۇمكىن ەمەس. ويتكەنى ايەلدەردىڭ ءىشى تار كەلەدى. سوندىقتان مەنىڭ اڭگىمەم كوبىنە جىگىتتەرمەن جاراسىم تابادى.

- ارىپتەسىڭىز مەرۋەرت تۇسىپباەۆاعا الماتىنىڭ ورتاسىنان ءبىر دوكەي 300 مىڭ دوللارلىق ءۇي سىيلاسا كەرەك. سىزگە دە وسىنداي ءبىر جومارت جولىققان جوق پا؟

- ونداي جومارت ميللياردتىڭ بىرىنەن تابىلار. مەرۋەرتكە سول «التىن بالىقتىڭ» ءبىرى كەزدەسكەن شىعار. ايتپەسە قىمبات سىيلىق جاساعان «جومارت جىگىتتەردىڭ» وزىندىك «ەسەبى» بولادى. ءوز باسىم ونەرگە شىن جانى اشيتىن جاندى ومىرىمدە ءبىر رەت قانا كەزىكتىردىم. قارجىلاي قوماقتى دەمەۋشىلىك جاساي تۇرا، اتىن دا قۇپيا قالدىرۋىمدى ءوتىندى. ونداي ادامدار وتە از. ايتپەسە جىلت ەتكەننىڭ بارىنە جابىسىپ، بىرەۋدىڭ الدىندا مىندەتتى بولعاندى قالامايمىن.

- بۇگىنگى جانتالاسقا تولى قوعام تولعانىپ ءان جازۋعا مۇرشاڭىزدى بەرمەي جۇرگەن جوق پا؟

- كەرىسىنشە، ادىلەتكە جارىماي، تاۋى شاعىلعان ازاماتتىڭ، ارى تاپتالعان ارۋدىڭ، ەڭبەگىنىڭ زەينەتىن كورە الماي وتىرعان قارتتاردىڭ، جۇمىسسىز سەندەلگەن جاستاردىڭ ماسەلەسى ماعان شابىت بەرەدى. تابيعاتقا ەلىكتەپ، نە بولماسا شەتەلدە شابىتىم ويانادى دەيتىن سازگەرلەردىڭ قاتارىنان ەمەسپىن. مەن ءاندى قاڭعىعان قازاقتىڭ زارىمەن جازىپ، ونى قارابايىر حالىقتىڭ ۇنىمەن جەتكىزەمىن. سوندىقتان مەنىڭ اندەرىمنىڭ دەنى قاپالانعان كەزدە تۋىندايدى.

- سوندا كوبىنە نەگە بولا قاپالاناسىز؟

- جامپوزدار مەن جاندايشاپتار ءبىر ادامعا تابىنۋشىلىققا الىپ كەلدى. قازاقتىڭ اماندىعىنا قۇدايدىڭ قاتىسى بولماي قالدى. بۇرىنعىلار ءبىر اللانىڭ ارقاسى دەۋشى ەدى، قازىر بارلىعىن ءبىر ادامنىڭ ارقاسىنا تاڭيدى. قارا قازان، سارى بالا قامى ءۇشىن، تايسالماي حانعا «دات» ايتاتىن ازاماتتار قالمادى. بارلارىنىڭ بىت-شىتىن شىعاردى. پالەنشە بىرەۋ تۇگەنشە قارجى جەدى دەيدى. بىراق سولاردى جازاعا تارتىپ جاتقان بيلىكتى كورمەيسىڭ. قالا بەردى شەتەلگە قاشىپ كەتكەن بولىپ شىعادى. قازىنانىڭ سۇراۋى جوق، ۇرلاسا قايتىمى جوق. ايتەۋىر قازاقتىڭ نەسىبەسى تالان-تاراجعا ءتۇسىپ جاتىر...

مەن اكىمدەردىڭ ىشىندە يمانعالي تاسماعامبەتوۆتى ءتاۋىر كورەمىن. ول كىسىنىڭ ىستەگەن قىزمەتىنە رازى بولعانى سونشا، اتىراۋدىڭ اكىمدىگىنەن كەتكەندە كوزىنە جاس العان قارتتاردى كورگەنىم بار. قاي ءوڭىردى باسقارسا دا، حالىققا قاجەتتى جاعدايدى جاساپ باعادى. پرەزيدەنتتىڭ تاسماعامبەتوۆكە جاڭا قالا استانانى سەنىپ تاپسىرۋى دا تەگىن ەمەس سياقتى.

دەگەنمەن، ءبىزدىڭ حالىق جۋاس بولعانىمەن، اقىماق ەمەس، كىمنىڭ قانشالىقتى قىزمەت ەتىپ وتىرعانىن جاقسى بىلەدى. بيلىككە حالىققا جانى اشيتىن ازاماتتار كەلۋ كەرەك. ماسەلەن، قازاق دەسە توبە شاشى تىك تۇراتىن ورىستار كىشى ءجۇزدىڭ جىگىتى امان تولەەۆتى نەگە توبەسىنە كوتەرەدى دەيسىز. ءبىر وبلىستىڭ گۋبەرناتورى بولا تۇرا، كۇزەتسىز ءۇش بولمەلى پاتەردە تۇرادى ەكەن. مىنە، وسىنداي ازاماتتار ەل تىزگىنىن قولعا العاندا عانا جاعدايىمىز وڭالادى. ول ءۇشىن قازاققا رۋشىلدىقتى تامىرىمەن جويىپ، ءبىر عانا قازاق بوپ قالىپتاسۋ كەرەك.

- وسىدان ءبىراز ءماجىلىس دەپۋتاتى داريعا نازارباەۆا انشىلەردىڭ جيىن تويلارعا شىعىپ، ءان سالۋىنا رەسمي تۇردە رۇقسات بەرۋ كەرەكتىگىن ايتتى. الايدا انشىلەر قازاقتىڭ تويىنان نان تاۋىپ جۇرگەنىن ەسكەرسەك، پرەزيدەنتتىڭ ءانشى قىزى كوتەرگەن باستاما ارىپتەستەرىن جارىلقاپ تاستايدى دەۋگە جاناسپايتىن سياقتى عوي...

- ەگەر ول كىسى شىنىمەن قازاق انشىلەرىنىڭ قامىن ويلاسا، شەتەلدەن ءانشى شاقىرتۋعا تىيىم سالعانى دۇرىس بولار. سوندا ءوز ىشىمىزدە قازاق انشىلەرىنە دەگەن سۇرانىس ارتىپ، ءوز جىرتىعىمىزدى ءوزىمىز جامار ەدىك. جىل سايىن وتەتىن استانانىڭ تويىنا قانشاما قارجى شىعىنداپ، تاعى سول شەتەلدىكتەردى شاقىرتادى.

ال جابىق ەسىكتە وتەتىن كەشتەرگە سىرتتان كەلەتىن انشىلەر قانشاما؟ ماسەلەن، شىمكەنتتەگى ءبىر بايشىكەش جەتى-سەگىز قوناقتىڭ اراسىندا اتاپ وتىلگەن قىزىنىڭ تۋعان كۇنىنە قىرىق مىڭ دوللارعا ديما بيلاندى الدىرتىپتى. ال رەسەيدەگى قاي ورىس ماقپال مەن روزا اپالارىمىزدى تويىنا شاقىرىپ ەدى؟ رەسپۋبليكا سارايىنىڭ جالعا بەرۋ اقىسىن دا جەرگىلىكتى انشىلەردىڭ قالتاسى كوتەرمەيدى. حالىققا ءبىر كونتسەرت بەرۋ ءۇشىن، قانشا جىل تىرباڭداپ، توي ارالاۋىڭا تۋرا كەلەدى. ەل يگىلىگىنە قاتىستى وسىنداي ماسەلەلەردىڭ رەتتەلۋىنە ارناپ نەگە زاڭ شىعارماسقا؟ ءبىزدىڭ شەنەۋنىكتەردە ۇلتتىق نامىس جوق.

- ال 2030 جىلى گۇلدەنەمىز دەگەن ارمانىمىز ەندى 2050 جىلعا شەگەرىلگەنى جونىندە نە ايتار ەدىڭىز؟

- باعدارلامامەن باقىتتى بولدى دەگەن حالىقتى ەستىمەپپىن. ەل ءۇشىن ەڭبەك ەت - سول باعدارلاما بولسىن! لاتىن گرافيكاسىنا كوشۋ كەرەك دەگەندى ەستىگەندە نە كۇلەرىمدى، نە جىلارىمدى بىلمەدىم. قازاقستانداعى ورىستاردان باستاپ، ءورىستىلدى قازاقتاردىڭ بارلىعى جاپپاي قازاقشا سويلەي الاتىن بولسا، وندا بۇل باعدارلامانى قۇپتاۋعا بولار ەدى.

ايتپەسە قىمباتشىلىق قامىتىن كيىپ، ونسىز دا سىركەسى سۋ كوتەرمەي وتىرعان حالىقتىڭ ءدۇبارا بولىپ قالۋ قاۋپى بار. بىزدەگى شىعىپ جاتقان ۇزىن-سونار باعدارلامالار حالىقتى جارىلقاعاننان بۇرىن، جەگى قۇرتتاي جەپ جاتىر. كۇن ساناپ ءوسىپ كەلە جاتقان جارىق پەن سۋعا بازارداعى ازىق-تۇلىك باعاسىن قوسىڭىز. وتىرساق تا، تۇرساق تا سالىق تولەيتىن بولدىق. ءبىر قاراڭعى تۇننەن كەيىن، ءبىر جارىق كۇن تۋادى دەۋشى ەدى. بىراق ءبىز كوگەندەۋلى تۇننەن شىعا الماي-اق قويدىق. ايتەۋىر ەل ىرگەسىنىڭ تىنىشتىعىنا ءتاۋبا دەيمىز...

- بۇگىنگى قىمباتشىلىق زامانىندا بالانى تاۋىپ تا، اسىراپ تا جاتقان زامانداس قۇربىلارىڭىزعا جانىڭىز اشي ما؟

- ايەلدەرگە «تۋىڭدار!» دەدى. سوعان وراي ءاربىر تۋعان سابيگە قوماقتى وتەماقى تاعايىنداعان ۇكىمەتتى كورمەدىم. ءبىزدىڭ مەملەكەتتە جوعارى سومادا جورگەكپۇل الاتىن ساناۋلى عانا ايەل بار ەكەن. قازاقستان قايىر تىلەپ كەتەتىندەي ەندى سولارعا تولەنەتىن سومانى قىسقارتپاقشى.

ءوز باسىم قازاقتىڭ قارىز الىپ جاساعان تويىنا، وندا ءان سالىپ العان ناپاقاما قاراپ، تىرلىكتىڭ بارلىعىن جاقسىعا بالاي المايمىن. كوپشىلىك كولىكتەرىندە قاباقتارى قاتۋلى بولىپ كەتىپ بارا جاتقان جانداردى كورگەندە جانىم اۋىرادى. الاتىن ەلۋ-الپىس مىڭ جالاقىسىن حالىق قاي قاجەتىنە جەتكىزەدى؟ بۇگىنگى ينسۋلت پەن ينفاركت سياقتى قاپتاپ كەتكەن جۇرەك اۋرۋلارى وسىنداي جوقشىلىق پەن جەتىسپەۋشىلىكتىڭ سالدارىنان تۋىنداپ جاتىر.

- ەندەشە جوقشىلىقپەن ايقاسىپ، باردان جوق جاساپ جۇرگەن انا مەن اجە، اپكە-سىڭلىلەرىڭىزگە نە تىلەيسىز؟

- قازاق ايەلىنىڭ وزگەدەن ەرەكشەلىگى سول - ءبىر قولىمەن بەسىگىن تەربەتسە، ءبىر قولىمەن تىرلىگىن قيىستىرا بىلگەن. كەلە جاتقان مەيرام سول اق جاۋلىقتى انالار مەن اپكە-سىڭلىلەرىمە دەنساۋلىق پەن باكىت اكەلسىن. قازاقتىڭ قايسار قىزدارى امان بولسىن!

اڭگىمەلەسكەن -

دينار كاميلوۆا،

«D»

ءومىردىڭ ءوزى انەكدوت

وتكەن جاز ايىنىڭ بىرىندە ارىپتەسىم ءمادينا سادۋاقاسوۆا قالتافونىما قوڭىراۋ شالدى، دەيدى گاۋھار. امان-ساۋلىقتان سوڭ: «كۇيەۋگە قاشان شىعاسىز؟» - دەپ سۇرادى. مەن ساسقانىمنان: «ويباي، شىقسام سەنەن جاسىرام با؟» دەپ اقتالىپ جاتىرمىن. الگى سوزىمە سەنبەسە كەرەك: «شىنىڭىزدى ايتىڭىزشى؟!» - دەپ، ودان بەتەر شۇيلىگە ءتۇستى. اقىرى بولماعان سوڭ: «ونىڭ ساعان نە قاجەتى بار؟» - دەپ، وزىنە تاپ بەردىم. بىراق ءمادينا قىمسىنباستان: «ەگەر شىعاتىن بولساڭىز، مىندەتتى تۇردە ماعان حابارىن ايتىڭىزشى»، - دەپ، ەسكەرتۋ جاسادى. ءسىرا، تويىما شاقىرماي قالار دەپ ويلاعان بولار دەپ: «ءسىڭىلىم-اۋ، ءبىرىنشى سەنى شاقىرامىن عوي!» - دەگەندى ايتىپ جۇباتا ءتۇستىم.

سويتسەم ءمادينامنىڭ: «وتكەندە كورىپكەل باقىت جۇماتوۆا ءبىرتالاي قىزدىڭ كۇيەۋگە شىعاتىنىن ايتىپتى. ءبىرىنشى بولىپ قارلىعاش مۇحامەدجانوۆا كەتەدى دەپ ەدى، وعان ايتقانداي-اق قۇدا ءتۇسىپ جاتىر ەكەن. سودان كەيىن ءسىز، ونىڭ ارتىنان مەنى كەتەدى دەپتى. ەگەر شىن بولسا، دايىندالا بەرەيىن دەگەنىم عوي»، - دەمەسى بار ما؟

«وبششەستۆەننايا پوزيتسيا»

پروەكت «DAT» № 08 184  07 ناۋرىز 2013 جىل