قازىر اۋا-رايىنىڭ قۇبىلۋىنا بايلانىستى توتەنشە جاعدايلار قۇرىلىمى تاراپىنان موبيلدىك بايلانىسپەن سمس-حابارلاما لاتىن قارپىمەن تاراتىلادى. بىراق ول تەك قانا رەسەي مەملەكەتتىك تىلىندە. وسىعان وراي، ءبىر ازامات مينيستر بلوگىنا نارازىلىعىن جولداپتى. ماسەلەنىڭ ودان ارعى ءوربۋىن باقىلاۋدا ۇستاماقپىز.

Abai.kz

قر توتەنشە جاعدايلار ءمينيسترى

ۆ.ك. بوجكو مىرزاعا

قۇرمەتتى  ۆلاديمير كارپوۆيچ!

اۋا-رايىنا قاتىستى سمس-حابارلامالاردىڭ تاراتىلۋىنا ءسىزدىڭ مينيسترلىك بولىمشەلەرىنىڭ تىكەلەي قاتىسى بار دەپ ويلايمىن. ارينە، ازاماتتاردى قاۋىپ-قاتەردەن ساقتاندىرۋ مەن اقپاراتتاندىرۋ - ءسىزدىڭ ورگاننىڭ باستى مىندەتتەرىنىڭ ءبىرى.

الايدا، اتالمىش سمس-حابارلاما بىرجاقتى جانە ءبىر تىلدە - ورىس تىلىندە بولۋى ەلدىڭ زاڭناماسىن بۇزۋمەن بىرگە، ازاماتتاردىڭ اقپارات الۋ قۇقىعىن دا تاپتاپ وتىر. راس، سمس-حابارلامالار لاتىن قارپىمەن تارالۋدا، بۇل - ۋاقىتشا تەحنيكالىق كەمشىلىك ەكەنى راس. الايدا وسى قارىپپەن قازاق تىلىندە دە حابارلاما تاراتۋ مۇمكىندىگى بارىن ءسىزدىڭ مينيسترلىككە قاراستى ۇيىمدار مەن بولىمشەلەر ءبىلۋى ءتيىس. بىلمەسە، ءتىل كوميتەتىمەن كەلىسىپ، ماسەلەنىڭ شەشىلۋىن قاراستىرۋى كەرەك ەدى. اتالمىش جايت ەل ازاماتتارىن الالاۋ، بارىپ تۇرعان زاڭسىزدىق!

قازىر اۋا-رايىنىڭ قۇبىلۋىنا بايلانىستى توتەنشە جاعدايلار قۇرىلىمى تاراپىنان موبيلدىك بايلانىسپەن سمس-حابارلاما لاتىن قارپىمەن تاراتىلادى. بىراق ول تەك قانا رەسەي مەملەكەتتىك تىلىندە. وسىعان وراي، ءبىر ازامات مينيستر بلوگىنا نارازىلىعىن جولداپتى. ماسەلەنىڭ ودان ارعى ءوربۋىن باقىلاۋدا ۇستاماقپىز.

Abai.kz

قر توتەنشە جاعدايلار ءمينيسترى

ۆ.ك. بوجكو مىرزاعا

قۇرمەتتى  ۆلاديمير كارپوۆيچ!

اۋا-رايىنا قاتىستى سمس-حابارلامالاردىڭ تاراتىلۋىنا ءسىزدىڭ مينيسترلىك بولىمشەلەرىنىڭ تىكەلەي قاتىسى بار دەپ ويلايمىن. ارينە، ازاماتتاردى قاۋىپ-قاتەردەن ساقتاندىرۋ مەن اقپاراتتاندىرۋ - ءسىزدىڭ ورگاننىڭ باستى مىندەتتەرىنىڭ ءبىرى.

الايدا، اتالمىش سمس-حابارلاما بىرجاقتى جانە ءبىر تىلدە - ورىس تىلىندە بولۋى ەلدىڭ زاڭناماسىن بۇزۋمەن بىرگە، ازاماتتاردىڭ اقپارات الۋ قۇقىعىن دا تاپتاپ وتىر. راس، سمس-حابارلامالار لاتىن قارپىمەن تارالۋدا، بۇل - ۋاقىتشا تەحنيكالىق كەمشىلىك ەكەنى راس. الايدا وسى قارىپپەن قازاق تىلىندە دە حابارلاما تاراتۋ مۇمكىندىگى بارىن ءسىزدىڭ مينيسترلىككە قاراستى ۇيىمدار مەن بولىمشەلەر ءبىلۋى ءتيىس. بىلمەسە، ءتىل كوميتەتىمەن كەلىسىپ، ماسەلەنىڭ شەشىلۋىن قاراستىرۋى كەرەك ەدى. اتالمىش جايت ەل ازاماتتارىن الالاۋ، بارىپ تۇرعان زاڭسىزدىق!

بۇل جايتتى سىزگە بايانداي وتىرىپ، ماسەلەنى بىرىگىپ شەشۋگە شاقىرامىن. قاجەتتىلىك بولسا، ازاماتتارعا تۇسىنىكتى لاتىن قارىپتى  نۇسقاسىن بەرۋگە بولادى. جانە بۇل ماسەلەنى زاڭداستىرۋدى ۋاقىتشا بولسا دا، مادەنيەت  جانە اقپارات مينيسترلىگىمەن بىرىگىپ قولعا الۋدى ۇسىنامىن. ءالى كۇنگە بۇل جايتقا نازار اۋدارماي، ماسەلەنى شەشپەي وتىرعان مادەنيەت جانە اقپارات مينيسترلىگىنىڭ دە كىناسى بار ەكەندىگىن بىلەمىز. سىزدەن اتالمىش ماسەلەگە قاتىستى تۇسىنىستىك كۇتەمىن.

قۇرمەتپەن،

سەرىك ابدىرەشۇلى،

قر ازاماتى

مينيسترگە جونەلگەن حاتتىڭ تىركەلگەندىگى جونىندەگى حابارلاما ءنومىرى: № 192448

Abai.kz