ايەلدەر مەن ەركەكتەردىڭ زەينەت دەمالىسىنا شىعۋ جاسى تەڭەستىرىلەدى. بۇل تۋرالى بۇگىن قر پارلامەنتى ماجىلىسىندە «زەينەتاقىمەن قامسىزداندىرۋ جۇيەسىن جاڭعىرتۋ تۋرالى» زاڭ جوباسىنىڭ جاڭا رەداكتسياسىنىڭ تانىستىرىلىمى بارىسىندا قر ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆ مالىمدەدى.

«ايەلدەردى زەينەتاقىمەن قامسىزداندىرۋ ماسەلەسىنە توقتالساق، بۇگىنگى كۇنى زەينەتاقى شوتتارىنىڭ جالپى سانىنىڭ 3 ملن 800 مىڭى نەمەسە 45%-ى - ايەلدەر ۇلەسىندە. ايەلدەردىڭ زەينەتاقى جيناقتارىنىڭ ورتاشا مولشەرى ەر ادامدارعا قاراعاندا 25%-عا تومەن. ايەلدەردىڭ زەينەتاقى جيناقتارىنىڭ تومەن بولۋىنا ەكى سەبەپ بار. ناقتى اتاپ وتسەك، ايەلدەر جۇكتى بولۋىنا جانە بالا كۇتىمىنە بايلانىستى دەمالىس الادى جانە زەينەت دەمالىسىنا ەركەكتەرگە قاراعاندا ەرتە شىعادى. وسىعان بايلانىستى ايەلدەر زەينەتاقى جيناقتاۋشى جۇيەسىنە ەركەكتەرگە قاراعاندا ءبىرشاما ۋاقىت از قاتىسادى. سوعان قاراماستان، ايەلدەر 58 جاسىندا زەينەت دەمالىسىنا شىعۋعا قۇقىلى بولىپ كەلدى»، - دەدى س.ابدەنوۆ.

ونىڭ ايتۋىنشا، سوڭعى 5 جىلدىڭ ىشىندە ايەلدەردىڭ ورتاشا جالاقىسىنىڭ كولەمى ەكونوميكا بويىنشا ەر ادامداردىڭ ورتاشا ەڭبەكاقىسىنىڭ 66-دان 68%-عا دەيىنگى كورسەتكىشىن قۇراعان.

ايەلدەر مەن ەركەكتەردىڭ زەينەت دەمالىسىنا شىعۋ جاسى تەڭەستىرىلەدى. بۇل تۋرالى بۇگىن قر پارلامەنتى ماجىلىسىندە «زەينەتاقىمەن قامسىزداندىرۋ جۇيەسىن جاڭعىرتۋ تۋرالى» زاڭ جوباسىنىڭ جاڭا رەداكتسياسىنىڭ تانىستىرىلىمى بارىسىندا قر ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆ مالىمدەدى.

«ايەلدەردى زەينەتاقىمەن قامسىزداندىرۋ ماسەلەسىنە توقتالساق، بۇگىنگى كۇنى زەينەتاقى شوتتارىنىڭ جالپى سانىنىڭ 3 ملن 800 مىڭى نەمەسە 45%-ى - ايەلدەر ۇلەسىندە. ايەلدەردىڭ زەينەتاقى جيناقتارىنىڭ ورتاشا مولشەرى ەر ادامدارعا قاراعاندا 25%-عا تومەن. ايەلدەردىڭ زەينەتاقى جيناقتارىنىڭ تومەن بولۋىنا ەكى سەبەپ بار. ناقتى اتاپ وتسەك، ايەلدەر جۇكتى بولۋىنا جانە بالا كۇتىمىنە بايلانىستى دەمالىس الادى جانە زەينەت دەمالىسىنا ەركەكتەرگە قاراعاندا ەرتە شىعادى. وسىعان بايلانىستى ايەلدەر زەينەتاقى جيناقتاۋشى جۇيەسىنە ەركەكتەرگە قاراعاندا ءبىرشاما ۋاقىت از قاتىسادى. سوعان قاراماستان، ايەلدەر 58 جاسىندا زەينەت دەمالىسىنا شىعۋعا قۇقىلى بولىپ كەلدى»، - دەدى س.ابدەنوۆ.

ونىڭ ايتۋىنشا، سوڭعى 5 جىلدىڭ ىشىندە ايەلدەردىڭ ورتاشا جالاقىسىنىڭ كولەمى ەكونوميكا بويىنشا ەر ادامداردىڭ ورتاشا ەڭبەكاقىسىنىڭ 66-دان 68%-عا دەيىنگى كورسەتكىشىن قۇراعان.

«ونىڭ ۇستىندە زەينەت دەمالىسىنا شىققاننان كەيىن ايەلدەردىڭ ەركەكتەرگە قاراعاندا شامامەن 2 ەسەگە ارتىق ۇزاق ءومىر سۇرەتىنىن ەسكەرسەك، قالىپتاسقان جاعدايدا ايەلدەردى ءتيىستى زەينەتاقىمەن قامسىزداندىرۋ مۇمكىندىگى تومەن. بۇعان قوسا، ايەلدەردىڭ 17%-دان استامى ورتاق زەينەتاقى جۇيەسىنە تولىق قاتىسپاي وتىرعاندىعىن ەسكەرۋ قاجەت. 2018 جىلدان باستاپ بۇل ماسەلە بارلىق ايەلدەرگە قاتىستى بولادى. سوندىقتان، ورتاق جۇيەدەگى زەينەتاقى مولشەرى مينيمالدىق بولىپ تابىلادى. وسىعان بايلانىستى ايەلدەردىڭ زەينەت جاسىنىڭ سايكەستەندىرىلۋىن ۇسىنامىز. سونىمەن قاتار، ايەلدەردىڭ جۇكتىلىگىنە وراي جانە 1 جاسقا دەيىنگى بالا كۇتىمىنە قاتىستى دەمالىسىنداعى شىعىنداردى سۋبسيديالاۋ قاراستىرىلۋدا. شىعىنداردى سۋبسيديالاۋ مىندەتتى زەينەتاقى جارنالارى ەسەبىنەن ەنگىزىلەتىن بولدى»، - دەپ تولىقتىردى مينيستر.

دەرەككوز: BAQ.KZ