قازپوشتا قازاق ءتىلىن قورلاۋىن دەرەۋ توقتاتسىن!
قر باس پروكۋرورى اسحات داۋىلباەۆتىڭ
«سامۇرىق-قازىنا» ۇلتتىق ءال-اۋقات قورى» اق
ديرەكتورلار كەڭەسىنىڭ توراعاسى سەرىك احمەتوۆتىڭ،
«سامۇرىق-قازىنا» ۇلتتىق ءال-اۋقات قورى» اق
باسقارما توراعاسى ومىرزاق شوكەەۆتىڭ،
قازپوچتا» اق ديرەكتورلار كەڭەسىنىڭ توراعاسى قۋاندىق بيشىمباەۆتىڭ،
«قازپوچتا» اق باسقارما توراعاسى اركەن ارىستانوۆتىڭ
نازارىنا!
«قازپوشتا» - پوشتا بايلانىسىنىڭ ۇلتتىق وپەراتورى قازاق تىلىندە قىزمەت كورسەتۋدەن باس تارتىپ وتىر. باس تارتىپ قانا قويماي، قازاق ءتىلىن افريكانى مەكەندەيتىن سۋاحيلي تايپاسىنىڭ تىلىنە تەڭەگەن. وسىنداي بەيباستاق ارەكەتى ارقىلى «قازپوشتا» قازاقستان رەسپۋبليكاسىنىڭ مەملەكەتتىلىگىن، مەملەكەت تاۋەلسىزدىگىنىڭ بىردەن ءبىر نىشانى بولىپ تابىلاتىن قازاق ءتىلىن - مەملەكەت ءتىلدى قورلاپ، مەملەكەت قۇرۋشى ۇلت - حالىقتىڭ 70 پايىزىن قۇرايتىن قازاق حالقىنىڭ ار-نامىسىن اياققا تاپتاۋدا.
ايعاق مىناۋ:
قر باس پروكۋرورى اسحات داۋىلباەۆتىڭ
«سامۇرىق-قازىنا» ۇلتتىق ءال-اۋقات قورى» اق
ديرەكتورلار كەڭەسىنىڭ توراعاسى سەرىك احمەتوۆتىڭ،
«سامۇرىق-قازىنا» ۇلتتىق ءال-اۋقات قورى» اق
باسقارما توراعاسى ومىرزاق شوكەەۆتىڭ،
قازپوچتا» اق ديرەكتورلار كەڭەسىنىڭ توراعاسى قۋاندىق بيشىمباەۆتىڭ،
«قازپوچتا» اق باسقارما توراعاسى اركەن ارىستانوۆتىڭ
نازارىنا!
«قازپوشتا» - پوشتا بايلانىسىنىڭ ۇلتتىق وپەراتورى قازاق تىلىندە قىزمەت كورسەتۋدەن باس تارتىپ وتىر. باس تارتىپ قانا قويماي، قازاق ءتىلىن افريكانى مەكەندەيتىن سۋاحيلي تايپاسىنىڭ تىلىنە تەڭەگەن. وسىنداي بەيباستاق ارەكەتى ارقىلى «قازپوشتا» قازاقستان رەسپۋبليكاسىنىڭ مەملەكەتتىلىگىن، مەملەكەت تاۋەلسىزدىگىنىڭ بىردەن ءبىر نىشانى بولىپ تابىلاتىن قازاق ءتىلىن - مەملەكەت ءتىلدى قورلاپ، مەملەكەت قۇرۋشى ۇلت - حالىقتىڭ 70 پايىزىن قۇرايتىن قازاق حالقىنىڭ ار-نامىسىن اياققا تاپتاۋدا.
ايعاق مىناۋ:
«Arystan Patsha» ەسىمدى تۆيتتەر الەۋمەتتىك جەلىسىنىڭ قولدانۋشىسى وسى جەلىدەگى «قازپوشتانىڭ» وكىلى «Kazpost» قولدانۋشىسىنا قويىلعان ساۋالدارعا مەملەكەتتىك تىلدە جاۋاپ بەرۋىن سۇراعان. ال، «Kazpost» بولسا: «وقىرمانداردىڭ اراسىندا سۋاحيليشە سويلەيتىندەر بار شىعار. سوندا ءار ءتۆيتتى اۋدارۋىمىز كەرەك پە؟ ءبىز تانىمال ءتىلدى قولدانامىز»، - دەپ جاۋاپ بەرگەن.
تۆيتتەردەگى «قازپوشتانىڭ» وكىلى ءوز اتىنان ەمەس، «ءبىز» دەپ بۇكىل «قازپوشتانىڭ» اتىنان «وقىرمانداردىڭ اراسىندا سۋاحيليشە سويلەيتىندەر بار شىعار» دەپ ازاماتتاردى بولشەكتەپ، قولدانىستاعى زاڭداردى بۇزعانى بىلاي تۇرسىن، ۇلتارالىق ارازدىق تۋدىرىپ قىلمىسقا بارىپ وتىر. مۇنىمەن قويماي «سوندا ءار ءتۆيتتى اۋدارۋىمىز كەرەك پە؟» دەپ شىرەنەدى. 100 پايىز مەملەكەت يەلىگىندەگى مەكەمە قىزمەتكەرى مەملەكەتتىك تىلگە مۇرنىن شۇيىرەدى. «ءبىز تانىمال ءتىلدى قولدانامىز» دەگەن «قازپوشتانىڭ» وكىلى ءوزىنىڭ شوۆينيستىك پيىعىلىن اشىق اڭعارتىپ، اسىرەورىسشىلدىعىن ايگىلەيدى.
مۇنداي ادامنىڭ تۇسىنىگىندە, قازاق حالقى ءالى كۇنگە بۇراتانا، تايپالىق دارەجەدە قالىپ قويعان، ءتىلى دە سول دەڭگەيدەگى ۇلت ەكەنى سوقىرعا تاياق ۇستاتقانداي كورىنىپ تۇر.
Abai.kz اقپاراتتىق پورتالىنىڭ ۇجىمى ءوز وقىرماندارىنىڭ اتىنان «قازپوچتا» اق ديرەكتورلار كەڭەسىنىڭ توراعاسى قۋاندىق بيشىمباەۆتان، «قازپوچتا» اق باسقارما توراعاسى اركەن ارىستانوۆتان جوعارىداعى «قازپوشتا» قىزمەتكەرىن جۇمىستان بوساتىپ جانە ونىڭ باق-ى ارقىلى قازاق حالقىنان، «قازپوشتا» قىزمەتىن قولداناتىن بارشا ازاماتتاردان كەشىرىم سۇراۋىن تالاپ ەتەدى!
ال، باس پروكۋرور اسحات داۋىلباەۆ مىرزادان مەملەكەتتى، مەملەكەتتىك ءتىلدى جانە قازاق حالقىن قورلاپ، ۇلتارازدىعىن تۋدىرعان «قازپوشتا» وكىلىن زاڭ الدىندا جاۋاپقا تارتۋدى سۇرايمىز!
Abai.kz
