2023 جىلى قازاقستان ارمياسىنا 37 مىڭنان استام ادامدى شاقىرۋ تۋرالى شەشىم قابىلداندى. 

"وبلىستاردىڭ، استانا، الماتى جانە شىمكەنت قالالارىنىڭ اكىمدەرى زاڭنامادا بەلگىلەنگەن تارتىپپەن: 1) 2023 جىلعى ناۋرىز-ماۋسىم جانە قىركۇيەك-جەلتوقسان ايلارىندا اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ون سەگىز بەن جيىرما جەتى جاس ارالىعىنداعى 37 056 ەر ازاماتتى اسكەرگە شاقىرۋ كوميسسيالارىنىڭ جۇمىسىن ۇيىمداستىرسىن; 2) قازاقستان رەسپۋبليكاسىنىڭ زاڭناماسىنا سايكەس مەديتسينالىق پۋنكتتەرمەن قامتاماسىز ەتسىن", - دەلىنگەن ۇكىمەت قاۋلىسىندا.

ەستەرىڭىزگە سالا كەتەيىك، قازاقستان پرەزيدەنتى قاسىم-جومارت توقاەۆ 3 اقپاندا اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ كەزەكتى اسكەرگە شاقىرۋ تۋرالى جارلىققا قول قويعان بولاتىن.

قازاقستان بيلىگىنىڭ 2023 جىلى 37 مىڭنان استام ادامدى اسكەرگە شاقىرۋ جوسپارى تۋرالى 2022 جىلعى 4 جەلتوقساندا حابارلاندى.

2022 جىلى كوكتەمگى ناۋقاندا 17 مىڭعا جۋىق ازامات اسكەرگە شاقىرىلسا، كۇزدە ولاردىڭ سانى 18 مىڭدى قۇرادى.

Abai.kz