تاريحشى زاردىحان قيناياتۇلىمەن كونفەرەنتسيا اياقتالدى. وقىرمان تاراپىنان جولداعان ساۋالداردىڭ سوڭعى لەگىنە جاۋاپ بەرگەن تاريحشى: «بولاشاق پرەزيدەنت كىم بولادى دەگەندە قازىرگى كەزدە نازارباەۆتىڭ ماڭىنداعى بىرنەشە ادامدى عانا ايتىپ ءجۇر عوي. مەن ايتار ەدىم، تەك قانا جاقيانوۆ ەمەس، پرەزيدەنت بولۋعا لايىقتى جۇزدەگەن قازاق ازاماتتارى بار. ءبىلىمدى، ءومىر كورگەن مىقتى قازاقتار وتە كوپ. كەيبىرەۋىنىڭ اتى شىقپاعان، ەندى ءبىرى ساياساتتان الىس ءجۇر» دەگەن پىكىر ايتادى.

-  نايمان شەجىرەسى اقسوپىدان باستالادى، ارعىننىڭ قانجىعالىسى مەن توبىقتىسى دا اقسوپىدان باستالعان. ەكى اقسوپىدا بايلانىس بار ما، جوق الدە اتتاستار ما؟ سوسىن تولەگەتاي تەلە-قىتاي دەگەن ەكى تايپا ەمەس پە ەكەن؟

- تولەگەتاي دەگەن بەلگىلى ادام. نايماننىڭ ۇلكەن ءبىر سالاسىنىڭ اتاسى. ول كىسى جاڭاقورعان جاقتا قايتىس بولىپ، ۇزكەنتتە جەرلەنگەن. تولەگەتايدىڭ ءۇرىم-بۇتاعى -    قازاقستان كولەمىندە كەڭ تاراعان ۇرپاق. نايماننىڭ ءتورت ۇلكەن رۋى سول تولەگەتايدان تاراعان. بۇل كىسىنىڭ ەسىمىن ەكى ءتۇرلى جازادى: تولەگەتاي دەپ قوسىپ تا جازادى، ال قوجابەرگەن جىراۋدىڭ جىرىندا تولە اتاي دەپ جازادى. بىراق، ەكەۋى ءبىر ادام.

ال، ەكى اقسوپىنىڭ بايلانىسى جوق بولۋى كەرەك. بالكىم اتتاس ادامدار شىعار.

- شىڭعىستاۋ، ساليقا-سامەن، قوزى مەن بايان جايلى ايتىڭىزشى؟

تاريحشى زاردىحان قيناياتۇلىمەن كونفەرەنتسيا اياقتالدى. وقىرمان تاراپىنان جولداعان ساۋالداردىڭ سوڭعى لەگىنە جاۋاپ بەرگەن تاريحشى: «بولاشاق پرەزيدەنت كىم بولادى دەگەندە قازىرگى كەزدە نازارباەۆتىڭ ماڭىنداعى بىرنەشە ادامدى عانا ايتىپ ءجۇر عوي. مەن ايتار ەدىم، تەك قانا جاقيانوۆ ەمەس، پرەزيدەنت بولۋعا لايىقتى جۇزدەگەن قازاق ازاماتتارى بار. ءبىلىمدى، ءومىر كورگەن مىقتى قازاقتار وتە كوپ. كەيبىرەۋىنىڭ اتى شىقپاعان، ەندى ءبىرى ساياساتتان الىس ءجۇر» دەگەن پىكىر ايتادى.

-  نايمان شەجىرەسى اقسوپىدان باستالادى، ارعىننىڭ قانجىعالىسى مەن توبىقتىسى دا اقسوپىدان باستالعان. ەكى اقسوپىدا بايلانىس بار ما، جوق الدە اتتاستار ما؟ سوسىن تولەگەتاي تەلە-قىتاي دەگەن ەكى تايپا ەمەس پە ەكەن؟

- تولەگەتاي دەگەن بەلگىلى ادام. نايماننىڭ ۇلكەن ءبىر سالاسىنىڭ اتاسى. ول كىسى جاڭاقورعان جاقتا قايتىس بولىپ، ۇزكەنتتە جەرلەنگەن. تولەگەتايدىڭ ءۇرىم-بۇتاعى -    قازاقستان كولەمىندە كەڭ تاراعان ۇرپاق. نايماننىڭ ءتورت ۇلكەن رۋى سول تولەگەتايدان تاراعان. بۇل كىسىنىڭ ەسىمىن ەكى ءتۇرلى جازادى: تولەگەتاي دەپ قوسىپ تا جازادى، ال قوجابەرگەن جىراۋدىڭ جىرىندا تولە اتاي دەپ جازادى. بىراق، ەكەۋى ءبىر ادام.

ال، ەكى اقسوپىنىڭ بايلانىسى جوق بولۋى كەرەك. بالكىم اتتاس ادامدار شىعار.

- شىڭعىستاۋ، ساليقا-سامەن، قوزى مەن بايان جايلى ايتىڭىزشى؟

- قوزى مەن بايان تۋرالى حالىق كوپ بىلەدى عوي. 1500 جىلدىعى دا اتالىپ ءوتتى، عىلىمي كونفەرەنتسيا دا بولدى. ونىڭ ۇستىنە قوزى-بايان تۋرالى جازىلعان كىتاپتار دا كوپ. ونىڭ ءبارىن مەن بۇگىن ايتىپ وتىرا الماسپىن.

- وزبەك حالقى سوڭعى 20 جىلدا 10 ملن.- عا وسكەن،ال قازاقتار سول قالپى. نەگە دەپ ويلايسىز؟

- بىرىنشىدەن، وزبەكتەردىڭ ءوسىمىنىڭ كوپ بولۋى ولاردا تۋ كوپ. ال، ءبىزدىڭ ەلدەگى جالپى حالىقتىڭ سانى از بولۋىنىڭ ءبىر سەبەبى، شەتەلدەن قازاقتار كوشىپ كەلگەنىمەن، قازاقستاندا تۇرعان وزگە ۇلتتاردىڭ كوبى وزدەرىنىڭ تاريحي وتاندارىنا كەتۋىندە شىعار. ايتپەسە، تۋ، ءوسۋ جاعىنان قازاقستان وزبەكستاننان كەم تۇسپەيدى. بىراق وزبەكتىڭ ارعى نارقى كوپ قوي. ولار وسىدان 20 جىل بۇرىن 23-24 ملن. بولعان. 9 ملن. مەن 23-24 ملن-نىڭ ءوسىمىن سالىستىرۋعا كەلمەيدى.

- وتانىم دەپ ورعىپ كەلگەن ءور قازاقتىڭ بۇگىنگى ۇرپاعى ەڭكىش تارتقان مىنەزسىز كونبىس قازاقتىڭ قاتارىن تولتىرۋدا! وكىنىشتى، اعا! قازاقى قالپىن تازا ساقتاعان ءبىر قاۋىم جۇرت مۇڭعىلدا ەدى، ول دا قۇريتىن سياقتى! سوعان قاراعاندا بۇل كوش ۇلى كوش ەمەس، ۇلىعان كوش بولعان سياقتى! وسىعان وكىنبەيسىز بە؟

- جوق، مەن كوشكە وكىنبەيمىن. جانە بۇل جەرگە كەلىپ، قاڭعىرىپ قالدى دەگەنگە دە كەلىسپەيمىن. وتكەندە وتانعا كەلگەن قازاقتار تۋرالى كىتاپ شىعاردىق. سول كىتاپقا كىرگەن بەلگىلى دەگەن 128 ادامنىڭ ەڭ كوبى مۇڭعۇليادان كەلگەندەر. ءوز باسىم، وتانىنا كەلىپ قاڭعىپ قالعان قازاقتى كورگەن جوقپىن.

سۇراق جازعان ءبىر ادامنىڭ وكىنىشى بولۋى مۇمكىن. ادام بالاسى بولعان سوڭ، نە كەزدەسپەيدى دەيسىڭ. ارينە، وكىنىشىنە دە قۇرمەتپەن قاراۋ كەرەك.

- ءيا، قازىر دە كەش ەمەس، قۇدايعا شۇكىر ول جاقتا دا حالقىن قاناتتىعا قاقتىرماي، تۇمسىقتىعا شوقتىرمايتىن اپتال ازاماتتار ءوسىپ كەلەدى. ال قازاقستانعا ورالار بولساق، ءسىز مەنىڭ: وسىندا ءسىز باستاپ كوشىپ كەلگەن اعايىننىڭ جاعدايى قانداي؟-دەگەن سۇراعىما جاۋابىڭىزدى تەك ءوز دەڭگەيىڭىزدە عانا بەرەتىنىڭىزدى ءبىلىپ وتىرمىن. ءبارى كەرەمەت، ءۇيلى-باراندى، 100% جاقسى ت.ت. بىراق، وسىندا ءومىر ءسۇرۋ ءۇشىن جانتالاسىپ، موڭعوليادان، قىتايدان كوشىپ كەلگەندىكتەرىن بىلدىرمەس ءۇشىن تەك قانا ورىسشا سويلەپ، وسىنداعى ماڭگۇرت قوعامنان بەتەر ازعىندالىپ، ءدۇبارالانىپ بارا جاتقان كەيىنگى ۇرپاقتىڭ وبالى سىزدەردىڭ مويىندارىڭىزدا! سوزىمە سەنبەسەڭىز نەمەرەلەرىڭىزگە ءبىر قاراپ وي تۇيگەنىڭىز ءجون بولار.

- بۇل ساۋالعا دا جاۋاپ ايتايىق. جالپى، مۇڭعۇلياداعى قازاقتىڭ كوشىن مەن باستاعان جوقپىن. كوشتى باستاعان ءۇش ازامات بار: اياتحان، ساعات زاقانقىزى، بوتاگوز ۋاتقان. وسى ءۇش ادامنىڭ مۇرىندىق بولۋىمەن كوش باستالدى عوي. مەن ولارعا يدەيا ايتقانىم بولماسا، كوشتىڭ بۇيداسىن ۇستاپ، ءبىرىنشى باستاعان ادام مەن ەمەسپىن.

ال، وتانىنا كەلگەن قازاق ماڭگۇرتتەنىپ بارا جاتىر دەگەنگە ءوز باسىم كەلىسە المايمىن.

- ءبىزدىڭ ۇلتتىڭ بۇگىنى مەن بولاشاعىنا اششى شىندىقپەن كوز سالاتىن ۋاقىت جەتكەن جوق پا؟ مۇنى نەسىنە جاسىرامىز،ءبىز كۇندەلىكتى ومىرىمىزدە بىرتە-بىرتە ۇلتتىق قادىر-قاسيەتىمىزدى جوعالتىپ بارا جاتىرمىز.

- جوعالتىپ بارا جاتقان جوقپىز عوي ەندى. قانشاما مادەني مۇرا قايتا جاڭعىرىپ، قانشاما ادەبي، تاريحي كىتاپتار جارىق كورىپ جاتىر. بىلەمىن دەگەن ادامعا از دۇنيە ەمەس.

مەن ەڭ العاش رەت1981 جىلى الماتىعا كەلگەن ەدىم. ەكى كۇن بولدىم. سول كەزدە تەلەديداردى اشىپ قالىپ، ەكراننان قازاقتىڭ ءسوزىن ەستيمىن دەپ ەستي الماي كەتكەن ەدىم. كوشەگە شىققاندا وزگە ۇلتتىڭ ادامدارىن عانا كەزدەستىردىم. اندا-ساندا عانا ءبىر قازاق كورۋگە بولاتىن ەدى. سول كەزبەن سالىستىرعاندا تاۋەلسىزدىكتىڭ ارقاسىندا قازاق دەگەن قازىر جەر الىپ بارادى عوي. ارينە، كەيبىر تۇستاردا قازاقتىڭ قيىنشىلىق كورىپ قالاتىن تۇستارى بار، ونى جوققا شىعارمايمىن. ماسەلەن، قازاق پەن باسقا ۇلت داۋلاسىپ قالسا، قازاقتى جىعىپ بەرۋ سەكىلدى قۇلدىق سانا، قالىپتاسىپ قالعان جاعدايلار بار. وسىنداي جايتتار كەيدە ادامداردى قينايتىن بولۋى كەرەك. ايتپەسە، قازاقى تۇرمىس، قازاقى سالت كۇننەن-كۇنگە كۇشەيىپ كەلەدى.

- التاي قازاقتارىنىڭ تاريحىن ءبولىپ-جارماي، تۇتاستاي كەشەندى زەرتتەۋ كەرەك دەپ ويلايمىن. ءسىزدىڭ پىكىرىڭىزدى بىلگىم كەلەدى. التايعا قازاقتار XVIII عاسىردا جوڭعارلاردان كەيىن كەلدى دەگەنگە كەلىسپەيمىن. التايدى مەكەندەيتىن باسقا دا تۇرىك حالىقتارىمەن ەتنوگەنەتيكالىق بايلانىستارىن دالەلدەۋ ارقىلى قازاقتاردىڭ التايدا ەرتەدەن مەكەندەپ كەلە جاتقانىن دالەلدەۋگە بولادى دەپ ويلايمىن. التايدى تەل ەمگەن ءتورت مەملەكەتتىڭ دە اۋماعىندا ءومىر سۇرەتىن بىردەن-ءبىر حالىق قازاقتار. بۇل تەگىن ەمەس.

-  ءجۇز پايىز كەلىسەمىن. ءبىزدىڭ كوك تۇرىكتەر 5-6 عاسىردان باستاپ التايدى مەكەن ەتكەن عوي. سول ءۇشىن سۇراق بەرۋشى ازامات ايتىپ وتىرعانداي زەرتتەلۋى كەرەك.

- سىزدەن كاسىبي تاريحشى رەتىندە مىناداي ەكى سوزگە تاريحي تۇرعىدان تۇسىنىك بەرۋدى وتىنەر ەدىم. 1. مىقاشى، 2. قازاق ورىن.بۇل سوزدەر موڭعوليا قازاقتارى اراسىندا ايتىلادى.

- «مىقاشى» دەگەن ءسوزدى ەستىمەگەن ەكەنمىن. ال، «قازاق ورىن» دەگەن ءسوز بار. 1947-50-ءنشى جىلدارى قازاقتار التايدان كوشتى عوي. سول كەزدە قازاقتاردان «قايدا باراسىڭدار؟» دەپ سۇراعاندا «قازاق ورىنعا بارامىز» دەيدى ەكەن. ونىسى - سول كەزەڭدەگى اۋعانستان، كاشمير سياقتى مۇسىلماندار تۇراتىن ەلدى «قازاق ورىن» دەپ اتاعان ەكەن. سول ءسوز بەرتىنگە دەيىن كەلدى. بۇل ءسوزدىڭ قازاقستانعا قاتىسى جوق.

- ءCىز عالىمجان جاقيانوۆتىڭ پرەزيدەنت بولۋىنا قالاي قارايسىز؟ ەلدەگى ساياساتكەرلەردەن بولاشاق پرەزيدەنتكە كىم لايىقتى؟ "نۇر وتان" پارتياسىنا مۇشەلىككە وتەسىز بە؟

- مەن ەشقانداي پارتيانىڭ مۇشەلىگىنە وتپەيمىن. بولاشاق پرەزيدەنت كىم بولادى دەگەنگە قازىرگى كەزدە نازارباەۆتىڭ ماڭىنداعى بىرنەشە ادامدى عانا ايتىپ ءجۇر عوي. مەن ايتار ەدىم، تەك قانا جاقيانوۆ ەمەس، پرەزيدەن بولۋعا لايىقتى جۇزدەگەن قازاق ازاماتتارى بار. ءبىلىمدى، ءومىر كورگەن مىقتى قازاقتار وتە كوپ. كەيبىرەۋىنىڭ اتى شىقپاعان، ەندى ءبىرى ساياساتتان الىس ءجۇر.

- قۇرمەتتى زاردىقان اعا! ءسىزدىڭ قازاقستاندا جارىققا شىققان كىتاپتارىڭىزدى وقىپ تانىستىم. قازاق ءتىلىنىڭ زاڭدىلىقتارىن، گرامماتيكاسىن بىلمەيدى ەكەنسىز، ابدەن ءبۇلدىرىپسىز. قولجازباڭىزدى جەرگىلىكتى قازاقتارعا كورسەتىپ، وڭدەتىپ المايسىز با؟ سوزدەرىڭىز قابىسپايدى، ۇزىن شۇباتىلعان سويلەمدەرىڭىز تۇسىنىكسىز ءارى تياناقتى وي بىلدىرمەيدى. راسىندا، جوعارىدا بىرەۋ جازعانداي وزدەرىڭىز تىلدىك ساۋاتتارىڭىز تومەن بولا تۇرا تىم جازعىش ەكەنسىزدەر. الدىمەن قازاق ءتىلىنىڭ جازۋ ەرەجەلەرىن وقىپ، ادەبي تىلگە بەيىمدەلسەڭىزدەر ەكەن. جەرگىلىكتى ءارى تىم دۇبارالانعان مونعول سوزدەرىن قولداناسىزدار، ولاي بولمايدى. زيالى ادامسىز، سىنىمدى قابىلدايسىز با؟

سالەممەن، قارلىعاش

- گرامماتيكالىق قاتەلەر بولۋى مۇمكىن. مەكتەپ تابالدىرىعىن اتتاعاننان باستاپ، ۋنيۆەرسيتەت ءبىتىرىپ، قىزمەت ىستەگەن ءومىرىمنىڭ ەلۋدەن استام جىلى مۇڭعۇليادا ءوتتى. قازاق مەكتەبىندە وقىمادىم. ال، كىتاپتارىمدى مەن ەمەس، رەداكتورلار وقيدى.

ءدۇبارا سوزدەر دەپ وتىرعانى مىنا ماسەلە بولسا كەرەك: بىزدە مۇڭعۇلدىڭ تاريحي اتاۋلارىن وزگەرتىپ جىبەرگەن. سول سياقتى شىڭعىس حاننىڭ بالالارىنىڭ اتى دا وزگەرىپ كەتكەن. وسىنداي تۇپنۇسقاداعى سوزدەر ءدۇبارا سەكىلدى كورىنۋى ىقتيمال. مەن ءوز كىتاپتارىمدا مۇڭعۇلدىڭ تاريحي اتاۋلارىن مۇڭعۇلشا اتالۋى بويىنشا قولدانامىن.

ال، كىتاپتىڭ تىلىنە بايلانىستى ايتقاندارىنا كەلىسە المايمىن. ويتكەنى، قولجازبا تەرىم جاسالىپ باسپادان شىققان ونى باسپا ۇيىندە بىرنەشە رەداكتور ابدەن سۇزگىدەن وتكىزىپ وتىرىپ وقىپ شىعادى. دەسە دە، ءىشىنارا كەيبىر سوزدەر قاتە جازىلىپ كەتۋى مۇمكىن. مۇنى بولاشاقتا ەسكەرەمىن. مەنىڭ كىتاپتارىمنىڭ ءبارى كەرەمەت دەۋدەن اۋلاقپىن.

- رەسەي پاتشالىعى ابىلاي حانعا سۇلتان كەزىنەن اي سايىن 500 رۋبلدەن تولەپ تۇرىپتى. نە ءۇشىن؟ نە قىزمەتى ءۇشىن؟ ابىلاي كوز جۇمعانشا ورىس بيلىگىن مويىنداماعان دەپ ءتۇسىنىپ كەلگەن ەدىم. بۇل ءبىرىنشى. ەكىنشى، مۇراعات جيناۋشىلار (قوس پروفەسسور زارقىن تايشىباي جانە بولاتبەك ناسەنوۆ) «قازاقتا ءجۇز دەگەن ءسوز جوق وردا بار» دەيدى. مىسالى، ۇلكەن وردا، ورتا وردا، كىشى وردا. مەنىڭ تۇسىنىگىمدە وردا دەگەن ءسوز - ساراي. باتىي حاننىڭ التىن ورداسى، نازارباەۆتىڭ اق ورداسى. قازىرگى تىلمەن ايتقاندا ەكەۋى دە وفيس. وردا دەگەندى جەكە حانداردىڭ ورداسى دەپ تۇسىنەم. ءجۇز دەگەندى حالىق دەپ تۇسىنەم. ءسىزدىڭ تۇسىنىگىڭىزشە قالاي؟ ورىستار ء"جۇز" دەگەن سوزگە ءتىلى كەلمەي ء"ۇ" دەگەن ارىپتەن قاشىپ وردا دەگەن بولار. اتا تەكتى ءبىلۋ ءۇشىن جۇزدەن قاشۋدىڭ قاجەتى جوق. عابيت مۇسىرەپوۆتىڭ ءوزى تۇركىمەن بولعان سوڭ "جۇزگە بولىنگەننىڭ ءجۇزى كۇيسىن" دەگەن شىعار. وعان وكپە جوق.

سالمىرزا سارسەكۇلى.

- بىرىنشىدەن، ورىس پاتشاسى ابىلاي حانعا اقشا تولەپ تۇرىپتى دەگەن رەسمي دەرەك جوق.

ال، ساۋال بەرۋىشىنىڭ ەكىنشى ايتىپ وتىرعان ماسەلەسى راس. 1743 جىلى ابىلاي حان، ابىلمامبەت حان، قابانباي باتىر باستاعان جيىنى 80-90 ادام ورىستارعا بارىپ، ورىستارمەن ارادا كەلىسىم جاساسقان. بىراق، بۇل كەلىسىم - ورىسقا باعىنامىز دەگەن كەلىسىم ەمەس. ول - دوستىق كەلىسىم.

بىراق، بارتولد پەن لەۆشيننىڭ جازىپ قالدىرعان ەڭبەكتەرىندە: «ابىلاي حان مەملەكەت پەن قازاقتىڭ مۇددەسى تۇرعىسىنان عانا ورىسپەن كەلىسىمگە بارىپ وتىرعان» دەپ جازىلعان. ايتپەسە، ابىلاي ورىسقا باعىنىپ، بەرىلىپ كەتكەن ادام ەمەس.

ەندى ءجۇز بەن وردا سوزىنە قاتىستى ساۋالعا كەلسەك. بولاتبەك ناسەنوۆ دەگەن كىسى «ءجۇز بەن وردا» ماسەلەسىن قوزعاپ، پرەزيدەنت اپپاراتىنا حات جازعان ەكەن. وسىدان ءبىر-ەكى اي بۇرىن ءبىزدىڭ ينستيتۋتقا پرەزيدەنت اپپاراتىنان وسى حاتقا جاۋاپ بەرىڭىزدەر دەگەن حات كەلدى. ءبىز جاۋاپ بەردىك.

بۇل كىسى ءجۇز دەگەن ءسوزدى قازاق جانە باسقا دەرەككوزدەرىنەن وقىماعان. ءجۇز دەگەن ءسوز ءبىزدى قويىپ، پارسى تىلىندە دە بار. ال، ورىستا ءجۇز دەگەن جوق. قازاقتىڭ ءجۇز دەگەن ءسوزى «يۋز» ياعني، باعىتتى كورسەتەدى. قازاقتىڭ جۇزدىگى ەجەلدەن، ءۇيسىن داۋىرىنەن كەلە جاتقان ۇعىم. ءجۇز - كوشپەندىلەردىڭ مەملەكەت باسقارۋ جۇيەسى. ال، حات جازعان ادام تەك قانا ورىستىڭ دەرەگىن پايدالانىپ وتىر.

- زادىرحان اعا! قازاقتا "شاكىرتسىز ۇستاز تۇل" دەگەن ءسوز بار. ءسىزدىڭ عىلىمي جەتەكشىلىگىڭىزبەن كانديداتتىق قورعاماق بولىپ بارعان جەرلەستەرىڭىز - اسپيرانتتاردى (قوبدا ايماعىندا تۋعان ا.س.) ءسىز ماڭايىڭىزعا جولاتپاي قويىپسىز. مۇنىڭىز قالاي؟ "وزىمنەن كەيىن موڭعوليالىق قازاقتىڭ ەشبىرى تانىلماسىن، تاريحشى بولماسىن" دەگەن پەندەشىلىك پە؟

- قوبدادانمىن دەپ ءبىر جىگىت كەلگەنى ەسىمدە. ول كەزدە مەن جۇمىسقا جاڭا ورنالاسىپ جاتقان شاعىم ەدى. ول جىگىتكە: «قاراعىم، مەن سەنى قاراماعىما العانمەنەن، سەنى سۇيرەي الماي قالسام، ءسويتىپ سەن  قورعاي الماي قالساڭ، وبال بولادى. سوندىقتان مەنەن باسقا، بۇرىننان جۇمىس ىستەپ كەلە جاتقان ادامداردىڭ بىرىنە بار» دەپ جىبەرگەنمىن.

ودان كەيىندە باسقادا ادامدار كەلدى. ءبارىنىڭ عىلىمي ەڭبەكتەرىن وقىپ، پىكىرىمدى جازىپ، جەتەكشى تابۋلارىنا كومەكتەستىم. شاكىرتىم بار. قازىر اباي اتىنداعى ۋنيۆەرسيتەتتە وقىتۋشى.

رەداكتسيادان: Abai.kz اقپاراتتىق پورتالىنىڭ ۇجىمى ينتەرنەت-كونفەرەنتسياعا بەلسەنە قاتىسىپ ساۋال جولداعان وقىرمان قاۋىم مەن كونفەرەنتسيا قوناعى بولعان پروفەسسور زاردىحان قيناياتۇلىنا ەمەن-جارقىن اشىق اڭگىمەسى ءۇشىن العىس ايتادى.

(سوڭى)

Abai.kz