ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ وسىلاي دەپ مالىمدەدى.

«جۋرناليستەرگە جاسالعان شابۋىلداردىڭ بارلىق فاكتىلەرى بويىنشا وسى ارەكەتتەردى جۇزەگە اسىرعان تۇلعالار انىقتالدى، ۇستالدى، قازىر تەرگەۋ جۇرگىزىلۋدە. قىلمىس سەبەپتەرى، ونىڭ ارتىندا كىم تۇرۋى مۇمكىن دەگەن سۇراقتار تەرگەۋ بارىسىندا انىقتالادى. قازىر تاپسىرىس بەرۋشىلەر، مۇددەلى بولعان ادامدار تۋرالى ايتۋعا ءالى ەرتە»،-دەدى ول.

ەستەرىڭىزگە سالا كەتەيىك، 21 اقپاندا ىشكى ىستەر مينيسترلىگى جۋرناليستەرگە جاسالعان شابۋىلدار فاكتىلەرى بويىنشا 18 ادام ۇستالدى جانە بارلىق قىلمىستار اشىلدى دەگەن اقپارات تاراتتى. كەلەسى كۇنى، 22 اقپاندا، جۋرناليست دانيار مولدابەكوۆكە شابۋىل جاسالدى.

ەلىمىزدە جۋرناليستەرگە قاستاندىق ارەكەتتەرى: قورقىتۋ، مۇلكىن ورتەۋ تاعى باسقا دا قىلمىستار 2022 جىلدىڭ قىركۇيەگىنەن باستاپ جالعاسىپ كەلەدى.

Abai.kz