ەنەرگەتيكا ءمينيسترى الماسادام ساتقاليەۆتىڭ قىزى تۋرالى الەۋمەتتىك جەلىلەردە پايدا بولعان ۆيدەوروليككە مينيسترلىك تۇسىنىك بەردى.

«الەۋمەتتىك جەلىلەردە تاراعان جالعان اقپاراتقا قاتىستى ءبىزدىڭ جاۋابىمىز مىناداي: ەنەرگەتيكا ءمينيسترىنىڭ قىزى بەينەجازباداعى سىنىپتاسىمەن جەكە قارىم-قاتىناستا ەمەس. الماسادام ساتقاليەۆتىڭ تۇڭعىش پرەزيدەنتپەن ەشقانداي تۋىستىق بايلانىسى جوق، بۇرىن بولماعان»، - دەلىنگەن مالىمدەمەدە.

ۆەدومستۆو زاڭناماعا سايكەس كورىنەۋ جالعان مالىمەتتەردى تاراتۋعا قىلمىستىق جازا قاراستىرىلعانىن اتاپ ءوتتى.

ايتا كەتەيىك، بۇگىن ەنەرگەتيكا ءمينيسترى الماسادام ساتقاليەۆتىڭ قىزى مەن ەكس-پرەزيدەنت نۇرسۇلتان نازارباەۆتىڭ 17 جاستاعى «ۇلى» دەلىنەتىن تاۋماننىڭ ۇيلەنەتىنى تۋرالى بەينەجازبا تاراعان. «تاۋمان نۇرسۇلتانۇلى – نۇرسۇلتان نازارباەۆ پەن ونىڭ رەسمي ەمەس ءۇشىنشى ايەلى اسەل يساباەۆانىڭ پەرزەنتى»، - دەپ كورسەتىلگەن اقپاراتتا.

الماسادام ساتقاليەۆ 4 ساۋىردە ەنەرگەتيكا ءمينيسترى بولىپ تاعايىندالعان. بۇعان دەيىن ول «سامۇرىق-قازىنانى» باسقارعان. ونىڭ 5 بالاسى بار.

Abai.kz