پاۆلوداردا سايلاۋالدى ۇگىت-ناسيحات ناۋقانى اياسىندا «ادىلەت» پارتياسىنىڭ برەندىمەن كوركەمدەلگەن 5 ترامۆاي قاتىناي باستادى. پارتيانىڭ وبلىستىق فيليال توراعاسى اسىلبەك تۋعانبايدىڭ سوزىنشە، ترامۆاي - شاھاردىڭ باستى بەلگىلەرىنىڭ ءبىرى. سوندىقتان تۇرعىندارمەن تىكەلەي بايلانىس ورناتۋ ءۇشىن ءدال وسى قوعامدىق كولىك فورماتى تاڭدالعان.

سۋرەت: «ادىلەت» پارتياسى»نان الىندى.

ارنايى ستيلدە كوركەمدەلگەن 5 ۆاگون قالانىڭ ەڭ شالعاي اۋداندارىنا دەيىن قاتىنايدى. جولاۋشىلار جول-جونەكەي پارتيانىڭ «ادىلەتتى بولاشاق ءۇشىن» باعدارلاماسىمەن تانىسىپ قانا قويماي، كانديداتتارعا كوكەيدە جۇرگەن سۇراقتارىن قويىپ، ۇسىنىستارىن تىكەلەي جەتكىزە الادى.

پاۆلودار ترامۆاي باسقارماسىنىڭ ديرەكتورى مۋسليم ماحمۋدوۆتىڭ ايتۋىنشا، بۇل ترامۆايلار كۇن سايىن 5 ءتۇرلى باعدار بويىنشا ءجۇرىپ، 5 مىڭعا جۋىق جولاۋشىعا قىزمەت كورسەتەدى. سونداي-اق، كاسىپورىن ۇجىمىنىڭ 95 پايىزى، اتاپ ايتقاندا، 500-گە جۋىق قىزمەتكەرى «ادىلەت» پارتياسىنىڭ باستاۋىش ۇيىمىنا مۇشە.

سۋرەت: «ادىلەت» پارتياسى»نان الىندى.

پارتيا لوگوتيپى سالىنعان ترامۆايدىڭ العاشقى جولاۋشىلارىنىڭ ءبىرى ءوز اسەرىن ءبولىستى.

«جاڭارعان ترامۆايدى كورىپ، بىردەن قۋانىپ كەتتىم، سىرت كەلبەتى قاتتى وزگەرىپتى. ىشىنە كىرسەم، پارتيا وكىلدەرى ءجۇر. باعدارلامالارىن ءتۇسىندىرىپ، سۇراقتارىمىزعا اشىق جاۋاپ بەردى. كۇتپەگەن جەردەن وتە جاعىمدى ءارى جىلى كەزدەسۋ بولدى»، - دەيدى ول.

سۋرەت: «ادىلەت» پارتياسى»نان الىندى.

وبلىستىق سايلاۋالدى شتاب جەتەكشىسى يليا تەرەنچەنكونىڭ ايتۋىنشا، جوبانىڭ ءىرى ناۋقاننىڭ شاعىن ءبىر بولشەگى. قازىرگى تاڭدا تۇرعىندارمەن جۇزدەسۋلەر پاۆلودار، اقسۋ، ەكىباستۇز قالالارى مەن بارلىق اۋدان ورتالىقتارىندا بەلسەندى تۇردە ءجۇرىپ جاتىر.

سۋرەت: «ادىلەت» پارتياسى»نان الىندى.

جوبانىڭ رەسمي تانىستىرىلىمىنا سايلاۋالدى شتاب وكىلدەرى، قۇرىلتاي دەپۋتاتتىعىنا كانديداتتار، جاستار قاناتىنىڭ بەلسەندىلەرى مەن د.د. ماحمۋدوۆ اتىنداعى ترامۆاي باسقارماسىنىڭ باسشىلىعى قاتىستى.

دايىنداعان:

«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.

تاپسىرىس بەرۋشى: ن.ت. مىڭجاساروۆ.

Abai.kz