پرەزيدەنت قاسىم-جومارت توقاەۆ بۇگىنگى ۇكىمەتتىڭ كەڭەيتىلگەن وتىرىسىندا ۇلتتىق قوردان ەندى اقشا الىنباۋى كەرەك ەكەنىن ايتتى.

«ۇلتتىق قورعا جارماسا بەرۋدى دوعارۋ قاجەت. مەن بۇل تۋرالى وسىعان دەيىن دە تالاي رەت ايتتىم. ۇلتتىق قور – بولاشاق ۇرپاقتىڭ قاراجاتى. ءبىز ونىڭ رەسۋرستارىن تەك قاجەت جاعدايدا، داعدارىس كەزەڭىندە پايدالانۋىمىز كەرەك.

مەملەكەتتىك-جەكەشەلىك ارىپتەستىك جانە جان باسىنا شاققانداعى قارجىلاندىرۋ ينستيتۋتىن، اسىرەسە الەۋمەتتىك ينفراقۇرىلىمعا ينۆەستيتسيا تارتۋ ءۇشىن تولىق كولەمدە پايدالانۋ قاجەت»، - دەدى توقاەۆ.

مەملەكەت باسشىسى بىلتىر جەلتوقساندا مەملەكەتتىك-جەكەمەنشىك ارىپتەستىكتىڭ ء(مجا) جاڭا مودەلىن ەنگىزۋگە باعىتتالعان زاڭنامالىق تۇزەتۋلەرگە قول قويعانىن اتاپ ءوتتى.

«جەكە ارىپتەستەردى ىرىكتەۋ راسىمدەرىنىڭ اشىقتىعىن قامتاماسىز ەتۋ ءۇشىن شارالار قابىلداندى، كۆازيمەملەكەتتىك كاسىپورىنداردىڭ قاتىسۋى شەكتەلدى. وسىلايشا، بيزنەستى مەملەكەتتىك جوبالاردى ىسكە اسىرۋعا تارتۋ ءۇشىن جاعدايلار جاسالدى. بۇل قۇرال جاڭا ۇلتتىق جوبالاردى ىسكە اسىرۋ كەزىندە بارىنشا پايدالانىلۋعا ءتيىس. ۇكىمەتكە الەۋمەتتىك سالادا ءمجا كەشەندى باعدارلاماسىن دايىنداۋدى تاپسىرامىن»، - دەدى قاسىم-جومارت توقاەۆ.

Abai.kz