بۇل تۋرالى ماڭعىستاۋ وبلىستىق ەكولوگيا دەپارتامەنتى جازدى.

«تۇپقاراعان اۋدانى اتاش ەلدىمەكەنى اۋماعىندا «باتىس مۇناي ترانس» جشس جانىندا تۇرعان «كانتا» كەمەسىنەن تەڭىزگە شامامەن 300 ليتردەي ۇزىن جولاق ديزەلدىك وتىن توگىلگەندىگى انىقتالىپ، ماڭعىستاۋ وبلىستىق ەكولوگيا دەپارتامەنتىنىڭ زەرتحانالىق-تالدامالى ءبولىمىنىڭ ماماندارىمەن سۋدان سىناماسى الىندى. تۇرعىنداردىڭ ايتۋى بويىنشا، اتالمىش جاعداي «باتىس مۇناي ترانس» جشس تيەسىلى كەمەدەن ورىن العان.

ماڭعىستاۋ وبلىسىنىڭ ەكولوگيا دەپارتامەنتىنىڭ مامانى د.شالقارباەۆ، باۋتين اۋىلىنىڭ اكىمى ە.جەتكىزگەنوۆ، تۇپقاراعان اۋداندىق «ادالدىق الاڭى» فيليالىنىڭ جەتەكشىسى د. اكيمجانوۆ، تۇپقاراعان اۋداندىق ءماسليحات دەپۋتاتى ي. بوران جانە قوعامدىق كەڭەس مۇشەلەرى وقيعا ورىن العان جەرگە تاڭەرتەڭ 10:10 ۋاقىتىندا بارعان. اۋداندىق ىشكى ىستەر بولىمىنە (102) حابارلاندى»،-دەلىنگەن حابارلامادا.

قازاقستان رەسپۋبليكاسىنىڭ كاسىپكەرلىك كودەكسىنىڭ 144-4 بابىنا سايكەس تەرگەپ-تەكسەرۋ جۇمىستارى جۇرگىزىلىپ جاتىر.

Abai.kz