قازاقستان ارمياسىنىڭ جيىرما پايىزى وزگە ۇلت وكىلدەرى. بۇل تۋرالى قر قورعانىس مينيسترلىگى جاريالادى. 

ءتۇرلى سەبەپتەرمەن ءار ۋاقىتتا قازاقستانعا جۇزدەگەن مىڭ وزگە ۇلت وكىلدەرى كەلىپ قونىستانعانى تاريحتان بەلگىلى. مۇنداعى ونسىزدا مۇقتاج جۇرت ەشتەمەگە قاراماستان 30-شى جىلدارداعى قۋعىن-سۇرگىنگە ۇشىراعان جانە كۇشتەپ جەر اۋدارىلعاندارعا قالاي كومەك قولىن سوزعانى جايلى دا كوپ ايتىلادى.

سوندىقتان قازاقستاندا مادەنيەتتەر، داستۇرلەر مەن كونفەسسيالاردىڭ الۋان تۇرلىلىگىمەن ەرەكشەلەنەتىن بىرەگەي الەۋمەتتىك-دەموگرافيالىق پورترەت قالىپتاستى.

"قارۋلى كۇشتەر قاتارىندا قازاقتار مەن ورىستار، ۋكرايندار مەن تاتارلار، ۇيعىرلار مەن وزبەكتەر، نەمىستەر مەن كارىستەر، بەلارۋستار مەن قىرعىزدار، گرۋزيندەر مەن باشقۇرتتار قىزمەت ەتەدى.

قازاقستان اسكەرى – جاۋىنگەردىڭ جەكە باسىن جاۋىنگەرلىك دايارلىق دەڭگەيى، كاسىبي شەبەرلىگى، جاۋىنگەرلىك تاپسىرمانى جاۋاپتى ورىنداۋى جانە ناتيجەسى بويىنشا باعالايتىن ۇلكەن ۇيىمشىل كوماندا.

قوعامدا دا، اسكەردە دە بىرلىك پەن كەلىسىم – ءبىزدىڭ سۇيىكتى وتانىمىز – قازاقستان رەسپۋبليكاسىنىڭ اۋماقتىق تۇتاستىعى مەن ەگەمەندىگىن قورعايتىن قارۋلى كۇشتەردىڭ جاۋىنگەرلىك ازىرلىگى مەن جاۋىنگەرلىك قابىلەتىنە بايلانىستى نەگىزگى باسىمدىقتار",-دەپ جازىلعان حابارلامادا.

Abai.kz