اقتوبە وبلىسىنىڭ جاڭاجول كەن ورنىندا گاز زاۋىتىندا ءورت بولىپ، 4 ادام اۋرۋحانا جاتقىزىلدى.

«كۇيىك شالعان ءتورت ناۋقاس قازىر كەڭقياق اۋىلدىق اۋرۋحاناسىندا ەم قابىلداپ جاتىر. 32 جاستاعى م.يساەۆتىڭ دەنەسىن، 52 جاستاعى م.قۋانشاليەۆتىڭ بەتى مەن يىعىن، 56 جاستاعى ر.رىسبەكوۆتىڭ دەنەسىن، 53 جاستاعى ب.قويشەنوۆتىڭ قولىن ەكىنشى جانە ءۇشىنشى دارەجەدە كۇيىك شالعان. دارىگەرلەر ولاردى قالاعا جەتكىزۋ جايىن قاراستىرىپ جاتىر»،-دەدى اقتوبە وبلىستىق دەنساۋلىق ساقتاۋ باسقارماسىنىڭ باسشىسى رۇستەم يساەۆ.

بولعان ورتكە قاتىستى قازىر  قىلمىستىق ءىس قوزعالدى. اقتوبە وبلىسىنىڭ اكىمى ەرالى توعجانوۆ جاڭاجول كەن ورنىنا باردى. وندا جيىن وتكىزىپ، تەكسەرۋ جۇرگىزۋدى تاپسىردى.

«ءورت ءسوندىرىلدى، ونىڭ سالدارىن تەكسەرۋ كەرەك. قىلمىستىق ءىستى تەرگەۋ كەزىندە ءاربىر جۇمىسشى قىزمەتىن تەكسەرىپ، تۇجىرىم جاسالۋى ءتيىس. بولاشاقتا مۇنداي جاعداي بولماس ءۇشىن جول كارتاسى جاسالۋى كەرەك»، - دەدى ەرالى توعجانوۆ.

ءورت تاڭعى ساعات 06:20-دا تولىق ءسوندىرىلدى. قازىر سەبەپتەرى انىقتالىپ جاتىر. قىلمىستىق كودەكستىڭ «ءورت قاۋiپسiزدiگi تالاپتارىن بۇزۋ» بابى بويىنشا ءىس قوزعالدى.

Abai.kz