اقمولا وبلىسىنداعى كيروۆسكوە اۋىلىن قاراجون دەپ قايتا اتاۋ جوسپارلانىپ وتىر، دەپ جازادى informburo.kz.

بۇل تۋرالى اشىق نقا پورتالىندا جاريالانعان اقمولا وبلىسى اكىمدىگىنىڭ قاۋلىسى مەن اقمولا وبلىستىق ءماسليحاتىنىڭ شەشىمىنىڭ جوباسىنان بەلگىلى بولدى.

"اقمولا وبلىسى جاقسى اۋدانى قىزىلساي اۋىلدىق وكرۋگىنە قاراستى كيروۆسكوە اۋىلىنىڭ اتاۋى قاراجون اۋىلى بولىپ وزگەرتىلسىن. اقمولا وبلىسى اكىمدىگىنىڭ قاۋلىسى مەن اقمولا وبلىستىق ءماسليحاتىنىڭ شەشىمى ونىڭ العاشقى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ قولدانىسقا ەنگىزىلەدى", – دەلىنگەن قۇجات جوباسىندا.

اقمولا وبلىسىندا اۋىل اتاۋلارىن قازاقشالاۋ قارقىندى ءجۇرىپ جاتىر. از ۋاقىت بۇرىن ەرگولكا اۋىلدىق وكرۋگى توقتامىس، ال كارامىشەۆكا اۋىلدىق وكرۋگى شۇباراعاش دەپ قايتا اتالعان بولاتىن.

Abai.kz