مەملەكەتتىك قىزمەتتىڭ «ا» باسقارۋ كورپۋسى لاۋازىمدارىنا وتكىسى كەلەتىن ۇمىتكەرلەر مىندەتتى تۇردە قازاق تىلىنەن تەست تاپسىرادى. ولار قازتەست جۇيەسى ارقىلى جۇزدەن استام تاپسىرمالار ورىندايدى. مەملەكەتتىك قىزمەت رەفورمالارى اياسىندا مەملەكەتتىك باسقارۋ سالاسىنداعى قىزمەتكەرلەردىڭ قازاق ءتىلىن مەڭگەرۋ دەڭگەيىنە نازار سالىنۋدا.

مەملەكەتتىك قىزمەتتىڭ «ا» باسقارۋ كورپۋسى لاۋازىمدارىنا وتكىسى كەلەتىن ۇمىتكەرلەر مىندەتتى تۇردە قازاق تىلىنەن تەست تاپسىرادى. ولار قازتەست جۇيەسى ارقىلى جۇزدەن استام تاپسىرمالار ورىندايدى. مەملەكەتتىك قىزمەت رەفورمالارى اياسىندا مەملەكەتتىك باسقارۋ سالاسىنداعى قىزمەتكەرلەردىڭ قازاق ءتىلىن مەڭگەرۋ دەڭگەيىنە نازار سالىنۋدا.

«ا» كورپۋسى كادر رەزەرۆىنە وتكىسى كەلەتىن ۇمىتكەرلەردى تەستىلەۋ بىرنەشە كەزەڭدى قامتيدى. العاشقى كۇنى كانديداتتار زاڭدى ءبىلۋ جانە تۇلعالىق جانە باسقارۋشىلىق بىلىكتىلىگىك دەڭگەيىن (ەتيكالىق قاسيەتتەرى، قارىم-قاتىناس جاساي ءبىلۋى، باسەكەنى باعدار تۇتۋى، ساپانى باعدار تۇتۋى) انىقتاۋ بويىنشا كومپيۋتەرلىك تەستىلەۋدەن وتەدى. ال وسى تەست تۇرىنەن وڭ ناتيجەگە جەتكەن ۇمىتكەرلەر كەلەسى كەزەڭگە جىبەرىلەدى: ولار قيسىندى ۆەربالدى ەمەس تەست تاپسىرۋمەن قاتار مەملەكەتتىك ءتىلدى ءبىلۋ دەڭگەيى انىقتالاتىن تەستىلەۋدەن وتەدى. تەستىلەۋ استانادا مەملەكەتتىك قىزمەت ىستەر اگەنتتىگى عيماراتىندا كەستەگە سايكەس 15-27 مامىر ارالىعىندا بولادى. سىناق وتەتىن زالدار بەينە باقىلاۋ كامەرالارىمەن جابدىقتالعان، اقپاراتتىق قاۋىپسىزدىك ءۇشىن جاۋاپتى تۇلعالار انىقتالعان.

مەملەكەتتىك تىلدەن وتەتىن تەست ءۇش بولىكتەن تۇراتىنىن ايتادى قازتەست جۇيەسى، ۇلتتىق تەستىلەۋ ورتالىعى باسقارما جەتەكشىسى ايدوس ابدىحالىقوۆ. ءبىرىنشى بولىك - تىڭدالىم (تىڭداپ ءتۇسىنۋدى باعالاۋ), ەكىنشى بولىك - لەكسيكا-گرامماتيكالىق بولىك (قازاق ءتىلىنىڭ لەكسيكا-گرامماتيكالىق قۇرىلىمدارىن كۇندەلىكتى تىلدىك قاتىسىم بارىسىندا پايدالانۋ دارەجەسىن باعالاۋ), ءۇشىنشى بولىك - وقىلىم (وقىپ تۇسىنگەن ماتەريالداردى باعالاۋ). جالپى تەست 150 تاپسىرمانى قامتيدى. تەستىلەۋ قورىتىندىسى بويىنشا تالاپكەردىڭ مەملەكەتتىك ءتىلدى ءبىلۋ دەڭگەيى انىقتالادى. «ا» كورپۋسى كادر رەزەرۆىنە ءوتۋ ءۇشىن 2 مىڭعا جۋىق تالاپكەر قۇجاتتارىن تاپسىرعان بولاتىن.

«ا» كورپۋسىنا ءبىرىنشى كەزەكتە مينيسترلىكتەردىڭ جاۋاپتى حاتشىلارى مەن وبلىس اكىمدەرىنىڭ اپپارات جەتەكشىلەرى، كوميتەت توراعالارى، وبلىستىق دەڭگەيدەگى قالا جانە اۋدان اكىمدەرى سياقتى لاۋازىمدار كىرەدى. مەملەكەت باسشىسى نۇرسۇلتان نازاpباەۆ ءوزىنىڭ حالىققا جولداۋىندا كاسىپقوي باسقارۋشىلاردىڭ مۇلدەم جاڭا ساناتى - «ا» كورپۋسى  مەملەكەتتىك ساياساتتىڭ ناقتى باعىتتارىن جۇزەگە اسىرۋعا جاۋاپتى بولاتىندىعىن اتاپ كورسەتكەن. ول بۇدان بىلاي مەملەكەتتىك قىزمەتشى لاۋازىمدىق ساتىمەن كەزەڭ-كەزەڭمەن، بيلىك يەرارحياسىنىڭ ءبىر ساتىسىنان كەلەسىسىنە ءوزىنىڭ ماشىعىن جەتىلدىرە جانە كاسىبي دەڭگەيىن ارتتىرا وتىرىپ كوتەرىلەتىن بولاتىندىعىن ايتقان.

اباي-اقپارات