ونىڭ ايتۋىنشا، اكىمشىلىك ىسكە جۋرناليست قاماۋدا وتىرعان كەزدە – 6 جانە 15 مامىردا "Ne deidi" YouTube-ارناسىندا جاريالانعان ۆيدەو "نەگىز بولعان". وندا جۋرناليست “ۇيدە وتىرماڭدار، ءوز قۇقىقتارىڭدى قورعاڭدار” دەپ ايتقان.

– ءبىز سوتتى وفلاين وتكىزۋدى تالاپ ەتتىك. بىراق سوت قۇلاق اسقان جوق. دۋمانعا ەشقانداي حابار بەرىلمەگەن. شاقىرۋ بەرمەگەن. قىلمىسكەر سياقتى دۇكەن الدىنان كولىككە كۇشتەپ وتىرعىزىپ، ۇستاپ الىپ كەتكەن. بۇل زاڭسىز. سوتتى وسىنى دا ايتتىق. بىراق ەسكەرىلگەن جوق، – دەدى ادۆوكات.

"نە دەيدى؟" (ND) ارناسىنىڭ اۆتورى دۋمان مۇحامەدكارىمدى پوليتسيا جەكسەنبى كۇنى اششىبۇلاقتاعى دۇكەن الدىنان ۇستاپ اكەتكەن ەدى. ادۆوكاتتىڭ ايتۋىنشا، دۋمان مۇحاممەدكارىم ءوزىن زاڭسىز ۇستاۋعا بايلانىستى اشتىق جاريالاعان.

ناۋرىزداعى پارلامەنت سايلاۋىنان بەرى ول وسىمەن ءۇشىنشى رەت 25 تاۋلىككە قامالىپ وتىر. سوڭعى رەت 1 مامىر كۇنگى وپپوزيتسيا ميتينگىسى قارساڭىندا قامالىپ، 26 مامىردا عانا بوستاندىققا شىققان.