قازاق باردا اباي دالاسىن ءتىلسىز جاۋ جەڭە الماس! ءبىز بىرگەمىز!

سەمەيىم-سىرلى قالام، بيىك ءتورىم.
تۋىستارىم، دوستارىم، سۇيىكتى ەلىم.
ءتىلسىز جاۋدى جەڭە الماي ساعان تيگەن
شاراسىز جاتىر جانىم كۇيىپ مەنىڭ.

ەرىكسىز ەڭسەنى ءيىپ  سارى ۋايىم
(سىناقتىڭ بىزگە اق وسى ءبارى دايىن)
كەش سەمەي.
بۇلتقا اينالىپ كەتە اينالمادىم
كولتاۋسار بولا المايمىن، نەعىلايىن...

ءجا، جاراماس ەزىلىپ، ەگىلگەنىم.
ەستىسىن داۋىسىمدى ەلىم مەنىڭ
كىم كورىپتى سەمەيدەگى باتىرلاردىڭ
تارتىنىپ، تيگەن جاۋدان جەڭىلگەنىن؟!

مەن-ابايمىن، الاشپىن، مەن-ولەڭمىن.
وتتى دا، سۋدى دا سان بوگەگەنمىن.
مەن-شىڭعىس، تارباعاتاي، ەرتىسپىن مەن
مەن- بومباڭدى جەڭگەن دەگەلەڭمىن!

ايتارىم بارشا تۋىس، بار دوسىما
بىرلىك كەرەك جاۋ كەلسە ەل قاسىنا
رۋحىڭ سىنا كورمەسىن سەمەيلىكتەر
اعايىن سەن قۇلاما، سەن جاسىما!

كەتپەسىن جان السىرەپ، بوساپ بۋىن.
(جاتىرمىن جولدىڭ قامىن جاساپ بۇگىن)
جاراتقان جارىلقاي كور اباي ەلىن
قابىل قىلساڭ،  بۇل دا ءبىر تاساتتىعىم.

قازاق باردا اباي دالاسىن ءتىلسىز جاۋ جەڭە الماس! ءبىز بىرگەمىز!

اپاتتان مەرت بولعان جانداردىڭ تۋىستارىنا قايعىرىپ، كوڭىل ايتامىن.

رينات زايىتوۆ

Abai.kz