قازىرگى رۋحاني-مادەني كەڭىستىگىمىزدەگى اسا قاتەرلى قاۋىپءتىڭ ءبىرى – ورىس-ۋكراين سوعىسىن جاقتاعان، ءبىرى – ونى داتتاعان رەسەي ارتىستەرءى مەن توپتارىنىڭ قازاقستانعا اعىلۋى.

بۇعان توسقاۋىل ءار جويىلعان ۋكرايندىق تانكىگە 1 ملن. رۋبل سىيلىق تىككەن ورىس ءانشىسى گريگوري لەپسكە قاتىستى قوناەۆ قالاسى تۇرعىندارى تارىپىنان قويىلدى. بىراق، سولتۇستىك-شىعىستا جاعداي باسقا. بۇل جاعىننان اباي وبلىسىنىڭ باس قالاسى سەمەيدە تىس قالعان جوق. وسىعان قاتىستى ايماقتىڭ زيالى قاۋىمى بۇل ءۇردىستى ورىس رەۆانشيستەرىنىڭ ورتالىق ازيا ەلدەرىنىڭ ءىرى قالالارىنداعى مادەني ەكسپانياسى دەپ تانىپ وتىر. ويتكەنى، سەمەي – شىعىستاعى پاۆلودار مەن وسكەمەنگە قاراعاندا قازاقي قالا. ال، وندا رەسەيدىڭ ونەر جۇلدىزدارىنىڭ اسىر سالۋى – قاتەرلى ءۇردىس.

ءبىز سوزگە تارتقان جاس اقىن زەرتتەۋشى ەرىك ومارعالي: «بىزگە كەلىپ، كونتسەرت قويماقشى بولعاندار ۋكراينامەن سوعىستى جاقتاي ما، جاقتاماي ما بۇل باستى شارت ەمەس. ولاردىڭ بارلىعى دا ءالى كۇنگە دەيىن ءبىرىنىڭ اۋزىنا ءبىرى تۇكىرىپ قويعانداي رەسەيدىڭ 2022 جىلدىڭ 24 اقپانعا دەيىنگى ارالىقتاعى گۇرجىستان مەن ۋكراينانىڭ الەم تانىعان اۋماعىن جاۋلاپ الۋشىلىعىن مۇلدەم دۇرىس، ال، سولتۇستىك قازاقستاندى ورىس جەرى دەپ تانيدى».

ءيا، وسى 24 اقپانعا دەيىنگى جاۋلاپ الۋشىلىقتى قولداۋشى ارتىستەرى مەن توپتاردى ورىس بارلاۋى ءوز تاراپىنان ادەيلەپ، كوز قىلىپ «ءبىرى – ورىس-ۋكراين سوعىسىن جاقتاعان، ءبىرى – ونى داتتاعاندار» دەپ، وا تۇرعىندارىنىڭ ساناسىن جاۋلاۋدىڭ جاڭا ءتاسىلى ورىن الدى. ءتىپتى شەتەل استى دەيتىندەردىڭ دە ءبىر گابى بار.

سەمەي  اكىمشىلىگى رەسەيلىك «بي-2» توبىنىڭ كونتسەرتىنە رۇقسات بەردى، ودان تۇسكەن اقشا قايىرىمدىلىققا جۇمسالادى دەگەن حابار تاراعان بولاتىن. ەندى قالا اكىمشىلىگىنىڭ ورتكە بايلانىستى ونى بولمايدى دەۋىنىڭ استارىندا كوپ نارسە جاتىر ما دەگەن ويعا قالدىق...

قوعام بەلسەندىسى مۇرات راقىمجان: «سەمەي قالالىق اكىمدىگى رەسەيلىك «بي-2» روك توبىنىڭ كونتسەرتىن وبلىستاعى قايعىلى وقيعاعا وراي كەيىنگە شەگەردى دەگەندى ەستىپ، «بارەكەلدى!» دەپ وتىر ەدىك. بەكەر بولدى.

ورىس بارلاۋىنىڭ سوعىستى جاسىرىن قارجىلاندىرۋ ءۇشىن جاڭا ادىسكە كوشۋىنەن ىرگەسىن اۋلاق سالا بىلگەن قالا اكىمشىلىگى اۋەلى وزگە شەكارالىق ايماقتارداعى وبلىستارعا ۇلگى بولما دەپ ەدىك. امال نە، زيالى قاۋىم مەن قالا قاۋىمىنىڭ جىگەرىن قۇم ەتىپ، كونتسەرتكە   رۇقسات بەرگەنى اباي وبلىسى جۇرتشىلىعىن قىنجىلتىپ وتىر. ويتكەنى، 80 پايىزداي قازاق تۇراتىن وبلىستا بۇركەمەسى مەن جىقپىلى كوپ «حالىقتار دوستىعى» دەگەن جالعان ميفكە باسشىلىقتىڭ جاڭاشا كوزقاراسپەن قاراعانى بۇدان بىلاي ءجون سياقتى.

ءابىل-سەرىك الىاكبار

Abai.kz