2023 جىلدىڭ 15 ماۋسىمى مەن 21 ماۋسىمى ارالىعىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن ق. ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى بىرلەسىپ «تانىم – TRAVEL» اتتى تانىمدىق ەكسكۋرسيا جوباسىن ىسكە اسىردى.

جوبانىڭ نەگىزگى ماقساتى - جاستاردىڭ رۋحاني دامۋىنا ىقپالداسىپ، اباي قۇنانبايۇلى، شاكارىم قۇدايبەردىۇلى مەن قانىش ساتباەۆتىڭ تۋعان جەرىندەگى مادەني-ادەبي ەسكەرتكىشتەرمەن جانە قازاقستاننىڭ سوكرالدى گوەگرافياسىمەن تانىسۋ.

ەكى ۋنيۆەرسيتەتتەن 70-كە جۋىق بەلسەندى ستۋدەنتتەردەن قۇرالعان توپ ساپارىن بالقاش كولىنەن باستادى. سول جەرگە تۇراق قۇرىپ، ءبىرشاما ايالدادى.

16 ماۋسىم كۇنگى باعىت قاراعاندى قالاسى بولدى. قالا ماڭىندا ورنالاسقان دولينكا كەنتىندەگى «ساياسي قۋعىن-سۇرگىن قۇرباندارىن ەسكە الۋ» مۇراجايىنا باردى.

17 ماۋسىمدا جوباعا قاتىسۋشىلار استانا قالاسىنا باعىت الىپ، سونداعى «بايتەرەك» مونۋمەنتىن، استانا قالاسىنىڭ باس مەشىتىن كورىپ، قازاقستان رەسپۋبليكاسىنىڭ ۇلتتىق مۇراجايىنا تابان تىرەپ، ەرەكشە جادىگەرلەرمەن تانىستى. استانا قالاسىن ارتقا تاستاپ، ەكىباستۇز قالاسىمەن باياناۋىل ۇلتتىق ساياباعىنا باردى. جاسىباي كولىنىڭ ماڭىنا تۇراقتاپ، كوركەم دە سۇلۋ باياناۋىلدىڭ تابيعاتىمەن تانىستى.

18 ماۋسىم كۇنى تاڭ اتا «قوڭىر اۋليە» اتتى كيەلى جەرگە ات باسىن بۇرىپ، ەرەكشە جەردە ورنالاسقان ۇڭگىرگە باردى. ەكسكۋرسياداعى ءاربىر ادام ءوز تىلەگىن تىلەپ، تاماشا تابيعاتپەن تامسانىپ، اكادەميك قانىش يمانتايۇلى ساتباەۆتىڭ مەموريالدىق مۇراجايىنا جول تارتتى. اكادەميكتىڭ ءومىرى مەن عىلىم جولىنداعى ىزدەنىستەرىنە شولۋ جاساپ، مۇراجاي قورىمەن تانىستى. مۇراجايدان كەيىن ءماشھۇر ءجۇسىپ كوپەەۆتىڭ كەسەنەسى مەن مەموريالدىق مۇراجايىنا باردى. ونداعى اقىننىڭ ءوزىنىڭ قولدانعان جەكە زاتتارىن تاماشالاپ، ومىرىندەگى قىزىقتى دەرەكتەرمەن تانىستى. كەسەنەگە بارىپ، رۋحىنا زيارات ەتتى. ودان كەيىن پاۆلودار قالاسىنا جول تارتتى. پاۆلودار قالاسى ىستىق ىقىلاسپەن قارسى الدى. الكەي مارعۇلان اتىنداعى پاۆلودار پەداگوگيكالىق ۋنيۆەرسيتەتىنىڭ ۇجىمى مەن بەلسەندى ستۋدەنتتەرى ەرەكشە كۇتىپ الىپ، قازاقتىڭ قوناقجايلىلىعىن كورسەتتى. اتالمىش قالادا ءۇش ۋنيۆەرسيتەت اراسىندا دوستىق-ىنتىماقتاستىق قارىم-قاتىناس ورنادى.

19 ماۋسىم كۇنى تاڭدا پاۆلودار قالاسىنىڭ كورىكتى جەرى ەرتىس جاعالاۋىن تاماشالاپ، گ.ن.پوتانين اتىنداعى پاۆلودار وبلىستىق تاريحي-ولكەتانۋ مۇراجايىنا باردى. ول جەردەگى ەرتىس جاعالاۋىنان تابىلعان كونە جادىگەرلەرمەن تانىسىپ، ايماقتىڭ تاريحىنا كوز جۇگىرتتى.

ءتۇس اۋا ەكى ۋنيۆەرسيتەتتەن قۇرالعان توپ اباي وبلىسىنىڭ ورتالىعى سەمەي قالاسىنا باعىت الدى. شاكارىم ۋنيۆەرسيتەتىنىڭ جاستارىمەن بىرلەسە حاكىم اباي قۇنانبايۇلىنىڭ مەموريالدى مۇراجايىنا باردى. مۇراجاي جاڭا تەحنولوگيالارمەن جابدىقتالىپ، اقىننىڭ ءومىرى مەن شىعارماشىلىعىنا بايلانىستى مول مۇرالاردى ۇسىندى. ستۋدەنتتەردىڭ تانىم كوكجيەكتەرى كەڭەيىپ، تىڭ ماعلۇماتتاردى الدى. مۇراجايدان كەيىن سەمەي قالاسىن ارالاپ، شاكارىم ۋنيۆەرسيتەتىنىڭ باس وقۋ عيماراتىنا كەلدى. ۋنيۆەرسيتەت قىزمەركەرلەرى مەن جالىندى شاكارىم جاستارى ۋنيۆەرسيتەت تاريحىمەن تانىستىرۋ ماقساتىندا ۋنيۆەرسيتەت مۇراجايىن تانىستىردى.

20 ماۋسىم كۇنى سەمەي ورمانىنا بارىپ، ستۋدەنتتەر مەن ۋنيۆەرسيتەت قىزمەتكەرلەرى ەرىكتىلىك قىزمەت اتقاردى. جاڭا ەگىلگەن شىرشا اعاشتارىنىڭ ءتۇبىن شوپتەن تازارتىپ، تاماشا تابيعاتتى ايالاۋعا ءوز ۇلەستەرىن قوستى. تۇستە اباي مەن شاكارىم كەسەنەسى ورنالاسقان جيدەباي جەرىنە جولعا شىقتى. جول جونەكەي اباي قۇنانبايۇلىنىڭ كىندىك قانى تامعان سىرت قاسقابۇلاق ولكەسىن، قوس عاشىق ەڭلىك پەن كەبەككە قويىلعان كەسەنەنى كورىپ، جيدەباي جەرىنە كەلدى. ول جەردەگى اباي قۇنانبايۇلىنىڭ قىستاق مۇراجايىمەن تانىسىپ، اباي قۇنانبايۇلى مەن شاكارىم قۇدايبەردىۇلىنىڭ كەسەنەسىمەن تانىستى. ودان كەيىنگى باعىت الاكول كولى بولدى.

21 ماۋسىم كۇنى ەكى ۋنيۆەرسيتەت ستۋدەنتتەرى الاكول كول ولكەسىنە كەلىپ، تابيعاتتى تاماشالاپ، ەرەكشە سەزىممەن الماتى قالاسىنا شولعا شىقتى.

«تانىم – TRAVEL» جوباسىنا قاتىسقان ستۋدەنتتەرگە، جان-جاقتى كومەك كورسەتكەن الكەي مارعۇلان اتىنداعى پاۆلودار پەداگوگيكالىق ۋنيۆەرسيتەتىنىڭ، شاكارىم ۋنيۆەرسيتەتىنىڭ ۇجىمى مەن جالىندى جاستارىنا العىسىمىز شەكسىز!

Abai.kz