اقش مەملەكەتتىك حاتشىسى ەنتوني بلينكەن رەسەي مەن قازاقستاننىڭ وليگارحتارىن «پوستكەڭەستىك مافيا» دەگەن ساناتقا جاتقىزىپ، ەندى وسى مافيامەن بەلسەنە اينالىسپاق، - دەپ جازادى
DALA INSIDE.

"پوستكەڭەستىك مافيا" كلۋبىنا اقش پەن ۇلىبريتانيادا قۇنى 10 ميلليون دوللاردان اساتىن پەنتحاۋستار مەن ۇيلەرى بار، قازاقستان، رەسەي، ۋكراينادان شىققان جانە بيلىك كلاندارىمەن سىبايلاسقان وليگارحتار ەندى.

اقش بۇل باستامانى ۇلىبريتانيامەن الدىن-الا كەلىسىپ العان. رەسمي لوندون داريعا نازارباەۆانىڭ بريتانياداعى مۇلكىن بۇعاتتاۋ پروتسەسىن باستاۋى ءتيىس. ال اقش الدىمەن بولات وتەمۇراتوۆپەن اينالىساتىن بولادى. ودان كەيىنگى كەزەك ۆلاديمير كيم، تيمۋر مەن دينارا قۇلىباەۆتار، ءاليا نازارباەۆا، احمەتجان ەسىموۆ، عالىمجان ەسەنوۆ، بولات نازارباەۆتارعا كەلمەك.

اقش مەملەكەتتىك دەپارتامەنتى بولجامى بويىنشا، قازاق جانە رەسەي وليگارحتارى ءوز ەلدەرىنەن ورتاشا ەسەپپەن 200 ميلليارد دوللار ۇرلاپ كەتكەن. اقش بۇعان بەي-جاي قاراپ وتىرعىسى كەلمەيدى.

"جاڭا قازاقستان" ءۇشىن سىن ءساتى تۋدى. اقش پەن ەۋروپا وليگارحتار اكتيۆتەرىن وڭاي بۇعاتتايتىنى ءمالىم. بىراق ولار قازاقستانعا قايتا ما؟ الدە ءبىز اقش تاراپىنان جاسالعان ينتەللەگەنتتى رەكەتكە تاپ بولامىز با؟

ءبىزدىڭ ادىلەت مينيسترلىگىن "ستاتي كەيسىنەن" كەيىن حالىقارالىق كەلىسسوزدەرگە جىبەرۋدىڭ ءوزى ۇيات. تەك باس پروكۋراتۋراعا سەنىم ارتا الامىز.

نازارباەۆشىلاردىڭ ەندىگى ءومىرى بال بولمايدى. ول تۋرالى ءالى ايتامىز.

Abai.kz