قازاقستان رەسپۋبليكاسىنىڭ پرەزيدەنتى
قاسىم-جومارت كەمەلۇلى توقاەۆقا

اشىق حات

قۇرمەتتى قاسىم-جومارت كەمەلۇلى!

قاسىرەتتى قاڭتار وقيعاسىنا جىل تولدى. وسى ۋاقىت ىشىندە قاندى وقيعاعا قاتىستى تەرگەۋ امالدارى جۇرگىزىلىپ، ءتۇرلى كوميسسيالار، جۇمىس توپتارى مەن ازاماتتىق قوعام وكىلدەرى زەرتتەۋلەر جۇرگىزدى. بىراق ءالى كۇنگە دەيىن وقيعانىڭ ءمان-جايى اشىق ايتىلىپ، ونىڭ ءادىل باعاسى بەرىلگەن جوق. قاندى وقيعاعا قاتىستى ءتۇرلى دەڭگەيدەگى سوت ورىندارىندا وتكەن پروتسەستەردە ورەسكەل زاڭسىزدىق ورىن الۋدا.

ءسىز: «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىڭىزدا: «قوعامدا زاڭ ۇستەمدىگى بەرىك ورنىعىپ، سوت تورەلىگى ءادىل اتقارىلۋى قاجەت»، - دەگەن ەدىڭىز. الايدا ءبىز، قازاق قالامگەرلەرى مەن زيالى قاۋىم وكىلدەرى، 2023 جىلدىڭ شىلدە ايىنىڭ 11 كۇنى قاڭتار وقيعاسى كەزىندە «اۋەجايدى باسىپ الۋ ءىسى» بويىنشا سوتتالعان جۋرناليست ايگەرىم تىلەۋجانعا، بەلسەندى قالاس نۇرپەيىسوۆكە، نۇرلان دالىباەۆقا، ەرمۇحامەت شيلىباەۆقا جانە جانايدار كارمەنوۆكە شىعارىلعان ۇكىمگە قاتىستى قاتال جانە تۇبەگەيلى كەلىسپەۋشىلىگىمىزدى بىلدىرەمىز. «اۋەجاي ءىسىنىڭ» ۇكىمى حالىق قارسىلىعىن كۇشەيتىپ، قوعامدا رەزونانس تۋعىزدى. بۇل جاعدايدى ەگجەي-تەگجەيلى زەرتتەپ، وسى ىسكە ەرەكشە نازار اۋدارۋىڭىزدى سۇرايمىز. جانە دە اتا زاڭىمىزدا بەلگىلەنگەن «حالىق پەن مەملەكەتتىك بيلىك بىرلىگىنىڭ، كونستيتۋتسيانىڭ مىزعىماستىعىنىڭ، ادام جانە ازاماتتىڭ قۇقىقتارى مەن بوستاندىقتارىنىڭ نىشانى جانە كەپىلى» رەتىندە سىزدەن جوعارىدا اتالعان ازاماتتارعا اراشا ءتۇسۋىڭىزدى سۇرايمىز.

قۇرمەتتى قاسىم-جومارت كەمەلۇلى!

جاڭا قازاقستاننان ءۇمىتتى قازاقستان رەسپۋبليكاسىنىڭ بارلىق حالقى جاڭا وزگەرىستەردى كۇتكەن ەدى. الايدا، قوعامدا ابدەن قالىپتاسىپ قالعان ەسكى جۇيەنىڭ سالقىنىن ءالى دە سەزىنۋدەمىز. ادىلەتتى قازاقستاننىڭ بەرىك ورنىعۋى ءۇشىن «قاسىرەتتى قاڭتار» وقيعاسى بويىنشا جۇرگىزىلىپ جاتقان سوت پروتسەستەرى ءادىل ءوتۋى ءتيىس دەپ سانايمىز. سونداي-اق، ادىلەتتى قازاقستان قۇرۋ يدەياسىنا قارسى ارەكەت ەتىپ وتىرعان سوت ورىندارىنداعى تۇلعالاردى ءادىل انىقتاپ، ولارعا قولدانىستاعى زاڭ اياسىندا قاتاڭ جازا قولدانىلۋىن سۇرايمىز.

قۇرمەتپەن، قازاق قالامگەرلەرى مەن زيالى قاۋىم وكىلدەرى:

1. تاناگوز تولقىنقىزى
2. انار شامشادينوۆا
3. سۆەتقالي نۇرجان
4. اقبەرەن ەلگەزەك
5. قالقامان سارين
6. ۇلاربەك دالەي
7. جانات جانقاش
8. مەرەكە مۇقان
9. جانىبەك الىكەن
10. قانات ءابىلحايىر
11. ايبەك ەرەجەپ
12. جانگەلدى نەمەرەباي
13. ولجاس ساندىبەك
14. ناۋرىزبەك سارشا
15. وڭعار قابدەن
16. داۋرەن تىلەۋحان
17. ينديرا كەرەەۆا
18. جانارگۇل قادىروۆا
19. ايدانا قايساربەكقىزى
20. تولقىن قابىلشا
21. مەرەي قارت
22. ەرشات قايبولدين
23. جانىبەك ءاليمان.
24. نۇرتاس تۇرعانبەكۇلى
25. نۇريسلام ءابدىل
26. ميراس مۇقاش
27. ارايلىم مۇراتاليەۆا
28. ارمان شەريزات
29. گۇلجاينار قالدينا
30. ىقىلاس وجاي
31. دامير ابەنوۆ
32. ەرىك نارىن
33. رىسگۇل دوسجانوۆا
34. ەلامان قاسەن
35. مۇحتار كۇمىسبەك
36. مەرگەن توقسانباي
37. حاميت ەسامان
38. ءدىلدا ۋاليبەك
39. قايسار قاۋىمبەك
40. ەرجان الاشتۋعان
41. سەرىك اقسۇڭقار
42. ىرىسبەك دابەي
43. بايبوتا قوشىم-نوعاي
44. قۋانىش جازايىن
45. ساكەن سىبانباي
46. اسىلبەك جاڭبىرباي
47. ءىلياس مۇقاەۆ
48. تىلەگەن ءالي
49. بەكزات سماديار
50. ەلدوس توقتارباي
51. داۋرەن ايمانبەت
52. قۋانىش جازاي
53. ۇلاربەك نۇرعالىمۇلى
54. سەزىم مەرگەنباي
55. ماقپال مىسا
56. ماقسات داۋىلپاز
57. قارلىعاش قاباي
58. باقىتبەك قادىر
59. مەرەي قارت
60. ايگۇل باجانوۆا
61. قايرات جولدىبايۇلى
62. ابزال بوكەن
63. ايگۇل ءجۇمادىل
64. ارشىن نۇرباقىت
65. قاناعات ءابىلحايىر
66. جىبەك بولتانوۆا
67. باقتيار قاباس
68. بايجۇما اسىلبەك

ەسكەرتۋ! قول قويۋ جالعاسىپ جاتىر...

Abai.kz