قىرعىزستاننىڭ «ءوز مەملەكەتتىك ءتىلىن ءوز حالقىنا ءبىل» دەپ، زاڭ تۇرعىسىنان مىندەتتەۋى رەسەيدىڭ شامىنا ءتيىپ جاتىر. رەسەيدىڭ سىرتقى ىستەر ءمينيسترى سەرگەي لاۆروۆ: «بۇلارىڭ دەموكراتيالىق پرينتسيپكە جات»، - دەپتى.

«ورتالىق ازيادا بەلسەندى تۇردە زاڭدارىن وزگەرتىپ جاتىر. قىرعىزستاندا بىرنەشە اي بۇرىن زاڭ قابىلداندى. بۇل ۇسىنىس تۇسكەن كەزدە، مۇنىڭ دەموكراتيالىق ەمەس ەكەنىن قىرعىز ارىپتەستەرىمىزگە ەسكەرتتىك. وندا مەملەكەتتىك قىزمەتكەرلەردىڭ ءبارى قىرعىز ءتىلىن ءبىلۋى كەرەك جانە وسى تىلدە جۇمىس جۇرگىزۋى ءتيىس دەلىنگەن. مەملەكەتتىك قىزمەتكەرلەر كاتەگورياسىنا مۇعالىمدەر، دارىگەرلەر دە كىردى. ءبىز ءارى قاراي جۇمىس ىستەۋدى جالعاستىرامىز. ءبىز بىرنەشە رەت ەسكەرتتىك. قىرعىز كونستيتۋتسياسىندا ورىس ءتىلى ۇلتارالىق قاتىناس ءتىلى»، - دەدى رەسەي ءسىم باسشىسى 19 شىلدەدە كوممەرتسيالىق ەمەس ۇيىمداردىڭ وكىلدەرىمەن كەزدەسۋ كەزىندە.

ونىڭ سوزىنشە، ورىس ءتىلى رەسەيدە بولىپ جاتقان وقيعالار تۋرالى شىنايى اقپارات جەتكىزۋگە، ورىس مادەنيەتىن بىلۋگە، وتاندىق ءبىلىمدى العا جىلجىتۋعا قاجەت.

«ول ورىس ءتىلىن بارلىق جەردە كەمسىتۋ ءجۇرىپ جاتىر. ۋكراينانى ايتپاعاندا، بالتىق ەلدەرى دە وسىنى ىستەپ وتىر. ورىس ءتىلى قازىرگى الەمدە قاجەت»، - دەپتى سەرگەي لاۆروۆ.

بۇعان دەيىن، قىرعىزستان پرەزيدەنتى سادىر جاپاروۆ «قىرعىزستانداعى مەملەكەتتىك ءتىل تۋرالى» زاڭعا قول قويعان. زاڭ 18 شىلدەدەن باستاپ كۇشىنە ەندى.

قۇجاتقا ساي ەندى  مەملەكەتتىك قىزمەتكەرلەر، بارلىق مەملەكەتتىك مەكەمەگە قارايتىن قىزمەتكەرلەر، ونىڭ ىشىندە دەپۋتاتتار، ۇلتتىق بانك قىزمەتكەرلەرى، سوت، پروكۋرورلار، ادۆوكاتتار، نوتاريۋس قىزمەتكەرلەرى قىرعىز ءتىلىن ءبىلۋى ءتيىس جانە بۇكىل جۇمىستى قىرعىز تىلىندە جۇرگىزۋىگە مىندەتتەلدى.

بۇل زاڭ مەنشىك تۇرىنە قاراماستان تەلەراديوكومپانيالاردى باعدارلامانىڭ كەمى 60 پايىزىن قىرعىز تىلىندە جۇرگىزۋگە مىندەتتەيدى. بىرلەسكەن كومپانيالار مەن شەتەلدىك كومپانيالار اتاۋى قىرعىز تىلىندەگى ترانسليتەراتسيامەن جازىلۋعا ءتيىس. ال ورىس ءتىلى قىرعىزستاندا رەسمي ءتىل رەتىندە قولدانىلادى.

Abai.kz